Ebikorwa 13:41 - Indagano Inyaaya mu-Chijita

⁴¹ ‘Emwe bhanu omugaya, muringire! Muruguure, rindi musingaarike, kwa okubha enikora omusango mu‑siku jeemwe gunu mutarigwikirisya, noorwo omuunu akabhasomboorera!’”

INDAGANO INYA:YA

⁴¹ Emwe abagayi, murore. Murugu:re muwerere. Okuba anye enikora omurimu mu siku jemwe, Nigwo omurimu gunu mutari:kirisya kata, Nakabee omu:nu akabatondera kisiki:si.

Ebikorwa 13:41 ပူးပေါင်းရင်းမြစ်များ

Ruuka 16:14

Mbe, Abhafarisaayo bhejire bhoongwa emisango ja Yeesu ejo, nibhamugaya, kwa okubha bhaariga bheendere jipirya muno.

Ruuka 23:35

Abhaanu bhaariga bheemereeguuyu awo, nibharoraga jinu jaariga nijikorekana. Abhakuru bha Abhayawudi nibhamusiijaaka nibhaayikaga ati, “Mbawo aawonʼyaga abhandi! Mbe, woori eewonʼye omwene, araabha chimari niwe Kirisito omusorwa wa Nyamuwanga.”

Ebikorwa 13:47

Okubha Raatabhugenyi ꞉aachiragiriiye ati, ‘Naakutuura‑wo ubhe obhweru ku‑bhaanu bhanu bhatari Bhayawudi, korereki ureete obhuchungusi ku‑bhaanu mu‑chaaro choone.’”

Ebikorwa 22:21

Nawe Raatabhugenyi ˆnaansubhya ati, ‘Genda, kwa okubha enija okukutuma ugende mu‑bhyaro ebhindi bhya kura ku‑bhaanu bhanu bhatari Bhayawudi.’”

Ebikorwa 3:23

Omuunu woonewoone unu ataritegeresya omuragi oyo, arikindikwa akajaanende okusooka ku‑bhaanu bha Nyamuwanga.’

Ebikorwa 6:14

Okubha chaamuungwa ˆnaayikaga ati, Yeesu Omunajareeti arifumya Riyekaru rinu na ariyindura jitungwa jeeswe jinu Muusa ꞉aachiyaaye.”

1 Batesalonika 2:16

kwa okubha abhachiyingirira okuraasya Emisango ja Ekisi ku‑bhaanu bhanu bhatari Bhayawudi. Bhatakwenda abhaanu abho bhachunguke. Nikwo kutyo, abhagenderera okukuumisya ebhibhiibhi bhyebhwe bhinu abhakora bhuri rusuku. Nawe, risungu rya Nyamuwanga ryabhakingiiye!

1 Petero 4:17

Mumenye ati, omwanya gwa obhuramusi gwakinga na Nyamuwanga kaja okwamba okuramura abhaana bhaaye. Woori araabha obhuramusi bhukambira kw‑iswe abhaana bhaaye, angu, jiribha kutiki ku‑bhanu bhatakwikirisya Emisango ja Ekisi ja Nyamuwanga?