Ebikorwa 13:1 - Indagano Inyaaya mu-Chijita

¹ Mw‑ikanisa rya mu‑musi gwa Atiyookiya, bhaariga bhari‑mo abharagi na abheeyigisya. Mu‑bheene bhaariga bhari, Bharinaabha, Simiyooni unu aatogwaga Nigeeri, Ruukiyo okusooka Kureene, Manayeni unu aariga arereeywe aamwi na omukama Yeroode Atipaasi, na Saawuri.

INDAGANO INYA:YA

¹ Mu kanisa inu yariga Antiokia, barigao abaragi na be:igisya nibo banu, Barinaba, na Simeoni unu atogwaga Nigeri, na Lukio owende Kurene, na Manaeni unu arereywe aamwi no mukama Erode, na Saulo.

Ebikorwa 13:1 ပူးပေါင်းရင်းမြစ်များ

Matayo 27:32

Omwanya gunu bhaariga nibhasooka mu‑musi gwa Yerusareemu, nibhasongʼana omuunu umwi ku‑njira unu aariga ˆnaatogwa Simooni, omwinengo wa mu‑musi gwa Kureene. Abhasirikare abho nibhamusinyiirisya okwitwika omusarabha gwa Yeesu.

Ruuka 3:1

Ku‑muguuga gwa ekumi na etaanu gwa obhutungi bhwa Kayisaari Tibheeriyo, Pootiyo Piraato omwene, aariga ari mutungi wa Yuudeya. Yeroode Atipaasi, aariga ˆnaatunga Gariraaya. Owaabho unu aatogwaga Firipo, omwene aariga atungire omukoowa gwa Itureeya na ogwa Turakooniti. Risaniya, aariga ˆnaatunga omukoowa gwa Abhireene.

Ebikorwa 11:30

Nibhakora kutyo, nibhayaana Bharinaabha na Saawuri ebhiyaanwa bhyebhwe, korereki bhabhisire ku‑bhakaruka bha rikanisa rya Yerusareemu.

Ebikorwa 12:25

Bharinaabha na Saawuri, bhejire bhaamara emirimu jeebhwe ja okusira obhusakisi Yerusareemu, nibhagega Yowana unu aatogwaga Maariko, nibheemuka nage Yerusareemu okusubha mu‑musi gwa Atiyookiya.

Ebikorwa 13:9

Saawuri unu aatogwaga risiina erindi ati Pawuro, enu eejuuywe Mwoyo Mweru, ˆnaaringira Erima nekeneke,

Ebikorwa 15:32

Yuuda oyo aamwi na Siira, bhoone bhaariga bhari abharagi. Mbe, nibhabhwira abheekirisya abheejaabho abho, emisango myafu ja okubhasimbiisya na okubhakomeesya.

Ebikorwa 15:35

Pawuro na Bharinaabha wone nibhasigara Atiyookiya eyo. Abheene, aamwi na abhaanu abhandi abhaafu, bheeyigisyaga na okuraasisya abhaanu Emisango ja Ekisi inguru ya Raatabhugenyi Yeesu.

Ebikorwa 19:6

Omwanya gunu Pawuro ꞉aabhatereeye‑ko amabhoko gaaye, awoawo Mwoyo Mweru ˆnaabheekira, nibhaamba okwayika mu‑nyaayika jingenyi na okusoosya obhuragi.

Ebikorwa 21:9

Firipo oyo, aariga ari na abhayaasya bhana bhanu bhaariga bhari na obhuturo bhwa okusoosya obhuragi.

Ebikorwa 4:36

Aariga ari‑wo Omuraawi umwi risiina ryaye aatogwaga Jejefu, omwibhurwa wa kw‑isinga rya Kiipuro, unu jitumwa ja Yeesu ꞉bhaamutogere ati, Bharinaabha, obhugajuro bhwaryo ni unu kaasimbiisya omwoyo.

Ebikorwa 9:1

Ku‑mwanya ogwo, Saawuri ꞉aagendereeye na ebhikangyo bhyaye, bhya okwita abheeyigisibhwa bha Raatabhugenyi Yeesu. ˆNaagenda ku‑mugabhisi omukuru,

Barumi 16:21

Timoteewo, omukosi weejaasu, kaabhakeesya. Ka wone, Abhayawudi bheejaasu Ruukiyo, Yasooni na Sosipiita, abhabhakeesya.

1 Bakorinto 11:4

Kutyo, omurume woonewoone omwikirisya unu kaaswikira omutwe gwaye omwanya gunu kaasabhwa, amwi omwanya gunu kaasoosya obhuragi, oyo kaaswasya Kirisito, unu ari mutwe gwaye.

1 Bakorinto 13:2

Ka wone noorwo nikasoosya obhuragi na okusombookerwa jimbisike joone na okumenya joone kisi, noorwo nikabha na eriikirisya enene rya okutura okufurusya ebhiima, nawe araabha nitari na eryenda, anye nitari chiinu.

1 Bakorinto 13:8

Eryenda ritari na obhuteero. Nawe okusoosya obhuragi, okwayika jinyaayika jingenyi na obhumenyi, ebhiyaanwa ebhyo bhyone bhiri na obhuteero.

1 Bakorinto 14:29

Abhaanu bhanu abhasoosya obhuragi, bhaayikega bhabhiri amwi bhasatu, na abhandi bhatatirisye kisi emisango jeebhwe.

1 Bakorinto 14:32

Echiyaanwa cha okusoosya obhuragi, echitangasibhwa na abharagi,

1 Bakorinto 9:6

Amwi naanye na Bharinaabha era bhanu echeendwa okukora emirimu korereki chibhone ebhiinu inguru ya obhurame bhweswe?

Bagalatia 2:13

Ka wone, abheekirisya abhandi bha Echiyawudi nibhaamba okukora rwa kutyo Peetero aariga ˆnaakora, keenu bhamenyere ati ni bhwirimaanya. Noorwo Bharinaabha wone ˆneengira mu‑bhwirimaanya obhwo.

Bagalatia 2:9

Mbe Yakobho, Peetero na Yowana, nibho bhaariga bhari abhatangasya abhakuru, nibhasombookerwa ati Nyamuwanga niwe ꞉aanaaye emirimu jinu ku‑bhwitiriranya bhwaye. Kurwa ejo, nibhachiyaana amabhoko, anye na Bharinaabha rwa echibharikisyo cha obhusangi. ꞉Cheekirisyanyiisye nabho ati eswe chigende okukora emirimu ku‑bhanu bhatari Bhayawudi, na abheene bhakore emirimu ku‑Bhayawudi.

Baefeso 4:11

Omwene niwe ꞉aawuuwe abhaanu abhandi okubha jitumwa, abhandi abharagi, abhandi abharaasya, abhandi abhareefi na abheeyigisya.

Bafilipi 4:22

Ka wone abheekirisya bhoone bha Kirisito Yeesu bhanu bheekaaye mu‑musi gunu abhabhakeesya, chimwichimwi bhanu bheekaaye mu‑nju ya Kayisaari.

1 Batesalonika 5:20

Ka wone musige okurema obhuragi,