Ebikorwa 13:48 - Indagano Inyaaya mu-Chijita

⁴⁸ Abhaanu bhanu bhatari Bhayawudi bhejire bhoongwa emisango ejo, nibhakonderwa na okukuuya Raatabhugenyi ku‑musango gwaye. Bhoone bhanu ꞉bhaasorerwe okubha na obhuwanga bhwa akajaanende, nibhamwikirisya Raatabhugenyi Yeesu.

INDAGANO INYA:YA

⁴⁸ Abamaanga wejire bongwa ebyo nibakonderwa, nibakusya omusango gwa Ratabugenyi. Nibe:kirisya bo:ne banu bate:yweo ku buanga bunu butakuwao.

Ebikorwa 13:48 ပူးပေါင်းရင်းမြစ်များ

Matayo 25:46

“Kurwa ejo, abhakosi bha ebhibhiibhi abho, bharigenda okuramira jimbuma ja akajaanende koone. Nawe abharengeresi imbere ya Nyamuwanga, abho bhariingira mu‑bhuwanga bhwa akajaanende koone.”

Matayo 28:16

Abheeyigisibhwa bha Yeesu ekumi na umwi nibhaja Gariraaya ku‑chiima chinu Yeesu ꞉aabharagiriiye.

Ruuka 7:8

Noorwo anye wone, niri emwaro ya obhuturo bhwa abhaanu abhandi, niri na abhasirikare bhanu bhari emwaro ya obhuturo bhwani. Nikabhwira owumwi ati, ‘Nuugende,’ awoawo kaagenda. Ka wone, nikabhwira owundi ati, ‘Iija,’ wone awoawo kaaja. Omugaya waani wone, nikamubhwira ati, ‘Kora omurimu gunu,’ nyabhuriko kaakora.”

Yowana 10:16

Anye niri na jinaama ejindi jinu jitari ja mw‑igutu rinu, ejo wone neenderwe nijireebhe. Jinaama ejo wone, jirimenya obhuraka bhwani. Kurwa ejo, jiribha eyijo rimwi, na omureefi umwi.

Yowana 11:52

Ka wone, Yeesu atarifwa inguru ya riyanga eryo era, tari ni ku‑songa ya okukumanya abhaana bha Nyamuwanga bhanu bhanyarageene, korereki bhabhe aamwi.

Ebikorwa 13:12

Omwanya gunu omusiibha oyo ꞉aarorere echikorwa echo, ˆneekirisya Raatabhugenyi, ˆnaaruguurira muno ameeyigisyo ganu geeyigisibhwaga inguru ya Raatabhugenyi.

Ebikorwa 13:42

Bhunu Pawuro na Bharinaabha, bhaariga nibhasooka mu‑nju ya eriikofyanyo rya Abhayawudi, abhaanu nibhabharemberesya bhasubhe ku‑Sabhaato inu ꞉yaaruubhiiye, korereki bhaayike inguru ya emisango ejo rindi.

Ebikorwa 15:2

Omusango ogwo nigukora Pawuro na Bharinaabha bhareme abhaanu abho na okwayikana nabho kwa obhururu muno. Kurwa ejo, abheekirisya bha Atiyookiya awo nibhatema echiina ati abhaanu abharebhe mu‑bheene bhagende Yerusareemu aamwi na Pawuro na Bharinaabha, korereki bhagende okuroma na jitumwa ja Yeesu na abhakaruka bha rikanisa rya Nyamuwanga inguru ya omusango ogwo.

Ebikorwa 15:31

Abheekirisya abho bhejire bhaasoma inyarubha eyo nibhakonderwa kwa emisango ejo ja okubhasimbiisya.

Ebikorwa 2:41

Abhaanu wuti bhiwumbi bhisatu (3,000) nibheekirisya emisango ja Peetero, nibhabhatiijibhwa, nibhoongesibhwa ku‑chise cha abheekirisya abhandi bha Yeesu orusuku orwo.

Ebikorwa 2:47

enu nibhakusyaga Nyamuwanga na okwendwa na abhaanu bhoone. Bhuri rusuku Raatabhugenyi aagendereraga okuchungura abhandi, abheekirisya nibhagendereraga okwiyongesya.

