Ebikorwa 12:12 - Indagano Inyaaya mu-Chijita

¹² Peetero ejire aamenya ejo, ˆnaagenda aroobhere mu‑nju ya Maryamu nyiramwene Yowana, unu aatogwaga Maariko. Mu‑nju eyo nimwo abheekirisya abhaafu bhaariga bheekofyanyiisye nibhasabhirwaga Peetero ku‑Nyamuwanga.

INDAGANO INYA:YA

¹² Ao ariga ace:ganirisya ebyo, nakinga ku nyumba ya Maryamu nyiramwene Yoana anu katogwa Mariko. Nimwo omwo bariga be:kofya-nyisye ba:fu nibasabwa.

Ebikorwa 12:12 ပူးပေါင်းရင်းမြစ်များ

Ebikorwa 12:25

Bharinaabha na Saawuri, bhejire bhaamara emirimu jeebhwe ja okusira obhusakisi Yerusareemu, nibhagega Yowana unu aatogwaga Maariko, nibheemuka nage Yerusareemu okusubha mu‑musi gwa Atiyookiya.

Ebikorwa 12:5

Kurwa ejo Peetero ꞉aabhoyerwe mw‑ibhoyero, nawe abheekirisya bhaariga nibheekomeesya muno okumusabhirwa ku‑Nyamuwanga.

Ebikorwa 13:13

Pawuro na abheejaabho nibhasooka Paafo awo. Nibhatura mu‑ngarabha nibhagenda nibhasikirira mu‑musi gwa Perege mu‑mukoowa gwa Pamufiriya. Yowana Maariko ˆnaabhasiga awo, ˆnaasubha Yerusareemu.

Ebikorwa 13:5

Omwanya gunu ꞉bhaakingire kw‑isinga eryo, mu‑musi gwa Saraami, nibhaamba okuraasisya abhaanu omusango gwa Nyamuwanga mu‑nju ja ameekofyanyo ga Abhayawudi. Awo Yowana Maariko, aariga ari aamwi nabho wuti musakisi weebhwe.

Ebikorwa 16:40

Pawuro na Siira, bhejire bhaasooka mw‑ibhoyero, nibhagenda iika ewa Riidiya. Awo ꞉bhaabhugeene na abheekirisya, nibhabhasimbiisya, niwo nibhasooka mu‑musi ogwo.

Ebikorwa 4:23

Peetero na Yowana bhejire bheegurirwa, nibhasubha ku‑bheekirisya abheejaabho. Nibhasimura emisango joone jinu bhaabhwirwa na abhakuru bha abhagabhisi na abhakuru bha Abhayawudi.

Bakolosai 4:10

Arisitaariko, unu abhoyerwe aamwi na anye mw‑ibhoyero enu, kaabhakeesya. Maariko wone, omuyiri wa Bharinaabha, kaabhakeesya. Mwabhwene amaragiriro inguru yaaye. Aribha abhakinga‑ko eyo, mumukume kisi.

2 Timoteo 4:11

Ruuka eenyere era niwe asigaaye aamwi na anye anu okunsakira. Woori, ukaaja enu, gega Maariko, wuuje nage kwa okubha eeyire abhe omusakisi waani mu‑mirimu ja Nyamuwanga.

Filemoni 1:24

Ka wone, abhakosi bheejaasu Maariko, Arisitaariko, Deema na Ruuka, abhakukeesya.

1 Petero 5:13

Abheekirisya bha rikanisa rinu riri Bhaabheeri, abhasorwa abheejaanyu, abhabhakeesya. Noorwo Maariko, omwana waani mu‑riikirisya, kaabhakeesya.