Ebikorwa 13:2 - Indagano Inyaaya mu-Chijita

² Bhunu bhaariga nibharamya Raatabhugenyi na okwiyima okurya ebhiryo, Mwoyo Mweru ˆnaabhabhwira ati, “Munsorere Bharinaabha na Saawuri ku‑mirimu jinu nibhabhirikiriiye.”

INDAGANO INYA:YA

² Anu bariga nibakorera Ratabugenyi nibasara:rira, mbe Mwoyo Mweru na:ika ati, Munyaurire Barinaba na Saulo ku murimu gunu nababirikiriye.

Ebikorwa 13:2 ပူးပေါင်းရင်းမြစ်များ

Matayo 17:21

Aamwi na ejo, risambwa rwa eryo mutakutura okurisoosya‑mo, tari kwa okusabhwa Nyamuwanga na okwiyima ebhiryo.]”

Matayo 6:16

“Omwanya gunu omwiyima ebhiryo, obhusu bhwemwe bhwasiga okweresya obhusurumbaaye rwa kutyo abheerimaanya abhakora. Abheene abhasurumbara korereki abhaanu abhandi bhabharore ati, bheeyimire ebhiryo. Ni chimari enibhabhwira ati, bhaamarire okuramira omuyeero gwebhwe gwone.

Matayo 9:38

Kurwa ejo, musabhwe Raatabhugenyi omwene esambu, korereki oongesye abhakosi abhandi mw‑isambu ryaye bhaje okugesa.”

Ruuka 10:1

Mbe, ejo jejire jaawa, Raatabhugenyi Yeesu ˆnaawura abharuubhirisya abhandi makumi gataanu na gabhiri na bhabhiri. ˆNaabhatuma bhabhiribhiri, bhamutangatire mu‑misi na bhuri rubhaara, anu omwene aariga eendere okukinga.

Ruuka 2:37

ˆNaabha omutumbagasi, ˆnaakingira rikura rya miguuga makumi gataanu na gasatu na ena. Omugasi oyo, aasiibhaga mw‑Iyekaru, mwanya gundi aasabhwaga mu‑ngeta na mu‑mwisi kurya wuri.

Ebikorwa 10:19

Peetero achaagenderera okwiganirisya inguru ya ejo, Mwoyo Mweru ˆnaamubhwira ati, “Tegeresya! Bhari‑wo abhaanu bhasatu anu, abhakuronda.

Ebikorwa 10:30

Koroneeriyo ˆnaamubhwira ati, “Jisiku esatu jinu jiyitingʼeene, omwanya gwa saa etaanu na ena mu‑mwisi, naariga niri mu‑nju ninsabhwaga Nyamuwanga. Awo nindora omuunu eemereeguuyu imbere yaani afwaye emyenda jinu ejingʼarabhya.

Ebikorwa 13:3

Mbe, bhejire bhaamara okusabhwa Nyamuwanga na okwiyima okurya ebhiryo, nibhatuura amabhoko geebhwe ku‑Bharinaabha na Saawuri okubhasabhirwa, nibhabhatuma bhagende.

Ebikorwa 13:4

Niwo, Bharinaabha na Saawuri, nibhatumwa na Mwoyo Mweru. Nibhagenda nibhooromokera mu‑musi gwa Serukiya. Okusooka awo nibhariinya mu‑ngarabha, nibhagenda kw‑isinga rya Kiipuro.

Ebikorwa 14:26

Okusooka Ataariya awo nibhatura mu‑ngarabha, nibhasubha Atiyookiya ya Siiriya. Awo niwo abheekirisya ꞉bhaabhasabhiiywe obhwitiriranya bhwa Nyamuwanga ku‑murimu gunu bhaariga bhakuumisiisye.

Ebikorwa 20:28

Woori, mubhega mwiyangariiye na murinde ebhise bhyone bhya abheekirisya, kwa okubha Mwoyo Mweru, abhateeye‑wo mubhe abhaangarisi. Mwangarire abheekirisya abho, kwa okubha Nyamuwanga ꞉aabhagurire kwa isagama ya omwana waaye.

Ebikorwa 22:21

Nawe Raatabhugenyi ˆnaansubhya ati, ‘Genda, kwa okubha enija okukutuma ugende mu‑bhyaro ebhindi bhya kura ku‑bhaanu bhanu bhatari Bhayawudi.’”

Ebikorwa 4:36

Aariga ari‑wo Omuraawi umwi risiina ryaye aatogwaga Jejefu, omwibhurwa wa kw‑isinga rya Kiipuro, unu jitumwa ja Yeesu ꞉bhaamutogere ati, Bharinaabha, obhugajuro bhwaryo ni unu kaasimbiisya omwoyo.

Ebikorwa 6:4

korereki eswe chibhone omwanya gwa okusabhwa Nyamuwanga na okwiyigisya abhaanu omusango gwaye.”

Ebikorwa 8:29

Mwoyo Mweru ˆnaabhwira Firipo ati, “Genda bhwangu ufogere kw‑ibhirigiti rirya, uruubhane naryo.”

