Ebikorwa 14:1 - Indagano Inyaaya mu-Chijita

¹ Yikoniya eyo Pawuro na Bharinaabha, nibheengira mu‑nju ya eriikofyanyo rya Abhayawudi, rwa kutyo jitungwa jeebhwe jaariga jiri. Nibheeyigisya abhaanu omwo kwa ribhaasi inguru ya Yeesu, Abhayawudi abhaafu muno aamwi na Abhayunaani abhaafu, nibheekirisya Yeesu.

INDAGANO INYA:YA

¹ Mbe, mu Ekonio nibengira aamwi mu rikofyanyisyo rya Bayaudi, nibasimura ndijei ecise cinene ca Bayaudi na Bagiriki nibe:kirisya.

Ebikorwa 14:1 ပူးပေါင်းရင်းမြစ်များ

Yowana 12:20

Bhaariga bhari‑wo abhaanu bhanu bhaariga bhatari Bhayawudi mu‑bhaanu bhanu ꞉bhaagendere Yerusareemu okuramya Nyamuwanga mu‑chikukuru ya Okwambuka.

Yowana 7:35

Niwo Abhayawudi nibhabhuusyanya abheene kwa abheene ati, “Angu, omuunu unu arija aaki anu eswe chitarimubhona? Angu, keenda okugenda ku‑Bhayawudi bhanu bhanyarambukiiye mu‑bhyaro ebhindi, na okwiyigisya abhaanu bhanu bhatari Bhayawudi?

Ebikorwa 11:21

Obhuturo bhwa Raatabhugenyi bhwariga bhuri aamwi nabho, abhaanu bhaafu nibheekirisya nibhayindukira Raatabhugenyi Yeesu.

Ebikorwa 13:43

Omwanya gunu abhaanu abho ꞉bhaanyarambukire, Abhayawudi bhaafu, aamwi na abhaanu abhandi bhanu ꞉bhaagwateene na Abhayawudi bhanu bhaaramyaga Nyamuwanga, nibharuubha Pawuro na Bharinaabha. Abheene wone nibhasimura na abhaanu abho nibhabhakomeeresyaga ati, bhagenderere okwiyikanya obhwitiriranya bhwa Nyamuwanga.

Ebikorwa 13:46

Noorwo kutyo, Pawuro na Bharinaabha nibhabhasubhya kwa ribhaasi nibhaayikaga ati, “Jaariga jiiyire omusango gwa Nyamuwanga, guraasibhwe kw‑imwe, emwe Abhayawudi okwamba. Nawe kwa okubha mwagurema na okwiramura abheene ati muteeyire obhuwanga bhwa akajaanende, woori echibhasiga echigenda okuraasisya abhaanu bhanu bhatari Bhayawudi.

Ebikorwa 13:5

Omwanya gunu ꞉bhaakingire kw‑isinga eryo, mu‑musi gwa Saraami, nibhaamba okuraasisya abhaanu omusango gwa Nyamuwanga mu‑nju ja ameekofyanyo ga Abhayawudi. Awo Yowana Maariko, aariga ari aamwi nabho wuti musakisi weebhwe.

Ebikorwa 13:51

Kutyo, Pawuro na Bharinaabha nibheekuukumura oruteeri rwa ku‑maguru geebhwe, korereki okubhagaanya. Niwo nibheemuka, nibhaja mu‑musi gwa Yikoniya.

Ebikorwa 14:19

Nawe nibhaaja Abhayawudi abhandi okusooka Atiyookiya mu‑mukoowa gwa Pisiidiya, na okusooka Yikoniya. Nibhakongya eriikofyanyo rya abhaanu, korereki bhabhe aamwi nabho. Bhoone nibhabhuma Pawuro na amabhuyi, nibhamukurura, nibhamusira anja ya omusi, nibheetogeraga ati aafuuwe.

Ebikorwa 14:2

Nawe Abhayawudi abharebhe bhanu ꞉bhaaremere Yeesu, nibhaamba okukungirisya abhaanu abhandi bhanu bhatari Bhayawudi, korereki bhasoke abheekirisya abho.

Ebikorwa 14:21

Pawuro na Bharinaabha ꞉bhaaraasiisye Emisango ja Ekisi ja Yeesu mu‑musi gwa Deeribhe na okubhona abheeyigisibhwa bhaafu. Ejo jejire jaawa nibhagenda, nibhaturaga mu‑misi ja Risitura, Yikoniya na Atiyookiya Pisiidiya.

Ebikorwa 16:1

Pawuro ˆnaagenda mu‑misi ja Deeribhe na Risitura. Risitura eyo aariga ari‑wo omwiyigisibhwa umwi wa Yeesu, risiina ryaye aatogwaga Timoteewo. Nyiramwene aariga ari Omuyawudigasi, omwene aariga ari mwikirisya wa Yeesu, nawe esemwene aariga ari Muyunaani.

Ebikorwa 16:2

Timoteewo aariga ari omuunu wa jikuma ja ekisi agati ya abheekirisya abheejaabho bha Risitura na Yikoniya.

Ebikorwa 17:12

Abhayawudi bhaafu agati yeebhwe nibheekirisya Yeesu, aamwi na Abhayunaani, abhagasi bha ebhibharo na abharume wone.

