Ebikorwa 13:27 - Indagano Inyaaya mu-Chijita

²⁷ Okubha abhaanu bha Yerusareemu na abhakuru bheebhwe ꞉bhataamenyere ati Yeesu niwe Omuchungusi, nibhamuramura eetwe. Kwa okukora kutyo, ꞉bhaakuumisiisye emisango jinu jikaamirwe inguru yaaye mu‑bhitabho bhya abharagi, na nijo jaasomwaga bhuri rusuku rwa Isabhaato.

INDAGANO INYA:YA

²⁷ Okuba banu be:kae mu Yerusalemi, na bakuru bebwe, okuba bariga batamumenyere Oyo, nibamutemera eci:na, nikwo nibaku:misya amaraka ga baragi ganu abasomaga ku sabato jo:ne.

Ebikorwa 13:27 ပူးပေါင်းရင်းမြစ်များ

Matayo 22:29

Yeesu ˆnaabhasubhya ati, “Emwe omubhura muno, kwa okubha mutakumenya jinu jikaamirwe mu‑Bhikaame Ebhyeru, ka wone mutakumenya obhuturo bhwa Nyamuwanga kutyo bhuri.

Ruuka 22:34

Yeesu ˆnaamusubhya ati, “Peetero awe! Enikubhwira ati, reero rikookorome richaari okukookoroma, owubha waanyigaanire kasatu ati, utakummenya.”

Ruuka 23:13

Omwanya omurebhe, Piraato ˆnaakumanya abhakuru bha abhagabhisi na abhatangasya bha Abhayawudi aamwi na abhaanu bha mu‑musi.

Ruuka 24:20

Abhakuru bha abhagabhisi na abhatungi bheeswe, nibheekirisya ati, eetwe. Nibhamubhumiirira ku‑musarabha.

Yowana 15:21

Nawe abhaja okubhakorera joone ejo kwa okubha omunduubha, ka wone kwa okubha bhatakumenya unu antumire.

Yowana 16:3

Bharibhakorera emisango ejo, kwa okubha bhatakumenya Raata, noorwo anye wone bhatakummenya.

Yowana 5:39

“Omwikomeesya okuyenjeresya mu‑Bhikaame Ebhyeru, kwa okubha omwitogera ati omutura okubhona‑mo obhuwanga bhwa kajaanende koone. Mbe woori, Ebhikaame ebhyo nibhyo ebhimbambaarira anye!

Yowana 8:28

Mbe, Yeesu ˆnaabhabhwira ati, “Omwanya gunu murinsunga inguru ku‑musarabha, awo niwo murimenya ati anye naanye Omwana wa Omuunu. Ka wone murimenya ati joone jinu enikora, nitakujikora ku‑bhuturo bhwani omwene, tari naayika jinu Raata ꞉aanyiyigisiisye.

Ebikorwa 15:21

Okubha okusookerera kara, ebhiraagiro bhya Muusa bhyariga nibhiiyigisibhwa bhuri musi na bhyariga nibhisomwa mu‑nju ja ameekofyanyo ga Abhayawudi bhuri rusuku rwa Isabhaato.”

Ebikorwa 28:23

Mbe, nibhaayikana na Pawuro orusuku rwa okubhugana rindi. Orusuku orwo rwejire rwakinga, Abhayawudi ꞉bheekumanyiisye bhaafu muno mu‑nju yaaye. Pawuro ˆnaabhamenyesya bhwa kisikisi inguru ya obhukama bhwa Nyamuwanga, okwambira katondo okukingira keegoro. Aariga ˆnaaregeeja okubhakora bheekirisye emisango ja Yeesu, kwa okukorera Ebhikaame Ebhyeru, ebhiraagiro bhya Muusa na ebhitabho bhya abharagi abhandi.

Ebikorwa 3:17

“Woori abhayiri bhaasu, joone jinu ꞉mwakoreeye Yeesu, emwe na abhakuru bheemwe, nimenyere ati, ꞉mwajikorere mutamenyere.

Barumi 11:25

Abhayiri bhaani, eneenda mumenye inguru ya obhutinge bhwa imbisike ya Nyamuwanga bhunu ꞉bhwabhisirwe kara, korereki mwasiga okwirora ati muri bheengeeso muno. Mumenye ati ni Bhayisirayeeri bharebhe abha emyoyo emikomeeye, bhanu bharigenderera okukingira omwanya gunu Nyamuwanga ariikirisya ati obhukumi bhwa abhaanu bhanu bhatari Bhayisirayeeri okuramira obhuchungusi bhwakuumira.

1 Bakorinto 2:8

Atari‑wo noorwo umwi mu‑bhatungi bha echaaro chinu unu ꞉aasombookeeywe obhwengeeso obhwo, kwa okubha bhakabheeye bhasombookeeywe, ꞉bhataakabhumiiriiye ku‑musarabha Raatabhugenyi wa okukuuyibhwa.

2 Bakorinto 3:14

Nawe emyoyo jeebhwe nijikorwa okubha emikomeeye. Noorwo woori bhaakasoma Indagano ya Kara, abhataamibhwa okusombookerwa echimari, abhabha wuti bhayingirisiibhwe na echitambaara chirya. Echitambaara chirya chichaari kusoosibhwa‑wo, kwa okubha echisoosibhwa‑wo era, omwanya gunu omuunu keekirisya Kirisito.

2 Bakorinto 4:4

Abhaanu abho, bhatakwikirisya Yeesu, kwa okubha Syetaani omukama wa echaaro chinu, ayingiriiye obhwenge bhwebhwe. Eyo niyo isonga abhataamibhwa okurora obhweru bhwa Emisango ja Ekisi inguru ya rikusyo rya Kirisito, omwene niwe keeresya abhwerubhweru kutyo Nyamuwanga ari.

1 Timoteo 1:13

noorwo kutyo ku‑bhwambiro naamufumaga na okunyaasya abhaanu bhaaye, naariga niri murakoko. Nawe, omwene ꞉aanfwiriiye echigongo, kwa okubha naariga ninkora ejo mu‑bhumuumu na naariga nitari na eriikirisya.