Ebikorwa 11:20 - Indagano Inyaaya mu-Chijita

²⁰ Nawe Atiyookiya awo, abheekirisya abharebhe bha kw‑isinga rya Kiipuro na abha mu‑musi gwa Kureene, nibhaamba okwiyigisya Emisango ja Ekisi ja Raatabhugenyi Yeesu, noorwo ku‑bhaanu bhanu bhatari Bhayawudi.

INDAGANO INYA:YA

²⁰ Nawe mwabo barigamo abamura abende Kupuro na Bakurene, bejire bakinga Antiokia, niba:ika na Bagiriki one, nibasimura Ebigambo byo bwana ebya Ratabugenyi Yesu.

Ebikorwa 11:20 ပူးပေါင်းရင်းမြစ်များ

Matayo 27:32

Omwanya gunu bhaariga nibhasooka mu‑musi gwa Yerusareemu, nibhasongʼana omuunu umwi ku‑njira unu aariga ˆnaatogwa Simooni, omwinengo wa mu‑musi gwa Kureene. Abhasirikare abho nibhamusinyiirisya okwitwika omusarabha gwa Yeesu.

Yowana 7:35

Niwo Abhayawudi nibhabhuusyanya abheene kwa abheene ati, “Angu, omuunu unu arija aaki anu eswe chitarimubhona? Angu, keenda okugenda ku‑Bhayawudi bhanu bhanyarambukiiye mu‑bhyaro ebhindi, na okwiyigisya abhaanu bhanu bhatari Bhayawudi?

Ebikorwa 11:19

Okuruubhana na okwitwa kwa Tefwano na ebhinyaasyo bhinu ꞉bhyasookereeye Yerusareemu, abheekirisya ꞉bhaanyarageene, nibhabhirimira mu‑mukoowa gwa Foyeenike, kw‑isinga rya Kiipuro na mu‑musi gwa Atiyookiya. Eyo niyo bheeyigisyaga omusango gwa Nyamuwanga ku‑Bhayawudi era.

Ebikorwa 11:22

Mbe abheekirisya bha Yerusareemu, nibhoongwa emisango ja abheekirisya bha Atiyookiya, kutyo nibhabhwira Bharinaabha agende eyo.

Ebikorwa 11:26

Ejire aamubhona, ˆnaamureeta Atiyookiya awo. Bharinaabha na Saawuri nibheekara na abheekirisya bharya omuguuga gwone, nibheeyigisyaga abhaanu bhaafu muno. Atiyookiya awo, niwo abheeyigisibhwa bha Yeesu ꞉bhaambire okutogwa ati, Abhakirisito.

Ebikorwa 11:27

Mu‑siku ejo abharagi okusooka Yerusareemu ꞉bheejire Atiyookiya.

Ebikorwa 13:1

Mw‑ikanisa rya mu‑musi gwa Atiyookiya, bhaariga bhari‑mo abharagi na abheeyigisya. Mu‑bheene bhaariga bhari, Bharinaabha, Simiyooni unu aatogwaga Nigeeri, Ruukiyo okusooka Kureene, Manayeni unu aariga arereeywe aamwi na omukama Yeroode Atipaasi, na Saawuri.

Ebikorwa 14:26

Okusooka Ataariya awo nibhatura mu‑ngarabha, nibhasubha Atiyookiya ya Siiriya. Awo niwo abheekirisya ꞉bhaabhasabhiiywe obhwitiriranya bhwa Nyamuwanga ku‑murimu gunu bhaariga bhakuumisiisye.

Ebikorwa 15:22

Awo jitumwa ejo na abhakaruka, aamwi na abheekirisya bhoone bha Yerusareemu awo nibheekirisyanya. Nibhatema echiina ati, bhaawure abhaanu abharebhe mu‑bheene bhanu abhaja okugenda aamwi na Pawuro na Bharinaabha mu‑musi gwa Atiyookiya. Nibhaawura‑mo abhaanu abhabhiri bha echirume bhanu abhayaanwa echibharo muno mu‑bheekirisya. Omuunu wa okwamba, aariga ari Yuuda unu aatogwaga Bharisabha, omuunu wa kabhiri, aariga ari Siira. Abho nibhatumwa na inyarubha niyayikaga ati,

Ebikorwa 15:23

“Eswe jitumwa aamwi na abhakaruka bha rikanisa, echibhakeesya emwe abheekirisya bhanu mutari Bhayawudi, bhanu muri mu‑musi gwa Atiyookiya, na emikoowa ja Siiriya na Kiriikiya.

Ebikorwa 15:30

Jitumwa jinu ꞉bhaatumirwe bhejire bhaasigana na abheejaabho abho, ꞉bhooromokeeye Atiyookiya. Nibhakofya abheekirisya bhoone bha Atiyookiya, nibhabhayaana inyarubha irya.

Ebikorwa 17:18

Niwo abhaanu abharebhe bha obhwengeeso bhanu bhaatogwaga ati Abhayepukiriyo, aamwi na Abhasitoyiko, nibhaamba okubhambasyanya na Pawuro na okurema emisango jaaye. Abhandi mu‑bheene nibhabhuusya ati, “Ni misango ki jinu omuromiromi unu kaayika?” Abhandi nibhaayika ati, “Eyibhonekana ati kaayikira inguru ya amasambwa ga echaaro echindi.” ꞉Bhaayikire kutyo kwa okubha Pawuro aabharaasisyaga inguru ya Yeesu na inguru ya okusuuruka mu‑bhafuuwe.

