Ebikorwa 11:19 - Indagano Inyaaya mu-Chijita

¹⁹ Okuruubhana na okwitwa kwa Tefwano na ebhinyaasyo bhinu ꞉bhyasookereeye Yerusareemu, abheekirisya ꞉bhaanyarageene, nibhabhirimira mu‑mukoowa gwa Foyeenike, kw‑isinga rya Kiipuro na mu‑musi gwa Atiyookiya. Eyo niyo bheeyigisyaga omusango gwa Nyamuwanga ku‑Bhayawudi era.

INDAGANO INYA:YA

¹⁹ Na banu banyaragene kurwo kunyasibwa kunu kwabeeo ku bya Stefano, nibaribata okukinga Foiniki, na Kupuro, na Antiokia, batasimuriye mu:nu omusango gwa Nyamuanga tari Abayaudi era.

Ebikorwa 11:19 ပူးပေါင်းရင်းမြစ်များ

Matayo 10:6

Tari mugende ku‑Bhayisirayeeri, kwa okubha bhari rwa jinaama jinu jibhurire.

Yowana 7:35

Niwo Abhayawudi nibhabhuusyanya abheene kwa abheene ati, “Angu, omuunu unu arija aaki anu eswe chitarimubhona? Angu, keenda okugenda ku‑Bhayawudi bhanu bhanyarambukiiye mu‑bhyaro ebhindi, na okwiyigisya abhaanu bhanu bhatari Bhayawudi?

Ebikorwa 11:20

Nawe Atiyookiya awo, abheekirisya abharebhe bha kw‑isinga rya Kiipuro na abha mu‑musi gwa Kureene, nibhaamba okwiyigisya Emisango ja Ekisi ja Raatabhugenyi Yeesu, noorwo ku‑bhaanu bhanu bhatari Bhayawudi.

Ebikorwa 11:22

Mbe abheekirisya bha Yerusareemu, nibhoongwa emisango ja abheekirisya bha Atiyookiya, kutyo nibhabhwira Bharinaabha agende eyo.

Ebikorwa 13:1

Mw‑ikanisa rya mu‑musi gwa Atiyookiya, bhaariga bhari‑mo abharagi na abheeyigisya. Mu‑bheene bhaariga bhari, Bharinaabha, Simiyooni unu aatogwaga Nigeeri, Ruukiyo okusooka Kureene, Manayeni unu aariga arereeywe aamwi na omukama Yeroode Atipaasi, na Saawuri.

Ebikorwa 13:4

Niwo, Bharinaabha na Saawuri, nibhatumwa na Mwoyo Mweru. Nibhagenda nibhooromokera mu‑musi gwa Serukiya. Okusooka awo nibhariinya mu‑ngarabha, nibhagenda kw‑isinga rya Kiipuro.

Ebikorwa 13:46

Noorwo kutyo, Pawuro na Bharinaabha nibhabhasubhya kwa ribhaasi nibhaayikaga ati, “Jaariga jiiyire omusango gwa Nyamuwanga, guraasibhwe kw‑imwe, emwe Abhayawudi okwamba. Nawe kwa okubha mwagurema na okwiramura abheene ati muteeyire obhuwanga bhwa akajaanende, woori echibhasiga echigenda okuraasisya abhaanu bhanu bhatari Bhayawudi.

Ebikorwa 14:26

Okusooka Ataariya awo nibhatura mu‑ngarabha, nibhasubha Atiyookiya ya Siiriya. Awo niwo abheekirisya ꞉bhaabhasabhiiywe obhwitiriranya bhwa Nyamuwanga ku‑murimu gunu bhaariga bhakuumisiisye.

