Ebikorwa 12:25 - Indagano Inyaaya mu-Chijita

²⁵ Bharinaabha na Saawuri, bhejire bhaamara emirimu jeebhwe ja okusira obhusakisi Yerusareemu, nibhagega Yowana unu aatogwaga Maariko, nibheemuka nage Yerusareemu okusubha mu‑musi gwa Atiyookiya.

INDAGANO INYA:YA

²⁵ Barinaba na Saulo, wejire bamara okufurubenda kwebwe, nibasuba okuso:ka Yerusalemi, nibagega na Yoana unu katogwa Mariko.

Ebikorwa 12:25 ပူးပေါင်းရင်းမြစ်များ

Ebikorwa 12:12

Peetero ejire aamenya ejo, ˆnaagenda aroobhere mu‑nju ya Maryamu nyiramwene Yowana, unu aatogwaga Maariko. Mu‑nju eyo nimwo abheekirisya abhaafu bhaariga bheekofyanyiisye nibhasabhirwaga Peetero ku‑Nyamuwanga.

Ebikorwa 15:35

Pawuro na Bharinaabha wone nibhasigara Atiyookiya eyo. Abheene, aamwi na abhaanu abhandi abhaafu, bheeyigisyaga na okuraasisya abhaanu Emisango ja Ekisi inguru ya Raatabhugenyi Yeesu.

Ebikorwa 15:37

Mu‑rugendo orwo, Bharinaabha aariga ˆnaakena bhagege Yowana unu aatogwaga Maariko, agende aamwi nabho.

Ebikorwa 4:36

Aariga ari‑wo Omuraawi umwi risiina ryaye aatogwaga Jejefu, omwibhurwa wa kw‑isinga rya Kiipuro, unu jitumwa ja Yeesu ꞉bhaamutogere ati, Bharinaabha, obhugajuro bhwaryo ni unu kaasimbiisya omwoyo.

Bakolosai 4:10

Arisitaariko, unu abhoyerwe aamwi na anye mw‑ibhoyero enu, kaabhakeesya. Maariko wone, omuyiri wa Bharinaabha, kaabhakeesya. Mwabhwene amaragiriro inguru yaaye. Aribha abhakinga‑ko eyo, mumukume kisi.

2 Timoteo 4:11

Ruuka eenyere era niwe asigaaye aamwi na anye anu okunsakira. Woori, ukaaja enu, gega Maariko, wuuje nage kwa okubha eeyire abhe omusakisi waani mu‑mirimu ja Nyamuwanga.

Filemoni 1:24

Ka wone, abhakosi bheejaasu Maariko, Arisitaariko, Deema na Ruuka, abhakukeesya.

1 Petero 5:13

Abheekirisya bha rikanisa rinu riri Bhaabheeri, abhasorwa abheejaanyu, abhabhakeesya. Noorwo Maariko, omwana waani mu‑riikirisya, kaabhakeesya.