Ebikorwa 11:26 - Indagano Inyaaya mu-Chijita

²⁶ Ejire aamubhona, ˆnaamureeta Atiyookiya awo. Bharinaabha na Saawuri nibheekara na abheekirisya bharya omuguuga gwone, nibheeyigisyaga abhaanu bhaafu muno. Atiyookiya awo, niwo abheeyigisibhwa bha Yeesu ꞉bhaambire okutogwa ati, Abhakirisito.

INDAGANO INYA:YA

²⁶ Ejire amubona namure:ta mu Antiokia. Mbe e:ya nibamara mwaka gumwi, nibe:ko-fyanyaga na ba ikanisa, nibe:igisyaga ba:nu ba:fu. Abe:igisibwa nibambira mu Antiokia okutogwa Bakristo.

Ebikorwa 11:26 ပူးပေါင်းရင်းမြစ်များ

Matayo 28:19

Mbe, mugende ku‑bhaanu bha amaanga goone mubhakore okubha abheeyigisibhwa bhaani. Mugende mukore kutyo kwa okubhabhatiija kw‑isiina rya Raata, na erya Omwana na erya Mwoyo Mweru,

Yowana 2:2

Yeesu na abheeyigisibhwa bhaaye wone bhaariga bhakokerwe mu‑bhuregesi obhwo.

Ebikorwa 1:15

Ku‑mwanya ogwo, abheekirisya bha Yeesu nibheekofyanya, obhukumi bhwebhwe bhwariga wuti egana rimwi na makumi gabhiri (120) kutya. Niwo Peetero ˆneemereeguru agatigati yeebhwe, ˆnaabhabhwira ati,

Ebikorwa 11:20

Nawe Atiyookiya awo, abheekirisya abharebhe bha kw‑isinga rya Kiipuro na abha mu‑musi gwa Kureene, nibhaamba okwiyigisya Emisango ja Ekisi ja Raatabhugenyi Yeesu, noorwo ku‑bhaanu bhanu bhatari Bhayawudi.

Ebikorwa 11:22

Mbe abheekirisya bha Yerusareemu, nibhoongwa emisango ja abheekirisya bha Atiyookiya, kutyo nibhabhwira Bharinaabha agende eyo.

Ebikorwa 11:27

Mu‑siku ejo abharagi okusooka Yerusareemu ꞉bheejire Atiyookiya.

Ebikorwa 11:29

Okuruubhana na obhuragi obhwo, abheeyigisibhwa nibharamura ati, bhuri umwi weebhwe, ku‑bhuturo bhwaye, asoosye obhusakisi ku‑bheekirisya abheejaabho bhanu bhaariga bheekaaye Yuudeya.

Ebikorwa 14:20

Nawe omwanya gunu abheeyigisibhwa ꞉bheekofyanyiisye na okumusingira, ˆneemuka, ˆnaasubha mu‑musi. Mwejo yende‑ko, ˆnaasooka awo, ˆnaagenda aamwi na Bharinaabha mu‑musi gwa Deeribhe.

Ebikorwa 14:22

Bhuri rubhaara, bhaariga nibhasimbiisya abheeyigisibhwa na okubhakomeeresya ati bhagenderere okurumatana mu‑riikirisya ryebhwe. Nibhabhabhwira ati, ni bhusibhusi chiture mu‑nyaako nyafu korereki chiingire mu‑bhukama bhwa Nyamuwanga.

Ebikorwa 14:23

Pawuro na Bharinaabha nibhasora abhakaruka mu‑bhuri rikanisa. Mu‑kwiyima okurya na okubhasabhirwa, nibhabhatuura mu‑mabhoko ga Raatabhugenyi Yeesu, unu ꞉bheekirisiisye.

Ebikorwa 14:27

Atiyookiya awo nibhakofya abheekirisya. Nibhabhatondera joone jinu Nyamuwanga ꞉aakorere okutura ku‑bheene na kutyo ꞉eeguuye orwigi ku‑bhaanu bhanu bhatari Bhayawudi okwikirisya Yeesu.

Ebikorwa 14:28

Nibheekara Atiyookiya awo, aamwi na abheeyigisibhwa abho kwa omwanya mureera.

Ebikorwa 18:27

Apooro ejire aakena okugenda mu‑mukoowa gwa Akaaya, abheekirisya bha Yefeeso nibhamukomeesya, nibhamukaamira inyarubha ya okumumenyesya ku‑bheeyigisibhwa bha Yeesu bheende‑yo. Ejire aakinga eyo, ꞉aasakiiye muno abhaanu bhanu bhaariga bheekirisiisye Yeesu ku‑bhwitiriranya bhwa Nyamuwanga.

Ebikorwa 19:9

Nawe abhaanu abharebhe mu‑bheene nibhakora emyoyo jeebhwe okubha emikomeeye. Nibharema okwikirisya emisango ja Yeesu, nibhaamba okugaya Injira ya Yeesu imbere ya abhaanu. Kutyo, Pawuro ˆnaaramura okusigana nabho, ˆnaagega abheeyigisibhwa bhaaye, ˆnaagenda nabho mw‑isomero rya Tiraano, munu abhaanu bheekofyanyaga. Bhuri rusuku, aariga ˆnaaroma na abhaanu emisango ja Yeesu.

Ebikorwa 20:1

Injogere ya Yefeeso awo, yejire yaatemekera, Pawuro ˆnaabhirikira abheeyigisibhwa bheende‑wo. Ejire aamara okubhafungʼamya, ˆnaabharaga, ˆnaagenda mu‑mukoowa gwa Makedooniya.

