Ebikorwa 13:12 - Indagano Inyaaya mu-Chijita

¹² Omwanya gunu omusiibha oyo ꞉aarorere echikorwa echo, ˆneekirisya Raatabhugenyi, ˆnaaruguurira muno ameeyigisyo ganu geeyigisibhwaga inguru ya Raatabhugenyi.

INDAGANO INYA:YA

¹² Mbe omusiba wejire arora kutyo byaba, ne:kirisya, narugu:ra muno okwiigisya kwa Ratabugenyi.

Ebikorwa 13:12 ပူးပေါင်းရင်းမြစ်များ

Matayo 27:54

Omwangarisi wa abhasirikare aamwi na bhanu bhaariga nibhaangarira Yeesu bhejire bhaarora rinyamutikima rya echaaro na ejindi joone jinu ꞉jaakorekeene, nibhoobhaya muno, nibhaayika ati, “Chimari, omuunu unu aariga ari Mwana wa Nyamuwanga!”

Ruuka 4:22

Yeesu ejire aamara okwiyigisya, abhaanu bhoone nibhaayika ati, “Aayika emisango ja ekisi!” Nibharuguurira muno emisango jaaye ja obhwitiriranya jinu ꞉aayikire. Nibheeya nibhabhuusyanya ati, “Angu, unu atari niwe omwana wa Jejefu?”

Ruuka 7:16

Abhaanu abho bhoone, nibharuguura muno, nibhaamba okukusya Nyamuwanga, nibhaayikaga ati, “Omuragi omukuru unu eebhuka okusooka mw‑iswe!” Nibhaayika rindi ati, “Nyamuwanga aaja okusakira eswe abhaanu bhaaye!”

Yowana 7:46

Abhasirikare abho nibhasubhya ati, “Chichaariga okuungwa omuunu owundi unu kaatura okwayika rwa kutyo omuunu unu kaayika.”

Ebikorwa 13:48

Abhaanu bhanu bhatari Bhayawudi bhejire bhoongwa emisango ejo, nibhakonderwa na okukuuya Raatabhugenyi ku‑musango gwaye. Bhoone bhanu ꞉bhaasorerwe okubha na obhuwanga bhwa akajaanende, nibhamwikirisya Raatabhugenyi Yeesu.

Ebikorwa 13:49

Nikwo kutyo Emisango ja Ekisi inguru ya Raatabhugenyi Yeesu jaariga nijiswira mu‑chaaro echo choone.

Ebikorwa 13:7

Omuunu unu aariga ari musakisi wa omusiibha Serugiyo Pawuro, omuunu wa obhwengeeso muno. Omusiibha oyo, ˆnaabhirikira Bharinaabha na Saawuri bhagende ewaaye, ꞉aakenere okutegeresya omusango gwa Nyamuwanga okusooka ku‑bheene.

Ebikorwa 13:8

Nawe Erima, owa amawufyo oyo, obhwo nibhwo obhugajuro bhwa risiina ryaye, aariga ˆnaayaajana muno na Bharinaabha na Saawuri, enu ˆnaaregeejaga okukongya omusiibha oyo aasiga okwikirisya Yeesu.

Ebikorwa 15:35

Pawuro na Bharinaabha wone nibhasigara Atiyookiya eyo. Abheene, aamwi na abhaanu abhandi abhaafu, bheeyigisyaga na okuraasisya abhaanu Emisango ja Ekisi inguru ya Raatabhugenyi Yeesu.

Ebikorwa 15:36

Jejire jaatura siku nooto, Pawuro ˆnaabhwira Bharinaabha ati, “Chisubhe mu‑misi jirya ꞉cheeyigisiisye‑mo Emisango ja Ekisi inguru ya Raatabhugenyi Yeesu, chiribhatire abheekirisya abheejaasu, korereki chibhe nichiringira amagenderero geebhwe.”

Ebikorwa 18:12

Omwanya gwa obhutungi bhwa Gaariyo, omusiibha wa Echiruumi mu‑mukoowa gwa Akaaya, Abhayawudi bhoone aamwi nibhagwata Pawuro, nibhamusira imbere ya echitebhe cha indamu.

Ebikorwa 19:10

Pawuro ˆnaagenderera kutyo kwa emiguuga ebhiri, ˆnaabhwiraga abhaanu inguru ya Yeesu na abhaanu bhaafu muno bha mu‑mukoowa gwa Asiya, Abhayawudi aamwi na bhanu bhatari Bhayawudi nibhategeresya omusango gwa Raatabhugenyi.

Ebikorwa 19:20

Nikwo kutyo omusango gwa Raatabhugenyi gwaswiranaga na okubha na amanaga mu‑bhaanu.

Ebikorwa 19:38

Mbe, araabha Demetiriiyo na abharyo abheejaabho bhari na omusango na omuunu woonewoone, riromero riri‑wo na abharamusi bha ebhiraagiro wone bhari‑wo. Abhatura okusitaaka eyo!

Ebikorwa 19:7

Abhaanu abho, obhukumi bhwebhwe ꞉bhwarebhereeye okukinga abharume ekumi na bhabhiri.

Ebikorwa 28:7

Ayeeyi na anu ꞉chaasikiriiye ryariga riri‑wo risambu rya omukuru wa risinga eryo, unu aatogwaga ati Pubhuriiyo. Omuunu oyo ˆnaachikuma kisi ewaaye, nichimara siku esatu awo.

Ebikorwa 6:10

nawe aabhayigaga kwa okwayika emisango ja obhwengeeso kwa obhuturo bhwa Mwoyo Mweru.

Ebikorwa 8:25

Omwanya gunu Peetero na Yowana ꞉bhaamarire okuraasya na okubheeyigisya abhaanu bha mu‑musi ogwo, Emisango ja Ekisi inguru ya Raatabhugenyi Yeesu, nibhaamba orugendo rwebhwe okusubha Yerusareemu. Bhunu bhaagendaga, nibhatura mu‑nguuyo nyafu ja Abhasamaariya nibharaasisyaga abhaanu Emisango ja Ekisi ejo.