Ebikorwa 13:46 - Indagano Inyaaya mu-Chijita

⁴⁶ Noorwo kutyo, Pawuro na Bharinaabha nibhabhasubhya kwa ribhaasi nibhaayikaga ati, “Jaariga jiiyire omusango gwa Nyamuwanga, guraasibhwe kw‑imwe, emwe Abhayawudi okwamba. Nawe kwa okubha mwagurema na okwiramura abheene ati muteeyire obhuwanga bhwa akajaanende, woori echibhasiga echigenda okuraasisya abhaanu bhanu bhatari Bhayawudi.

INDAGANO INYA:YA

⁴⁶ Mbe niwo Paulo na Barinaba niba:ika no buba:si ati, Kwariga kwiire omusango gwa Nyamuanga gutangate okusimurwa mwimwe. Nawe okuba mwagwiga:na, nimwibara ati, obuanga bunu butakuwao butabe:ire, mbe ecibaindukira aba:maanga.

Ebikorwa 13:46 ပူးပေါင်းရင်းမြစ်များ

Ebikorwa 28:28

ˆNaagenderera okwayika ati, “Mbe mumenye woori ati obhuchungusi bhunu bhusookere ku‑Nyamuwanga, obhusirwa ku‑bhaanu bhanu bhatari Bhayawudi. Abheene abhaja okugenderera okubhuramira!” [

Ebikorwa 26:20

꞉Naaraasisiisye okwamba abhaanu bha Damaasiko eyo na Yerusareemu na echaaro choone cha Yuudeya, ka wone ꞉naakingiiye abhaanu bhanu bhatari Bhayawudi. Naabhakomeeresyaga ati, bhate ebhibhiibhi bhyebhwe, bhayindukire Nyamuwanga. Ka wone okuta kwebhwe kweresibhwe na ebhikorwa bhyebhwe.

Matayo 21:43

Yeesu ˆnoongesya ati, “Enibhabhwira ati, ku‑songa eyo Nyamuwanga arisoosya‑wo obhukama bhwaye kw‑imwe na okuyaana abhaanu bha amaanga agandi bhanu bharitwasya amatwasyo inguru yaaye.

Ebikorwa 3:26

Kurwa ejo, omwanya gunu Nyamuwanga ꞉aasorere omukosi waaye Yeesu, ꞉aamutumire kw‑imwe okwamba, korereki abhayaane amabhando kwa okubhasoosya bhuri muunu mu‑bhibhiibhi bhyaye.”

Barumi 2:10

Nawe abhaanu bhoone bhanu abhakora emisango ja ekisi, bharibha na jikuma, echibharo na omurembe, okwambira ku‑Bhayawudi okukingira ku‑bhaanu bhanu bhatari Bhayawudi.

Barumi 1:16

Anye nitakwiswara okuraasya Emisango ja Ekisi ejo, kwa okubha nijo obhuturo bhwa Nyamuwanga bhwa okuchungura abhaanu bhoone bhanu abheekirisya Yeesu, okwambira Abhayawudi okukingira abhaanu bhanu bhatari Bhayawudi.

Ebikorwa 22:21

Nawe Raatabhugenyi ˆnaansubhya ati, ‘Genda, kwa okubha enija okukutuma ugende mu‑bhyaro ebhindi bhya kura ku‑bhaanu bhanu bhatari Bhayawudi.’”

Ebikorwa 13:26

“Abhayiri bhaasu, emwe abhaanu bha orwibhuro rwa Bhurayimu, na emwe abhaanu bhanu mutari Bhayawudi bhanu omuramya Nyamuwanga, emisango ja obhuchungusi bhunu jaaretwa kw‑iswe!

Yowana 1:11

꞉Eejire ku‑bhaanu bhaaye, nawe abhaanu bhaaye ꞉bhataamuramiiye.

Ebikorwa 7:51

Tefwano ˆnaagenderera okwayika ati, “Emwe abha emitwe emikomeeye! Mu‑myoyo jeemwe mutakuramya Nyamuwanga, na amatwi geemwe gatakutura okutegeresya omusango gwaye. Siku joone omurema Mwoyo Mweru, rwa kutyo bhasaaja weemwe wone ꞉bhaamuremere!