Ebikorwa 18:22

Mbe, ejire aakinga ˆnaasikirira mu‑musi gwa Kayisaariya, ˆnaagenda Yerusareemu, ˆnaakeesya abheekirisya, neeya ˆnaagenda mu‑musi gwa Atiyookiya.

Ebikorwa 2:10

Furiigiya, Pamufiriya na Miisiri. Bhari‑wo abhandi okusooka mbaara ja echaaro cha Riibhiya chinu chiri yeeyi na omusi gwa Kureene. Abhandi ni bhagenyi bhanu ꞉bhaasookere mu‑musi gwa Ruumi, Abhayawudi bha obhusimukwa na abhandi bhanu ꞉bheekirisiisye idiini ya Echiyawudi.

Ebikorwa 4:36

Aariga ari‑wo Omuraawi umwi risiina ryaye aatogwaga Jejefu, omwibhurwa wa kw‑isinga rya Kiipuro, unu jitumwa ja Yeesu ꞉bhaamutogere ati, Bharinaabha, obhugajuro bhwaryo ni unu kaasimbiisya omwoyo.

Ebikorwa 5:42

Bhuri rusuku ꞉jaagendereeye okuraasya, okwiyigisya mw‑Iyekaru na mu‑nju ja abhaanu. ꞉Bhataasigire okuraasisya abhaanu Emisango ja Ekisi ati Yeesu niwe Kirisito.

Ebikorwa 6:1

Mu‑siku ejo, obhukumi bhwa abheeyigisibhwa bha Yeesu bhwariga nibhugenderera okwiyongesya. Agati yeebhwe bhaariga bhari‑mo Abhayawudi bhanu bhaaromaga Echiyunaani, na Abhayawudi bheejaabho bhanu bhaaromaga Echiyebhuraniya. Bhanu bhaaromaga Echiyunaani bheerurujaga ati, mu‑mirimu ja okugabha ebhiryo bhya bhuri rusuku, abhatumbagasi bheebhwe bhataagabhirwaga ebhiryo kisi na bhanu bhaaromaga Echiyebhuraniya.

Ebikorwa 6:5

Obhuramusi obhwo nibhukondera abheeyigisibhwa abho bhoone. Nibhasora Tefwano, omuunu unu eejuuywe Mwoyo Mweru na owa eriikirisya enene. Nibhasora na Firipo, Porokoro, Nikanoori, Timooni, Paarimeena, na Nikorawo wa Atiyookiya, unu kara awo ꞉aafurukiiye mu‑diini ya Echiyawudi.

Ebikorwa 6:9

Nawe abhandi mu‑Bhayawudi ꞉bhaaregeejiisye okubhambasyanya nage. Abho bhaariga bhasookere mu‑nju ya eriikofyanyo rya Abhayawudi rinu ryabhirikirwaga ati, inju ya Abhaanu bha Obhwitaage. Abhandi bhaariga bhasookere mu‑musi gwa Kureene na mu‑musi gwa Arekijandiriya, abhandi ꞉bhaasookere mu‑mukoowa gwa Kiriikiya na echa Asiya. Abhayawudi abho bhaabhambasyanyaga na Tefwano,

Ebikorwa 8:35

Firipo ˆnaamba na emisango ejo ja Ebhikaame Ebhyeru, ˆnaamubhwiraga Emisango ja Ekisi inguru ya Yeesu.

Ebikorwa 8:5

Firipo wone ˆnaagenda mu‑musi gumwi gwa Samaariya, ˆnaamba okuraasisya abhaanu bheende‑yo emisango ja Kirisito.

Ebikorwa 9:20

Awoawo ꞉aambire okugenda mu‑nju ja ameekofyanyo ga Abhayawudi, ˆnaabharaasisyaga ati, Yeesu ni Mwana wa Nyamuwanga.

Ebikorwa 9:29

Omwanya ogundi aariga ˆnaasimura na okubhambasyanya na Abhayawudi bhanu bhaaromaga Echiyunaani, nawe abho bhaariga nibharegeeja okumwita.

1 Bakorinto 2:2

Omwanya gunu naariga niri kw‑imwe, ꞉naaramuuye ati naayike era emisango inguru ya Yeesu Kirisito, chimwichimwi okufwa kwaye ku‑musarabha, okwayika omusango gundi wuri.

Bagalatia 2:11

Mbe, Peetero ejire aaja Atiyookiya, rusuku rumwi ꞉naamugonyere abhwerubhweru imbere ya abheekirisya, kwa okubha aariga akayire.

Baefeso 3:8

Anye, niri mutooto okukira omutooto woonewoone ku‑bheeru bhoone bha Nyamuwanga. Noorwo kutyo, naanye ꞉naayaaywe obhwitiriranya bhwa okuraasisya abhaanu bhanu bhatari Bhayawudi obhuniibhi bhwa Kirisito bhunu bhutari na indengo.