Ebikorwa 15:22

Awo jitumwa ejo na abhakaruka, aamwi na abheekirisya bhoone bha Yerusareemu awo nibheekirisyanya. Nibhatema echiina ati, bhaawure abhaanu abharebhe mu‑bheene bhanu abhaja okugenda aamwi na Pawuro na Bharinaabha mu‑musi gwa Atiyookiya. Nibhaawura‑mo abhaanu abhabhiri bha echirume bhanu abhayaanwa echibharo muno mu‑bheekirisya. Omuunu wa okwamba, aariga ari Yuuda unu aatogwaga Bharisabha, omuunu wa kabhiri, aariga ari Siira. Abho nibhatumwa na inyarubha niyayikaga ati,

Ebikorwa 15:3

Abheekirisya abho nibhabharaga, ka wone nibhayaana Pawuro na abheejaabho abho ebhiinu bhyebhwe bhya bhusibhusi. Niwo bha Pawuro nibheemuka, nibhatura mu‑mikoowa ja Foyeenike na Samaariya, nibhabhwiraga abhaanu kutyo abhaanu bhanu bhatari Bhayawudi wone abheekirisya Yeesu. Omusango ogwo nigukondera muno abheekirisya abheejaabho bhoone bheende‑yo.

Ebikorwa 15:30

Jitumwa jinu ꞉bhaatumirwe bhejire bhaasigana na abheejaabho abho, ꞉bhooromokeeye Atiyookiya. Nibhakofya abheekirisya bhoone bha Atiyookiya, nibhabhayaana inyarubha irya.

Ebikorwa 15:35

Pawuro na Bharinaabha wone nibhasigara Atiyookiya eyo. Abheene, aamwi na abhaanu abhandi abhaafu, bheeyigisyaga na okuraasisya abhaanu Emisango ja Ekisi inguru ya Raatabhugenyi Yeesu.

Ebikorwa 15:39

Ejo nijikora Pawuro na Bharinaabha bhayombe muno, okukingira nibhaawukana. Bharinaabha ˆnaagega Maariko, nibhagenda aamwi na ingarabha nibhakinga kw‑isinga rya Kiipuro.

Ebikorwa 18:22

Mbe, ejire aakinga ˆnaasikirira mu‑musi gwa Kayisaariya, ˆnaagenda Yerusareemu, ˆnaakeesya abheekirisya, neeya ˆnaagenda mu‑musi gwa Atiyookiya.

Ebikorwa 21:16

Abheeyigisibhwa abharebhe bha Kayisaariya awo, nibhachiyeregesya nibhachikingya mu‑nju ya Omunasooni, unu chaariga nichija okwikara nage. Omuunu oyo aariga ari wa kw‑isinga rya Kiipuro na aariga ari umwi wa abheekirisya bha okwambakwamba.

Ebikorwa 21:2

Awo nichisongʼana ingarabha eyindi inu yaariga niija mu‑mukoowa gwa Foyeenike. Kurwa ejo nichiriinya, nichigendera omwo.

Ebikorwa 3:26

Kurwa ejo, omwanya gunu Nyamuwanga ꞉aasorere omukosi waaye Yeesu, ꞉aamutumire kw‑imwe okwamba, korereki abhayaane amabhando kwa okubhasoosya bhuri muunu mu‑bhibhiibhi bhyaye.”

Ebikorwa 4:36

Aariga ari‑wo Omuraawi umwi risiina ryaye aatogwaga Jejefu, omwibhurwa wa kw‑isinga rya Kiipuro, unu jitumwa ja Yeesu ꞉bhaamutogere ati, Bharinaabha, obhugajuro bhwaryo ni unu kaasimbiisya omwoyo.

Ebikorwa 6:5

Obhuramusi obhwo nibhukondera abheeyigisibhwa abho bhoone. Nibhasora Tefwano, omuunu unu eejuuywe Mwoyo Mweru na owa eriikirisya enene. Nibhasora na Firipo, Porokoro, Nikanoori, Timooni, Paarimeena, na Nikorawo wa Atiyookiya, unu kara awo ꞉aafurukiiye mu‑diini ya Echiyawudi.

Bagalatia 2:11

Mbe, Peetero ejire aaja Atiyookiya, rusuku rumwi ꞉naamugonyere abhwerubhweru imbere ya abheekirisya, kwa okubha aariga akayire.