Ebikorwa 13:13 - Indagano Inyaaya mu-Chijita

¹³ Pawuro na abheejaabho nibhasooka Paafo awo. Nibhatura mu‑ngarabha nibhagenda nibhasikirira mu‑musi gwa Perege mu‑mukoowa gwa Pamufiriya. Yowana Maariko ˆnaabhasiga awo, ˆnaasubha Yerusareemu.

INDAGANO INYA:YA

¹³ Okumara Paulo na bejabo nibaema amatanga okuso:ka Pafo, nibaja Periga ya mu:si ya Pamufulia, Yoana nabasigayo nasuba Yerusalemi.

Ebikorwa 13:13 ပူးပေါင်းရင်းမြစ်များ

Ebikorwa 12:12

Peetero ejire aamenya ejo, ˆnaagenda aroobhere mu‑nju ya Maryamu nyiramwene Yowana, unu aatogwaga Maariko. Mu‑nju eyo nimwo abheekirisya abhaafu bhaariga bheekofyanyiisye nibhasabhirwaga Peetero ku‑Nyamuwanga.

Ebikorwa 15:36

Jejire jaatura siku nooto, Pawuro ˆnaabhwira Bharinaabha ati, “Chisubhe mu‑misi jirya ꞉cheeyigisiisye‑mo Emisango ja Ekisi inguru ya Raatabhugenyi Yeesu, chiribhatire abheekirisya abheejaasu, korereki chibhe nichiringira amagenderero geebhwe.”

Ebikorwa 15:38

Nawe Pawuro ˆnaarora ati jitari ja ekisi bhagende aamwi nage, kwa okubha omwene, ꞉aabhasigire mu‑mukoowa gwa Pamufiriya, ˆnaarema okugenderera okukora emirimu aamwi nabho.

Ebikorwa 2:10

Furiigiya, Pamufiriya na Miisiri. Bhari‑wo abhandi okusooka mbaara ja echaaro cha Riibhiya chinu chiri yeeyi na omusi gwa Kureene. Abhandi ni bhagenyi bhanu ꞉bhaasookere mu‑musi gwa Ruumi, Abhayawudi bha obhusimukwa na abhandi bhanu ꞉bheekirisiisye idiini ya Echiyawudi.

Ebikorwa 27:13

Mbe, omuyaga gwa ekisi nigwamba okuyemba okusooka orubhaara rwa ebhurimbe. Nigukora abha ingarabha eyo okwiganirisya ati bhaabhona injira ya okugenderera na orugendo rwebhwe, rwa kutyo bhaariga bheendere. Kurwa ejo, nibheeya inanga, nibhasooka‑wo, nibhatura ku‑njekekera ya risinga rya Kireete.

Ebikorwa 27:5

Nichitura mu‑nyanja ya omukoowa gwa Kiriikiya na ogwa Pamufiriya, nichikinga mu‑musi gwa Miira mu‑mukoowa gwa Riikiya.

Bakolosai 4:10

Arisitaariko, unu abhoyerwe aamwi na anye mw‑ibhoyero enu, kaabhakeesya. Maariko wone, omuyiri wa Bharinaabha, kaabhakeesya. Mwabhwene amaragiriro inguru yaaye. Aribha abhakinga‑ko eyo, mumukume kisi.

2 Timoteo 4:11

Ruuka eenyere era niwe asigaaye aamwi na anye anu okunsakira. Woori, ukaaja enu, gega Maariko, wuuje nage kwa okubha eeyire abhe omusakisi waani mu‑mirimu ja Nyamuwanga.