Ebikorwa 11:29 - Indagano Inyaaya mu-Chijita

²⁹ Okuruubhana na obhuragi obhwo, abheeyigisibhwa nibharamura ati, bhuri umwi weebhwe, ku‑bhuturo bhwaye, asoosye obhusakisi ku‑bheekirisya abheejaabho bhanu bhaariga bheekaaye Yuudeya.

INDAGANO INYA:YA

²⁹ Abe:igisibwa niba:ikana okutumira abairi banu be:kae mu Buyaudi ebyo kubasakira, mu:nu wo:ne rwa kutyo ariga nabona.

Ebikorwa 11:29 ပူးပေါင်းရင်းမြစ်များ

Matayo 25:17

Kutyokutyo, omugaya unu ꞉aayaaywe jitaranta ebhiri, ˆnaagenda okukora ebhyasara na okubhona jitaranta ejindi ebhiri.

Yowana 2:2

Yeesu na abheeyigisibhwa bhaaye wone bhaariga bhakokerwe mu‑bhuregesi obhwo.

Ebikorwa 1:15

Ku‑mwanya ogwo, abheekirisya bha Yeesu nibheekofyanya, obhukumi bhwebhwe bhwariga wuti egana rimwi na makumi gabhiri (120) kutya. Niwo Peetero ˆneemereeguru agatigati yeebhwe, ˆnaabhabhwira ati,

Ebikorwa 11:1

Jitumwa ja Yeesu na abheekirisya abhandi Yuudeya erya, nibhoongwa ati, abhaanu bhanu bhatari Bhayawudi wone bheekirisya omusango gwa Nyamuwanga.

Ebikorwa 11:26

Ejire aamubhona, ˆnaamureeta Atiyookiya awo. Bharinaabha na Saawuri nibheekara na abheekirisya bharya omuguuga gwone, nibheeyigisyaga abhaanu bhaafu muno. Atiyookiya awo, niwo abheeyigisibhwa bha Yeesu ꞉bhaambire okutogwa ati, Abhakirisito.

Ebikorwa 13:52

Nawe abheeyigisibhwa bha Yeesu bha Atiyookiya ya Pisiidiya eyo, nibhabha na rikonderwa enene nibhagendereraga okwijusibhwa Mwoyo Mweru.

Ebikorwa 14:20

Nawe omwanya gunu abheeyigisibhwa ꞉bheekofyanyiisye na okumusingira, ˆneemuka, ˆnaasubha mu‑musi. Mwejo yende‑ko, ˆnaasooka awo, ˆnaagenda aamwi na Bharinaabha mu‑musi gwa Deeribhe.

Ebikorwa 14:22

Bhuri rubhaara, bhaariga nibhasimbiisya abheeyigisibhwa na okubhakomeeresya ati bhagenderere okurumatana mu‑riikirisya ryebhwe. Nibhabhabhwira ati, ni bhusibhusi chiture mu‑nyaako nyafu korereki chiingire mu‑bhukama bhwa Nyamuwanga.

Ebikorwa 24:17

“Mbe, emiguuga ꞉jaaturire myafu ꞉niteejire Yerusareemu. Nejire neeya niniija korereki nireete obhusakisi ku‑Bhayawudi bheejaasu abhataka na okusoosya echitambwa ku‑Nyamuwanga.

Ebikorwa 4:34

Aariga atari‑wo omuunu woonewoone owa obhukene, kwa okubha abhaanu bhanu bhaariga bhari na amasambu na jinju, bhaabhigusyaga na okureeta jipirya ejo ku‑tumwa.

Ebikorwa 6:1

Mu‑siku ejo, obhukumi bhwa abheeyigisibhwa bha Yeesu bhwariga nibhugenderera okwiyongesya. Agati yeebhwe bhaariga bhari‑mo Abhayawudi bhanu bhaaromaga Echiyunaani, na Abhayawudi bheejaabho bhanu bhaaromaga Echiyebhuraniya. Bhanu bhaaromaga Echiyunaani bheerurujaga ati, mu‑mirimu ja okugabha ebhiryo bhya bhuri rusuku, abhatumbagasi bheebhwe bhataagabhirwaga ebhiryo kisi na bhanu bhaaromaga Echiyebhuraniya.

Ebikorwa 9:19

Ejire eeya ˆnaarya ebhiryo, ˆnaabhona amanaga rindi. Kwa omwanya omurebhe, Saawuri ꞉eekaaye aamwi na abheeyigisibhwa bha Yeesu Damaasiko eyo.

Ebikorwa 9:25

Mu‑ngeta imwi, abharuubhirisya bhaaye nibhamwingisya mw‑itukuru rinene rinu ryariga ribhoyerwe na jingoye, nibhatusya ritukuru eryo mw‑iwundu rinene ku‑ndugu ya omusi, nibhooromosya ritukuru na jingoye jirya anja ya omusi, niwo Saawuri ˆnaagenda.

1 Bakorinto 13:5

Eryenda erikora omuunu ayaanega abhandi echibharo, ritakureterera okwiganirisya emisango jaaye era, noorwo okubhiyirwa bhwangu, noorwo okubha na ingwatira mu‑mwoyo.

Bagalatia 2:10

Abhatangasya abho ꞉bhaachikomeeresiisye omusango gumwi ati, chibhe nichiichuka abhataka. Anye wone niikomeesiisye muno okukora omusango ogwo.