Ebikorwa 20:30

Noorwo agati yeemwe abheene, bhariibhuka‑mo abhaanu bhanu bharyayika emisango jinu jitari ja echimari, korereki bhakurure abheeyigisibhwa, bhabharuubhirire abheene.

Ebikorwa 21:4

Nichiyenja abheeyigisibhwa bheende‑wo, nichibhabhona nichiikara nabho awo siku etaanu na ebhiri. Abheeyigisibhwa abho nibhatangasibhwaga na Mwoyo Mweru nibheerembeeresya Pawuro ati asige okugenda Yerusareemu.

Ebikorwa 26:28

Neeya Agiriipa ˆnaasubhya Pawuro ati, “Owitogera ati kwa emisango jaawo emityari jinu, owutura okunkora nibhe Omukirisito?”

Ebikorwa 6:1

Mu‑siku ejo, obhukumi bhwa abheeyigisibhwa bha Yeesu bhwariga nibhugenderera okwiyongesya. Agati yeebhwe bhaariga bhari‑mo Abhayawudi bhanu bhaaromaga Echiyunaani, na Abhayawudi bheejaabho bhanu bhaaromaga Echiyebhuraniya. Bhanu bhaaromaga Echiyunaani bheerurujaga ati, mu‑mirimu ja okugabha ebhiryo bhya bhuri rusuku, abhatumbagasi bheebhwe bhataagabhirwaga ebhiryo kisi na bhanu bhaaromaga Echiyebhuraniya.

Ebikorwa 6:5

Obhuramusi obhwo nibhukondera abheeyigisibhwa abho bhoone. Nibhasora Tefwano, omuunu unu eejuuywe Mwoyo Mweru na owa eriikirisya enene. Nibhasora na Firipo, Porokoro, Nikanoori, Timooni, Paarimeena, na Nikorawo wa Atiyookiya, unu kara awo ꞉aafurukiiye mu‑diini ya Echiyawudi.

Ebikorwa 9:19

Ejire eeya ˆnaarya ebhiryo, ˆnaabhona amanaga rindi. Kwa omwanya omurebhe, Saawuri ꞉eekaaye aamwi na abheeyigisibhwa bha Yeesu Damaasiko eyo.

Ebikorwa 9:38

Omusi gwebhwe gwa Yoopa gwariga guri yeeyi na Ruuda. Kurwa ejo, bhunu abheeyigisibhwa ꞉bhoonguuwe ati Peetero ari Ruuda nibhatuma abhaanu abhabhiri ku‑Peetero. Eyo nibhabhwira Peetero ati, “Echikwirembeeresya, nuuwuuje kw‑iswe enu woori anu kutya!”

1 Bakorinto 11:18

Enuungwa ati, bhunu omwikofyanyaga mw‑ikanisa, omwawukana‑mo makijumakiju. Omwanya ogundi, anye wone eniikirisya ati nikwo kutyo jiri.

1 Bakorinto 12:12

Omubhiri gwa omuunu guri na ebhiwuga bhyafu, nawe ebhiwuga ebhyo ni mubhiri gumwi. Nikwo kutyo jiri wone ku‑mubhiri gwa Kirisito.

1 Bakorinto 14:23

Woori, araabha abheekirisya bhakeekofyanya aamwi okusabhwa, bhoone nibhaamba okwayika jinyaayika jingenyi, nibheeya nibheengira abhaanu bhanu bhatari na obhuturo bhwa okusombookerwa jinyaayika jingenyi ejo, noorwo bhanu bhatari bheekirisya, bhataryayika ati muri bhasasi?

1 Bakorinto 4:17

Ku‑songa eyo, ꞉naatumire Timoteewo, omwana waani omwendwa, unu ari mwiyikanyibhwa ku‑mirimu ja Raatabhugenyi. Omwene kaja okubheechukya kutyo anye eniruubha Kirisito, jiri rwa kutyo eniiyigisya abhaanu bhuri rubhaara mu‑makanisa goone.

Baefeso 3:15

Omwene oyo, niwe obhusimukwa bhwa abhaanu bhaaye bhoone bhanu bhari mu‑rwire na ku‑chaaro anu.

Yakobo 2:7

Itari ati, nibho abho abhafuma risiina rya ekisi rya Yeesu Kirisito unu emwe muri abhaana bhaaye?

1 Petero 4:14

Araabha mukafumwa ku‑songa ya risiina rya Kirisito, mumenye ati muyaaywe amabhando. Omusango ogwo, ogweresya ati Mwoyo wa Nyamuwanga owa rikusyo ari aamwi na emwe.

1 Petero 4:16

Omuunu woonewoone akanyaaka kwa okubha ni muruubhirisya wa Kirisito, asige okurora jiswaro. Tari akuuye Nyamuwanga, kwa okubha omuunu oyo, kaabhirikirwa kw‑isiina rya Kirisito.

1 Yoana 2:27

Nawe emwe, Kirisito abhayaaye Mwoyo Mweru unu ari mu‑myoyo jeemwe. Mutakukena omuunu owundi wa okubheeyigisya emisango ja echimari. Okubha Mwoyo Mweru kaabheeyigisya bhuri chiinu chinu omukena okumenya. Ameeyigisyo gaaye ni ga echimari, gatari ga orubheeyi. Kurwa ejo, mugenderere okubha na obhumwi na Kirisito.

Obhusweruro 3:18

Kurwa ejo, enibhatongera mugure kw‑anye inaaryo inu yesiibhwe mu‑muriro korereki mubhe abhaniibhi. Mugure wone emyenda emyeru, muswikire obhutuyu bhwemwe korereki mutariiswara. Mugure omuti gwa okubhambaga ku‑meeso geemwe korereki mubhe na obhuturo bhwa okurora.