Ebikorwa 12:20 - Indagano Inyaaya mu-Chijita

²⁰ Omukama Yeroode aariga abhiyiririwe muno abhaanu bha mu‑misi ja Tiiro na Sidooni. Abhaanu abho ꞉bheekirisyanyiisye aamwi, nibhatuma abhaanu ku‑Yeroode okusabhwa ati bhoongwane, bhabhe na omurembe, kwa okubha emisi jeebhwe jaabhonaga ebhiryo okusooka mu‑chaaro cha Yeroode. Abhaanu abho nibharembeja Bhurasito, unu aariga ari omwangarisi wa inju ya Yeroode, eekirisyanye nabho imbere ya Yeroode.

INDAGANO INYA:YA

²⁰ Erode nabajirira risungu abende Turo na ba Sidoni. Abo nibamutako na mutima gumwi, bejire batarana obusa:ni na Bulasito omuri:si wa risago ryo kuma:mamo mukama, nibasabwa omure:bo, okuba i:si yebwe yariga ni:ri:sibwa ebya mu ca:ro co mukama.

Ebikorwa 12:20 ပူးပေါင်းရင်းမြစ်များ

Ruuka 16:8

“Mbe, omwami oyo, ejire aamenya emisango ejo, ˆnaakuuya omwangarisi oyo, ku‑bhwenge bhwaye bhunu ꞉aakorere. “Naabhabhwira echijekekanyo echo, kwa okubha, abhaanu bhanu abhanyaakirira emisango ja ku‑chaaro chinu, bhari na obhwengeeso muno bhwa okusakirana abheene kwa abheene, okukira abhaanu bhanu abhagayuka emisango ja Nyamuwanga.

Ebikorwa 12:21

Orusuku runu rwariga rwawuuywe, omukama Yeroode ˆnaafwara emyenda jaaye ja echikama, ˆneenyanja ku‑chitebhe chaaye cha indamu, ˆnaaroma imbere ya abhaanu abho.

Ebikorwa 21:3

Omwanya gunu ꞉chaarebhereeye risinga rya Kiipuro na okurirora, nichiritura orubhaara rwa ebhurimbe, nichirosya mu‑mukoowa gwa Siiriya. Chejire chaakinga mu‑mukoowa ogwo mu‑musi gwa Tiiro, nichiika mu‑ngarabha eyo, kwa okubha awo niwo yaariga niikenwa iisye emigugu.

Ebikorwa 21:7

Nichigenderera na orugendo rweswe, nichisooka Tiiro awo, nichikinga mu‑musi gwa Toremaayi. Nichikeesya abheekirisya abheejaasu awo, nichibha nabho rusuku rumwi.