Ebikorwa 13:52 - Indagano Inyaaya mu-Chijita

⁵² Nawe abheeyigisibhwa bha Yeesu bha Atiyookiya ya Pisiidiya eyo, nibhabha na rikonderwa enene nibhagendereraga okwijusibhwa Mwoyo Mweru.

INDAGANO INYA:YA

⁵² Abe:igisibwa nibe:jura okukonderwa no Mwoyo Mweru.

Ebikorwa 13:52 ပူးပေါင်းရင်းမြစ်များ

Matayo 5:12

Mwichuke ati, nikwo kutyo abhaanu bhaanyaasyaga wone abharagi bhanu bhaariga bhari‑wo kara. Mukondererwega na okusandabha muno, kwa okubha Nyamuwanga abhabhiikiiye echiyaanwa echinene mu‑rwire.”

Ebikorwa 11:29

Okuruubhana na obhuragi obhwo, abheeyigisibhwa nibharamura ati, bhuri umwi weebhwe, ku‑bhuturo bhwaye, asoosye obhusakisi ku‑bheekirisya abheejaabho bhanu bhaariga bheekaaye Yuudeya.

Ebikorwa 2:4

Abhaanu abho bhoone nibheejusibhwa na Mwoyo Mweru, nibhaamba okwayika mu‑nyaayika jingenyi, rwa kutyo Mwoyo Mweru aabhatangasyaga okwayika.

Ebikorwa 2:46

Bhuri rusuku, bhaabhuganaga aamwi mu‑rubhuga rwa Riyekaru. Nawe ku‑mwanya gwa okubhega omukaate, bhaabhuganaga mu‑nju jeebhwe na okurya aamwi kw‑ikonderwa na omutima mweru,

Ebikorwa 4:31

Bhejire bhaamara okusabhwa Nyamuwanga, inju inu bhaariga bheekofyanyiisye‑mo niitikima. Abho bhoone nibheejusibhwa na Mwoyo Mweru, nibhaamba okwiyigisya abhaanu omusango gwa Nyamuwanga kwa ribhaasi.

Ebikorwa 5:41

Niwo jitumwa nibhasooka mw‑ibharaja rikuru rirya bhakondeeywe, kwa okubha ꞉bhaabharire ati bhaariga bheeyire okugaywa inguru ya risiina rya Yeesu.

Barumi 14:17

Okubha emisango ja bhusibhusi mu‑bhukama bhwa Nyamuwanga kutari kurya amwi okunywa, nawe ni kukora eja obhurengeresi imbere ya Nyamuwanga, okubha na omurembe na rikonderwa. Ejo joone ejiturikana ku‑bhusakisi bhwa Mwoyo Mweru.

Barumi 15:13

Nyamuwanga niwe echiiyikanya ati arikora joone jinu ꞉aachiragire. Kurwa ejo, enibhasabhirwa ati, abhayaane rikonderwa ryone na omurembe omwanya gunu omugenderera okumwikirisya. Awo niwo muribha na obhwiyikanyo obhunene, muribha nabhwo ku‑managa ga Mwoyo Mweru.

Barumi 5:3

Noorwo ebhinyaasyo bhyonebhyone bhikabha nibhichiija‑ko, eswe chirigenderera okukonderwa, kwa okubha echimenya ati ebhinyaasyo ebhichireetera obhwigumiirisya.

2 Bakorinto 8:2

Abhaanu abho ni bhataka muno, ka wone ꞉bhaaregeejerwe kwa ebhinyaasyo bhyafu, nawe bhaariga bhari na rikonderwa enene rinu ꞉ryakorere nibhabha bhafura muno mu‑kusoosya ebhiinu bhyebhwe.

Bagalatia 5:22

Nawe araabha chikatangasibhwa na Mwoyo Mweru, chiribha na ritwasyo ryaye. Ritwasyo eryo ni eryenda, rikonderwa, omurembe, okwigumiirisya, obhwa ekisi, obhufura, okwiyikanyibhwa,

1 Batesalonika 1:6

Emwe noorwo kutyo ꞉mwanyaasiibhwe muno inguru ya eriikirisya ryemwe, ꞉mwaruubhire omusango ogwo kwa rikonderwa rinu ꞉mwayaanirwe na Mwoyo Mweru. Kwa okukora kutyo, ꞉mwaruubhire echijekekanyo cheeswe na echa Raatabhugenyi Yeesu.

Yakobo 1:2

Abhayiri bhaani mu‑riikirisya, mukonderwaga muno omwanya gunu omuregeejibhwa amaregeejo ga bhuri mbaga,

1 Petero 4:13

Nawe mukondererwe ati omunyaaka rwa kutyo Kirisito ꞉aanyaakire. Mukonderwe woori, korereki mubhe na risandabha ryone, omwanya gunu arisubha na rikusyo ryaye niriswerurwa abhwerubhweru.