Ebikorwa 17:17

Kurwa ejo eengiraga mu‑nju ya eriikofyanyo rya Abhayawudi, ˆnaayikanaga na Abhayawudi aamwi na abhandi bhanu bhaaramyaga Nyamuwanga, inguru ya Emisango ja Ekisi ja Yeesu. Wone aaraasyaga ku‑bhaanu bhoone bhanu aariga ˆnaasongʼana mw‑iguriro bhuri rusuku.

Ebikorwa 17:4

Jinu Pawuro ꞉aayikire, Abhayawudi abharebhe nibhajiikirisya, aamwi na Abhayunaani abhaafu bhanu bhaaramyaga Nyamuwanga. Nibheekirisya noorwo abhagasi abhaafu bha echibharo. Abho bhoone nibharuubhana na Pawuro na Siira.

Ebikorwa 18:4

Bhuri orusuku rwa Isabhaato, Pawuro aaregeejaga okukongya Abhayawudi aamwi na Abhayunaani mu‑nju ya eriikofyanyo rya Abhayawudi.

Ebikorwa 18:8

Kirisipo, omukuru wa inju ya eriikofyanyo eryo, ˆneekirisya Raatabhugenyi, aamwi na abhaanu bhoone bha iika ewaaye. Abhakoriito abhaafu nibhategeresya Pawuro, nibheekirisya na okubhatiijibhwa.

Ebikorwa 19:10

Pawuro ˆnaagenderera kutyo kwa emiguuga ebhiri, ˆnaabhwiraga abhaanu inguru ya Yeesu na abhaanu bhaafu muno bha mu‑mukoowa gwa Asiya, Abhayawudi aamwi na bhanu bhatari Bhayawudi nibhategeresya omusango gwa Raatabhugenyi.

Ebikorwa 19:17

Emisango ejo nijiswirana muno mu‑Bhayawudi na mu‑Bhayunaani bha Yefeeso bhanu bhaaramyaga Nyamuwanga. Abho bhoone nibhayaya, nibhakuuya risiina rya Raatabhugenyi Yeesu.

Ebikorwa 19:8

Kwa omwanya gwa ameesi gasatu Pawuro aariga ˆneengira mu‑nju ya eriikofyanyo rya Abhayawudi na okusimura nabho kwa ribhaasi. Aasimuraga na abhaanu na okubharembeja bheekirisye emisango ja obhukama bhwa Nyamuwanga.

Ebikorwa 2:47

enu nibhakusyaga Nyamuwanga na okwendwa na abhaanu bhoone. Bhuri rusuku Raatabhugenyi aagendereraga okuchungura abhandi, abheekirisya nibhagendereraga okwiyongesya.

Ebikorwa 20:21

Naabhwiraga Abhayawudi na bhanu bhatari Bhayawudi ati, bhayindukire Nyamuwanga, bhate ebhibhiibhi bhyebhwe na bheekirisye Raatabhugenyi weeswe Yeesu Kirisito.

Ebikorwa 21:28

“Emwe abharume bha Yisirayeeri! Muchisakire! Mbawo omuunu unu niwe uryaurya kaagenderera okwiyigisya abhaanu bha mbaara joone ati, bhachigaye eswe Abhayawudi, bhagaye ebhiraagiro bhya Muusa na bhagaye Riyekaru rinu. Okusiga ejo kaajabhiyasya ayeeru kwa okwingisya Abhayunaani mw‑Iyekaru rya Nyamuwanga.”

Ebikorwa 9:20

Awoawo ꞉aambire okugenda mu‑nju ja ameekofyanyo ga Abhayawudi, ˆnaabharaasisyaga ati, Yeesu ni Mwana wa Nyamuwanga.

Barumi 1:16

Anye nitakwiswara okuraasya Emisango ja Ekisi ejo, kwa okubha nijo obhuturo bhwa Nyamuwanga bhwa okuchungura abhaanu bhoone bhanu abheekirisya Yeesu, okwambira Abhayawudi okukingira abhaanu bhanu bhatari Bhayawudi.

Barumi 10:12

Emisango ejo ejeeresya ati itari‑wo isoroore agati ya Abhayawudi amwi bhanu bhatari Bhayawudi. Ari‑wo Raatabhugenyi umwi era ku‑bhaanu bhoone. Omwene ni wa kisi muno ku‑bhaanu bhoone bhanu abhamusabhwa.

Bagalatia 2:3

Nibheekirisyanya aamwi na anye. Noorwo kutyo oweejaasu Tiito aariga atari Muyawudi, ꞉ataasinyirisiibhwe okutendwa.

Bagalatia 3:28

Kurwa ejo, bhutari‑wo obhutaasyanya agati ya Omuyawudi na Omuyunaani, amwi omugaya na omuunu omwitaage, amwi omurume na omugasi. Bhoone muri chiinu chimwi, kwa okubha muri na obhumwi na Kirisito Yeesu.

Bakolosai 3:11

Kurwa ejo, bhutari‑wo obhutaasyanya rindi agati ya Omuyawudi na unu atari Muyawudi, unu atenderwe na unu atatenderwe, unu kaasooka mu‑chaaro cha kura amwi omusikisi, omugaya na omwitaage. Tari Kirisito niwe wa bhusibhusi na omwene ari mw‑imwe bhoone.

2 Timoteo 3:11

eryenda ryani na okurindirira kwani. Owumenya kutyo abhaanu bhaannyaasyaga, bhunu naariga niri mu‑misi ja Atiyookiya, Yikoniya na Risitura. Ka wone, owumenya kutyo neegumiirisiisye jinyaako joone okukingira Raatabhugenyi ˆnaamonʼya okusooka mw‑ijo joone.