Ruuka 24:47

Abhaanu bha amaanga goone okwambira Yerusareemu, bhariraasibhwa okuta na okufwirwa echigongo ebhibhiibhi bhyebhwe kwa risiina ryaye.

Bafilipi 1:14

Aamwi na ejo, enimenya ati okubhoywa kwani kunu, kukorere abheekirisya abheejaasu bhaafu bhasimbiisiibhwe emyoyo na Raatabhugenyi Yeesu. Kurwa ejo, bhari na ribhaasi okuraasisya abhaanu abhandi omusango gwa Nyamuwanga, okuubhaya wuri.

Ebikorwa 13:14

Bhejire bheeya Pawuro na Bharinaabha nibhasooka Perege, nibhagenda, nibhasikirira mu‑musi gwa Atiyookiya mu‑mukoowa gwa Pisiidiya. Orusuku rwa Isabhaato, nibheengira mu‑nju ya eriikofyanyo rya Abhayawudi nibheenyanja.

Ebikorwa 13:5

Omwanya gunu ꞉bhaakingire kw‑isinga eryo, mu‑musi gwa Saraami, nibhaamba okuraasisya abhaanu omusango gwa Nyamuwanga mu‑nju ja ameekofyanyo ga Abhayawudi. Awo Yowana Maariko, aariga ari aamwi nabho wuti musakisi weebhwe.

Ebikorwa 4:13

Abhakuru abho bhejire bhaarora Peetero na Yowana kutyo abharoma kwa ribhaasi, enu bhabhamenyere ati ni bhaanu bhanu bhatasomere na bhatari na obhwengeeso, nibharuguura muno. Nibheeya nibhasombookerwa ati Peetero na Yowana bhaariga bhari aamwi na Yeesu.

Yowana 4:22

Emwe Abhasamaariya omuramya Nyamuwanga unu mutakumenya. Nawe eswe Abhayawudi echiramya Nyamuwanga unu chimenyere, kwa okubha Nyamuwanga arichungura abhaanu okutura ku‑Bhayawudi.

Matayo 10:6

Tari mugende ku‑Bhayisirayeeri, kwa okubha bhari rwa jinaama jinu jibhurire.

Baeburania 11:34

꞉Bhaasimiisye emiriro emiruru kabhukabhu. ꞉Bhaawonere okwitwa kwa imbanda. Bhaariga bhari bhajorobhoke, nawe Nyamuwanga ꞉aabhayaaye amanaga ga okuyiga riremo na okubhirimya abhasirikare bha ebhyaro ebhindi.

Matayo 21:41

Nibhamusubhya ati, “Arisingaarisya kubhiibhi abhajabhi abho na risambu ryaye aririweekesya ku‑bharimi abhandi bhanu bharimuyaana ribhaara ryaye rya amatwasyo kwa omwanya.”

Matayo 25:46

“Kurwa ejo, abhakosi bha ebhibhiibhi abho, bharigenda okuramira jimbuma ja akajaanende koone. Nawe abharengeresi imbere ya Nyamuwanga, abho bhariingira mu‑bhuwanga bhwa akajaanende koone.”

Ebikorwa 9:20

Awoawo ꞉aambire okugenda mu‑nju ja ameekofyanyo ga Abhayawudi, ˆnaabharaasisyaga ati, Yeesu ni Mwana wa Nyamuwanga.

Ebikorwa 19:9

Nawe abhaanu abharebhe mu‑bheene nibhakora emyoyo jeebhwe okubha emikomeeye. Nibharema okwikirisya emisango ja Yeesu, nibhaamba okugaya Injira ya Yeesu imbere ya abhaanu. Kutyo, Pawuro ˆnaaramura okusigana nabho, ˆnaagega abheeyigisibhwa bhaaye, ˆnaagenda nabho mw‑isomero rya Tiraano, munu abhaanu bheekofyanyaga. Bhuri rusuku, aariga ˆnaaroma na abhaanu emisango ja Yeesu.