Ebikorwa 12:17 - Indagano Inyaaya mu-Chijita

¹⁷ Peetero ˆnaabhawungisya okubhoko bhajibhire, ˆnaabhatondera kutyo Raatabhugenyi Yeesu aamusoosya mw‑ibhoyero. Niwo ˆnaabhabhwira ati, “Emisango ejo, mubhwire Yakobho na abheekirisya abhandi.” Neeya Peetero ˆnaasooka awo, ˆnaagenda orubhaara orundi.

INDAGANO INYA:YA

¹⁷ Nawe wejire abaungisya no kuboko bajibire, nabasimurira rwa kutyo Ratabugenyi amuso:sya mu nyumba yo buboywa. Na:ika ati, Mugende mubwire Yakobo na ba:su ebigambo binu. Naso:kayo nagenda andi.

Ebikorwa 12:17 ပူးပေါင်းရင်းမြစ်များ

Matayo 10:23

Araabha bharibhanyaasya mu‑musi omurebhe, mbe mwirukire mu‑musi ogundi. Ni chimari enibhabhwira ati, mutarimara emirimu jeemwe mu‑misi joone ja Yisirayeeri, anye Omwana wa Omuunu nichaari kuuja.

Mariko 6:3

Unu atari mubhuya wurya, omwana wa Maryamu? Abhamura bhaabho bhatari Yakobho, Yoose, Yuuda na Simooni? Angu, abhayara bhaabho bhatari bhanu chiikaaye nabho anu?” Nibhamubhiyirirwa, nibharema okumwikirisya.

Ruuka 1:22

Ejire aawuruka‑mo, ꞉ataaturire okwayika nabho rindi. Niwo nibhamenya ati, aarora ebhiroro Ayeeru mw‑Iyekaru omwo. Okwambira orusuku orwo, Jaakariya ˆnaabha omujibhi, ˆnaabhayikyaga chijibhi.

Yowana 10:40

Mbe, Yeesu ˆnaagenda rindi ku‑ngego ya omusima gwa Yorodaani, ˆnaakinga anu ku‑bhwambiro Yowana aariga ˆnaabhatiijisya abhaanu. ˆNeekara eyo siku nooto.

Yowana 11:54

Kurwa ejo, Yeesu ˆnaasiga okuribhata abhwerubhweru mu‑mukoowa gwa Yuudeya. ˆNaasooka awo, ˆnaagenda orubhaara runu rwariga ruri yeeyi na ribhara, mu‑musi gunu ogutogwa ati Ifurayimu, ˆneekara eyo aamwi na abheeyigisibhwa bhaaye.

Yowana 13:24

Mbe, Simooni Peetero ˆnaakorera echibharikisyo omwiyigisibhwa oyo, ˆnaamubhwira ati, “Bhuusya Yeesu kaayikira ga agati yeeswe.”

Yowana 7:1

Ejo jejire jaawa, Yeesu ˆnaamba okwiyinda mu‑mukoowa gwa Gariraaya. ꞉Ateendere okwiyinda mu‑mukoowa gwa Yuudeya, kwa okubha abhatangasya bha Abhayawudi bhaayenjaga okumwita.

Yowana 8:59

Abhayawudi bhejire bhoongwa ejo, nibhabhooja amabhuyi korereki bhamubhume nago na okumwita. Nawe Yeesu ˆneeyibhisa, ˆnaasooka mu‑rubhuga rwa Riyekaru.

Ebikorwa 1:15

Ku‑mwanya ogwo, abheekirisya bha Yeesu nibheekofyanya, obhukumi bhwebhwe bhwariga wuti egana rimwi na makumi gabhiri (120) kutya. Niwo Peetero ˆneemereeguru agatigati yeebhwe, ˆnaabhabhwira ati,

Ebikorwa 12:16

Omwanya ogwo Peetero aariga ˆnaagenderera okukonoona kw‑irango. Bhejire bheegura omuryango, nibhamurora, nibharuguura muno.

Ebikorwa 12:18

Bhwejire bhwacha, abhasirikare bha mw‑ibhoyero nibhayaya muno inguru ya jinu jaabhona Peetero.

