Ebikorwa 15:18 - Indagano Inyaaya mu-Chijita

¹⁸ na nijo ejoejo ꞉jaamenyekeene okusookerera kara.’”

INDAGANO INYA:YA

¹⁸ Nikwo kutyo ka:ika Ratabugenyi unu e:resyaga ebigambo binu kuso:kerera kara.

Ebikorwa 15:18 ပူးပေါင်းရင်းမြစ်များ

Matayo 13:35

Ejo ꞉jaakorekeene kutyo, korereki gukuumire omusango gunu Nyamuwanga ꞉aayikire ku‑njira ya omuragi waaye ati, “Niryayika na abhaanu ku‑bhijekekanyo. Niribhabhwira emisango jinu jiri ja imbisike okwambira okubhumbwa kwa echaaro.”

Matayo 25:34

“Niwo anye Omukama, niribhwira abhaanu bhanu bhari orubhaara rwani rwa ebhuryo ati, ‘Muuje, emwe bhanu Raata waani ayaaye amabhando. Mwingire mu‑bhukama bhunu Nyamuwanga abheeraabhiiye okusookerera bhunu ꞉aabhumbire echaaro.

Ebikorwa 17:26

꞉Aabhumbire abhaanu bha amaanga goone okusooka ku‑muunu umwi, korereki bheekare mu‑chaaro choone. ꞉Aabhatereeye‑wo na omwanya gwa okwikara okusookerera kara, nyabhuriko ꞉aabhatereeye‑wo na jimbibhi anu abhaja okwikara.

Baefeso 1:11

Nyamuwanga kaakora bhuri chiinu okwingana na obhukarariiye bhwa okwenda kwaye. Omwene ꞉aaramuuye okuchisora eswe Abhayawudi, chibhe abhaana bhaaye okusookerera kara ku‑njira ya Kirisito.

Baefeso 1:4

Okubha, Nyamuwanga ꞉aachisorere chibhe na obhumwi na Kirisito, noorwo achaari okubhumba echaaro, korereki mu‑ryenda ryaye chibhe abheeru bhanyamburwa esoro mu‑meeso gaaye.

Baefeso 3:9

Nyamuwanga ꞉aanaaye obhuturo bhwa okusomboorera abhaanu bhoone emisango ejo, korereki bhamenye kutyo Nyamuwanga arikuumisya obhutinge bhwa imbisike yaaye. Obhutinge obhwo, bhwariga bhubhisirwe okusookerera kara ku‑Nyamuwanga unu ꞉aabhumbire ebhiinu bhyone.

2 Batesalonika 2:13

Nawe eswe, echikenwa chisiime Nyamuwanga bhuri rusuku ku‑songa yeemwe. Emwe abhayiri, mwenderwe na Raatabhugenyi Yeesu. Echisiima Nyamuwanga, kwa okubha ꞉aabhawuuwe, echiinu choonechoone chichaari okubhumbwa korereki muchungurwe. Muchunguuywe kwa okubha mwesibhwe na Mwoyo Mweru, ka wone mwikirisiisye echimari.

1 Petero 1:20

Echaaro noorwo chichaari okubhumbwa, Nyamuwanga omwene aariga aamarire okumwawura ku‑bhukarariiye obhwo. Nawe ˆnaarindirira okukingira jisiku ja obhuteero jinu, ˆnaamubhuurisya abhwerubhweru ku‑bhaanu bhoone. Ejo joone, ꞉jaakorekeene ku‑songa yeemwe.

Obhusweruro 13:8

Abhaanu bhoone ku‑chaaro choone bhariramya rityanyi eryo, nawe abhaanu bhoone bhanu amasiina geebhwe gakaamirwe mu‑chitabho cha obhuwanga, okusookerera echaaro chichaari okubhumbwa bhataririramya. Echitabho echo ni cha Omwana wa Inaama unu ꞉aatemerwe omutwe.

Obhusweruro 17:8

Rityanyi rinu ꞉waarorere, ryariga riri aanga nawe woori ryafuuwe. Rityanyi eryo, riri yeeyi okusooka mu‑ryobho rinu ritari na obhuteero, korereki Nyamuwanga arisingaarisye. Abhaanu bhoone ku‑chaaro bhanu amasiina geebhwe ꞉gataakaamirwe mu‑chitabho cha obhuwanga echaaro chichaari okubhumbwa, bhariruguura aribha bhaarora rityanyi eryo ryariga riri‑wo, woori ritari‑wo na riribha‑wo rindi.”