Ebikorwa 20:13

Pawuro ˆnaaribhata kwa maguru okugenda mu‑musi gwa Asoosi. Eswe nichigenda eyo na ingarabha, korereki chibhonane nage eyo, kwa okubha awo niwo ꞉cheekirisyanyiisye nage ati chirimugega.

Ebikorwa 22:10

Mbe nimmubhuusya ati, ‘Nikore kutiki, Raatabhugenyi?’ Raatabhugenyi ˆnaansubhya ati, ‘Imereeguru. Wingire Damaasiko. Omwo nimwo owuja okubhwirwa emisango joone jinu Nyamuwanga keenda ukore.’

Ebikorwa 28:23

Mbe, nibhaayikana na Pawuro orusuku rwa okubhugana rindi. Orusuku orwo rwejire rwakinga, Abhayawudi ꞉bheekumanyiisye bhaafu muno mu‑nju yaaye. Pawuro ˆnaabhamenyesya bhwa kisikisi inguru ya obhukama bhwa Nyamuwanga, okwambira katondo okukingira keegoro. Aariga ˆnaaregeeja okubhakora bheekirisye emisango ja Yeesu, kwa okukorera Ebhikaame Ebhyeru, ebhiraagiro bhya Muusa na ebhitabho bhya abharagi abhandi.

Ebikorwa 8:8

Kurwa ejo abhaanu bha mu‑musi ogwo nibhabha na rikonderwa enene.

Barumi 11:7

Kurwa ejo, emisango jiri kutya. Abhayisirayeeri ꞉bhaayenjere injira ya okubha abharengeresi imbere ya Nyamuwanga, nawe ꞉bhataayibhwene. Ni bhanu era ꞉bhaasorerwe na Nyamuwanga, nibho ꞉bhaabhubhwene. Abhandi bhoone bhanu ꞉bhaasigaaye, Nyamuwanga ˆnaabhakora bhabhe na emyoyo emikomeeye.

Barumi 13:1

Bhuri muunu keendwa ayaane echibharo abhatangasya bha echaaro. Mwichuke ati, obhuturo bhwone bhwa okutunga, obhusooka ku‑Nyamuwanga, ka wone omwene niwe ꞉aateeye abhatangasya ku‑bhutungi.

Barumi 8:28

Chimenyere ati, mu‑joone Nyamuwanga kaakorera eja ekisi abhaanu bhanu abhamwenda, nibho bhabhirikiiywe okuruubhana na obhutinge bhwaye.

1 Bakorinto 16:15

Abhayiri bhaani mu‑riikirisya, mumenyere ati Sitefwana aamwi na abhaanu bha iika ewaaye, nibho bhaariga bhari bha okwamba okwikirisya Yeesu Kirisito mu‑mukoowa gwa Akaaya, bheesoosya wone okusakira abheekirisya. Kutyo, enibheerembeeresya,

Baefeso 1:11

Nyamuwanga kaakora bhuri chiinu okwingana na obhukarariiye bhwa okwenda kwaye. Omwene ꞉aaramuuye okuchisora eswe Abhayawudi, chibhe abhaana bhaaye okusookerera kara ku‑njira ya Kirisito.

Baefeso 1:19

Mumenye wone, kutyo bhuri bhuturo bhwaye obhukuru bhunu obhukora emirimu inguru yeeswe, eswe bhanu echiikirisya. Obhuturo obhwo, bhutakwinganyirisibhwa na echiinu choonechoone, ka wone, obhukora emirimu ku‑managa maafu muno.

Baefeso 1:4

Okubha, Nyamuwanga ꞉aachisorere chibhe na obhumwi na Kirisito, noorwo achaari okubhumba echaaro, korereki mu‑ryenda ryaye chibhe abheeru bhanyamburwa esoro mu‑meeso gaaye.

Baefeso 1:5

꞉Aaramuuye okuchisora kutyo, chibhe abhaana bhaaye okusookerera kara, ku‑njira ya Yeesu Kirisito. ꞉Aakorere kutyo mu‑kwenda kwaye.

2 Batesalonika 3:1

Woori abhayiri bheeswe, muchisabhirwe korereki Emisango ja Ekisi inguru ya Raatabhugenyi Yeesu, jigenderere okuswirana bhwangu na abhaanu bhajiramire kwa echibharo, rwa kutyo jaariga jiri kw‑imwe.