Ebikorwa 13:16

Awo Pawuro ˆneemereeguru, ˆnaabhawungisya okubhoko korereki bhamutegeresye, ˆnaayika ati, “Emwe abhaanu bha Yisirayeeri, na emwe abhaanu bhanu mutari Bhayawudi bhanu omuramya Nyamuwanga, muntegeresye!

Ebikorwa 15:13

Omwanya gunu ꞉bhaamarire okwayika, Yakobho wone ˆnaayika ati, “Emwe abhayiri bhaasu, muntegeresye!

Ebikorwa 16:40

Pawuro na Siira, bhejire bhaasooka mw‑ibhoyero, nibhagenda iika ewa Riidiya. Awo ꞉bhaabhugeene na abheekirisya, nibhabhasimbiisya, niwo nibhasooka mu‑musi ogwo.

Ebikorwa 19:33

Abharebhe mu‑chise echo nibheetogera ati injogere yaariga iri inguru ya Arekijanda kwa okubha Abhayawudi, ꞉bhaamukuuriiye imbere ya abhaanu abho. Arekijanda aariga ari na omusango gwa okwayika. Niwo, ˆnaabhawungisya okubhoko ati bhajibhire, kwa okubha aariga ˆnaakena okureeta obhwibhagisi imbere yeebhwe.

Ebikorwa 21:18

Mwejo yende‑ko, nichigenda na Pawuro, nichiribhatira Yakobho, na abhakaruka bhoone bha rikanisa wone bhaariga bhari‑wo.

Ebikorwa 21:40

Niwo omukuru wa abhasirikare oyo ˆnaamwikirisisya. Kurwa ejo Pawuro ˆneemereeguru ku‑njegwe ejo, ˆnaawungisya abhaanu abho okubhoko ati bhajibhire. Bhejire bhaajibhira bhoone, ˆnaayika nabho mu‑nyaayika yeebhwe ya Echiyebhuraniya.

Ebikorwa 28:15

Abheekirisya abheejaasu Ruumi eyo, bhejire bhoongwa ati echigenda eyo, nibhaaja okuchiramirira mw‑iguriro rya Apiiyo na abhandi anu aatogwaga ati Woteeri Esatu. Pawuro ejire aabharora, ˆnaasiima Nyamuwanga, omutima gwaye nigusandabha.

1 Bakorinto 15:7

Niwo ˆnaasoromokera Yakobho, ka wone ˆnaasoromokera jitumwa joone.

Bagalatia 1:19

Nawe ꞉nitaarorere jitumwa ejindi, tari Yakobho, omumura waabho Raatabhugenyi Yeesu.

Bagalatia 2:12

Peetero aaryaga ebhiryo aamwi na abheekirisya bhanu bhatari Bhayawudi ataabha na echiitimaato choonechoone. Nawe bhejire bhaaja abhaanu abharebhe okusooka ku‑Yakobho, Peetero ˆneeyawura okusooka ku‑bheekirisya bhanu bhatari Bhayawudi abho, ˆnaasiga okurya ebhiryo aamwi nabho. ꞉Aakorere kutyo, kwa okubha aariga ˆnoobhaya abhaanu bhanu bhaariga nibhakomeeresya ati abheekirisya bhoone ni bhusibhusi bhabhega nibhatendwa okwamba.

Bagalatia 2:9

Mbe Yakobho, Peetero na Yowana, nibho bhaariga bhari abhatangasya abhakuru, nibhasombookerwa ati Nyamuwanga niwe ꞉aanaaye emirimu jinu ku‑bhwitiriranya bhwaye. Kurwa ejo, nibhachiyaana amabhoko, anye na Bharinaabha rwa echibharikisyo cha obhusangi. ꞉Cheekirisyanyiisye nabho ati eswe chigende okukora emirimu ku‑bhanu bhatari Bhayawudi, na abheene bhakore emirimu ku‑Bhayawudi.

Yakobo 1:1

Inyarubha inu niikaamire anye Yakobho, omukosi wa Nyamuwanga na owa Raatabhugenyi Yeesu Kirisito. Enikaamira emwe jingʼanda ekumi na ebhiri, jinu jinyarambukire na okuja okwikara mu‑bhyaro bhyafubhyafu. Enibhakeesya!