Ebikorwa 12:4 - Indagano Inyaaya mu-Chijita

⁴ Bhejire bhaamara okugwata Peetero, Yeroode ˆnaaragirira ati Peetero atuurwe mw‑ibhoyero. ˆNaamutuura mu‑mabhoko ga abhasirikare ebhise bhina, bhuri chise bhasirikare abhanabhana, korereki bhamwangarire kisi. ꞉Aakarariiye okumuramura imbere ya abhaanu ichikukuru ya Okwambuka yaaturire.

INDAGANO INYA:YA

⁴ Wejire amara okumugwata, namuta mu nyumba yo buboywa, namuta mu maboko ga basirikare ekumi na bata:nu na umwi, bamurindega bana bana. Ariga endere okumusira imbere ya ba:nu ariba Ipasaka yawa.

Ebikorwa 12:4 ပူးပေါင်းရင်းမြစ်များ

Matayo 24:9

Ku‑mwanya ogwo, abhaanu bharibhaga nibhabhanyaasya na okubheeta na abhaanu bha amaanga goone bharibhasoka kwa okubha muri bharuubhirisya bhaani.

Matayo 26:5

꞉Bhaayikeene ati, “Nawe chaasiga okukora jinu ku‑chikukuru ya Okwambuka, abhaanu bhaasiga okukora injogere.”

Mariko 14:1

Jaariga jisigaaye‑wo siku ebhiri, okubha ichikukuru ya Okwambuka na ichikukuru ya emikaate jinu jitakutuurwa‑mo echifwimbya. Abhakuru bha abhagabhisi na abheeyigisya bha ebhiraagiro bhya Muusa bhaariga nibhayenja injira ya okugwata Yeesu bhurigerige, korereki bhamuramure na okumwita.

Ruuka 21:12

“Nawe, ejo joone jichaari okukorekana, bharibhagwata na okubhanyaasya, bharibhasira mu‑nju ja ameekofyanyo geebhwe na okubhabhoya mu‑mabhoyero. Bharibhasira imbere ya abhakama na abhatungi, inguru yaani.

Ruuka 22:33

Simooni ˆnaamusubhya ati, “Raatabhugenyi, nikabha niri aamwi na awe, niikirisiisye okuja okubhoywa mw‑ibhoyero, noorwo okufwa aamwi na awe!”

Yowana 19:23

Abhasirikare bhejire bhaamara okubhumiirira Yeesu ku‑musarabha, nibhagega emyenda jaaye, nibhajigabhanya migabho ena. Bhuri musirikare ˆnaagega omugabho gwaye. Ka wone, nibhagega omwingiro gwaye. Omwingiro ogwo, gwariga gutabharirirwe, tari, gwariga gurukirwe kwa ebhaara rimwi era rya omwenda.

Yowana 21:18

Ni chimari enikubhwira ati, omwanya gunu waariga uchaari mumura, waariga unarire okufwara emyenda jaawo omwene, na okuja woonewoone anu weendaga. Nawe aribha waakokora, urigorora mabhoko gaawo na omuunu owundi arikubhoya na okukusira anu utaryenda okuja.”

Ebikorwa 12:3

Ejire aarora ati echikorwa echo chaakondera Abhayawudi, ˆnaaragirira Peetero wone agwatwe. Jinu joone ꞉jaakorekeene ku‑mwanya gwa ichikukuru ya emikaate jinu jitakutuurwa‑mo echifwimbya.

Ebikorwa 12:5

Kurwa ejo Peetero ꞉aabhoyerwe mw‑ibhoyero, nawe abheekirisya bhaariga nibheekomeesya muno okumusabhirwa ku‑Nyamuwanga.

Ebikorwa 4:28

Jinu ꞉bhaakorere, nijo jinu awe ꞉waaramuuye okwambira ku‑bhwambiro jikorekane, noorwo ejo wone ꞉jaakorekeene kwa obhwira bhwawo.

Ebikorwa 4:3

Kurwa ejo, nibhagwata Peetero na Yowana, nibhabhatuura mw‑ibhoyero, okukingira mwejo yende‑ko, kwa okubha yaariga iri keegoro.

Ebikorwa 5:18

Kurwa ejo, nibhagwata jitumwa ejo, nibhabhatuura mw‑ibhoyero.

Ebikorwa 8:3

Omwanya ogwo Saawuri ˆnaamba okunyaasya abheekirisya bha Yeesu. Omwene aariga ˆneengira mu‑nju jeebhwe, ˆnaagwataga abharume na abhagasi kwa amanaga, ˆnaabhasira mw‑ibhoyero.