Ebikorwa 9:15

Nawe Raatabhugenyi ˆnaabhwira Ananiiya ati, “Genda era! Omuunu oyo, naamusora abhe omukosi waani, korereki araasye risiina ryani ku‑bhaanu bhanu bhatari Bhayawudi, ku‑bhakama bheebhwe na ku‑Bhayisirayeeri abheene.

Barumi 1:1

Inyarubha inu, niikaamire anye Pawuro, omukosi wa Kirisito Yeesu. Anye ꞉naabhirikiiywe nibhe itumwa yaaye, na okusorwa na Nyamuwanga nibhega nindaasya Emisango jaaye ja Ekisi.

Barumi 10:15

Ka wone, abhaanu abhatura kutiki okuja okuraasya emisango ejo araabha bhachaariga okutumwa? Rwa kutyo Ebhikaame Ebhyeru ebhyayika ati, “Okukinga kwa omuunu unu kaareeta Emisango ja Ekisi, kurikondisyaga abhaanu bhanu bharimutegeresya!”

Barumi 15:16

korereki nibhe omukosi wa Kirisito Yeesu ku‑bhaanu bhanu bhatari Bhayawudi. ꞉Naakorerwe okubha rwa omugabhisi wa okubharaasisya Emisango ja Ekisi okusooka ku‑Nyamuwanga, korereki bhabhe ebhyogo bhinu ebhikondisya Nyamuwanga, bhyesiibhwe na Mwoyo Mweru.

1 Bakorinto 12:11

Mwoyo oyooyo umwi kaakora emirimu ejo joone. Omwene kaayaana bhuri muunu echiyaanwa chaaye, rwa kutyo Mwoyo omwene keenda.

1 Bakorinto 7:5

Mwasiga okwimana, tari araabha mweekirisyanya okukora kutyo katungu kafuyi era, korereki mubhone omwanya gwa ekisi gwa okusabhwa Nyamuwanga. Mukamara ogwo, musubhirane rindi, korereki Syetaani aasiga okubharegeeja mukore obhuromesi kwa okubha mutakutura okwiyingirira.

2 Bakorinto 11:27

Nikorere emirimu misito na okunyaaka, kwiya kaafu nitawongeeye, nisaraariiye na okuungwa obhwiro bhwa amanji, kwiya kaafu nibhurirwe ebhiryo, nuunguuwe imbewo keenu nitari na emyenda.

2 Bakorinto 6:5

mu‑kubhumwa, mu‑kubhoywa mw‑ibhoyero, na mu‑kuworoomerwa na ebhise bhya abhaanu. Echikora emirimu emisito, echitaamibhwa okuwongera na echisaraarira.

Bagalatia 1:15

Nawe Nyamuwanga, ꞉aansorere nichaari kwibhurwa, ˆnambirikira ku‑bhwitiriranya bhwaye, ˆnaaramura

Baefeso 3:7

Anye ꞉naakorerwe omukosi wa Emisango ja Ekisi ejo, ku‑chiyaanwa cha obhwitiriranya bhwa Nyamuwanga bhunu ꞉aanaaye ku‑bhuturo bhwaye obhukuru.

Bakolosai 4:17

Mubhwire Arikipo ati, akuumisye kisi emirimu jinu Raatabhugenyi amuyaaye.

1 Timoteo 2:7

Nikwo okukora anye ꞉naateeywe‑wo okubha omuraasya na okubha itumwa. Ka wone ꞉naateeywe‑wo okubha omwiyigisya wa abhaanu bhanu bhatari Bhayawudi, korereki nibhe nindaasya emisango ja eriikirisya na echimari. Enaayika echimari, nitakubheeya wuri.

2 Timoteo 1:11

Anye nisorerwe korereki nibhe omuraasya, itumwa na omwiyigisya wa Emisango ja Ekisi ejo.

2 Timoteo 2:2

Awe ꞉woonguuwe ameeyigisyo ganu neeyigisyaga imbere ya abhabhambaasi bhaafu. Mbe, awe wone uyaane abhaanu abheeyikanyibhwa, bhanu abhatura okwiyigisya abhandi.

2 Timoteo 4:11

Ruuka eenyere era niwe asigaaye aamwi na anye anu okunsakira. Woori, ukaaja enu, gega Maariko, wuuje nage kwa okubha eeyire abhe omusakisi waani mu‑mirimu ja Nyamuwanga.

2 Timoteo 4:5

Nawe awe, ikenga ejo joone, igumiirisya mu‑bhinyaasyo, ukore emirimu ja okuraasya Emisango ja Ekisi, ukore ekisi mu‑bhukosi bhwawo bhwone.

Baeburania 5:4

Atari‑wo omuunu unu kaatura okwiyaana omwene echibharo cha okubha omugabhisi omukuru, tari Nyamuwanga niwe kaamusora rwa kutyo ꞉aasorere Aruuni.