Ebikorwa 14:7 - Indagano Inyaaya mu-Chijita

⁷ Bhuri rubhaara bhaariga nibharaasisya abhaanu Emisango ja Ekisi ja Yeesu.

INDAGANO INYA:YA

⁷ Nibaba eyo nibasimura Ebigambo byo bwana.

Ebikorwa 14:7 ပူးပေါင်းရင်းမြစ်များ

Ebikorwa 11:19

Okuruubhana na okwitwa kwa Tefwano na ebhinyaasyo bhinu ꞉bhyasookereeye Yerusareemu, abheekirisya ꞉bhaanyarageene, nibhabhirimira mu‑mukoowa gwa Foyeenike, kw‑isinga rya Kiipuro na mu‑musi gwa Atiyookiya. Eyo niyo bheeyigisyaga omusango gwa Nyamuwanga ku‑Bhayawudi era.

Ebikorwa 14:15

“Emwe abhaanu bhaasu, musige okukora kutyo! Eswe wone chiri abhaanu era rwa emwe! Chiri anu okubharaasisya Emisango ja Ekisi ati, musige okuramya amasambwa, muyindukire Nyamuwanga omuwanga! Omwene niwe ꞉aabhumbire orutumba, echaaro, inyanja, na bhyone bhinu bhiri‑mo.

Ebikorwa 14:21

Pawuro na Bharinaabha ꞉bhaaraasiisye Emisango ja Ekisi ja Yeesu mu‑musi gwa Deeribhe na okubhona abheeyigisibhwa bhaafu. Ejo jejire jaawa nibhagenda, nibhaturaga mu‑misi ja Risitura, Yikoniya na Atiyookiya Pisiidiya.

Ebikorwa 16:10

Pawuro ejire aamara okurora ebhiroro ebhyo, awoawo nichikora bhwangu okuyenja ingarabha chigende Makedooniya eyo, kwa okubha ꞉chaarorere ati Nyamuwanga achibhirikiiye korereki chiraasisye abhaanu bheende‑yo Emisango ja Ekisi.

Ebikorwa 17:2

Pawuro ˆneengira mu‑nju eyo, okuruubhana na itungwa yaaye kutyo yaariga iri. Jisabhaato esatu joone jinu ꞉jaaruubheene, eeresyaga abhaanu emisango jinu jiri mu‑Bhikaame Ebhyeru,

Ebikorwa 8:4

Abheekirisya bhanu ꞉bhaanyarageene, bhaariga nibharaasisya abhaanu Emisango ja Ekisi ja Yeesu, bhuri enu bhaajaga.

1 Batesalonika 2:2

Ka wone mumenyere ati omwanya gunu chaariga chichaari okukinga kw‑imwe, ꞉chaanyaasiibhwe muno na okufumwa mu‑musi gurya gwa Firiipi. Noorwo kw‑imwe ꞉chaayingiriiywe muno, nawe Nyamuwanga weeswe ꞉aachiyaaye ribhaasi rya okubharaasisya Emisango ja Ekisi.

2 Timoteo 4:2

Genderera okuraasya Emisango ja Ekisi ja Nyamuwanga. Ubhe wimaririiye okukora kutyo, omwanya gunu gwiyire amwi gunu guteeyire. Kengyaga, gonyaga na simbagirisyaga abhaanu. Ukore kutyo, kwa okwiyigisya mu‑bhwigumiirisya bhwone.