Ebikorwa 10:38 - Indagano Inyaaya mu-Chijita

³⁸ Ka wone omumenya ati, Nyamuwanga ꞉aasorere Yeesu wa Najareeti kwa okumuyaana Mwoyo Mweru na obhuturo. Yeesu oyo aagendaga enu na erya, aakoraga ja ekisi na okuwosya bhoone bhanu bhaariga nibhanyaasibhwa na amanaga ga Syetaani, kwa okubha Nyamuwanga aariga ari aamwi nage.

INDAGANO INYA:YA

³⁸ Rwa kutyo Nyamuanga e:tiriye Mwoyo Mweru na managa ku Yesu wende Najareti, unu e:singasingaga nakoraga ebye kisi, naosyaga bo:ne banu banyasibwaga na Syetani, okuba Nyamuanga ariga:ri, a:mwi nage.

Ebikorwa 10:38 ပူးပေါင်းရင်းမြစ်များ

Matayo 12:15

Yeesu ejire aamenya obhutinge bhwa Abhafarisaayo abho, ˆnaasooka awo. Abhaanu bhaafu nibhamuruubha, ˆnaawosya bhoone bhanu bhaariga bharwaye.

Matayo 12:28

Nawe, araabha anye enisoosya‑ko amasambwa ku‑bhuturo bhwa Mwoyo wa Nyamuwanga, mbe, mumenye ati, obhukama bhwa Nyamuwanga bhwabhakingiiye.

Matayo 9:19

Niwo, Yeesu na abheeyigisibhwa bhaaye, nibheemuka nibharuubhana na omukuru oyo.

Matayo 9:35

Mbe, Yeesu aaturaga enu na erya mu‑misi joone na mu‑nguuyo. Woonewoone anu aariga ˆnaatura, eengiraga mu‑nju ja ameekofyanyo geebhwe na okwiyigisya abhaanu. Ka wone, aaraasyaga Emisango ja Ekisi inguru ya obhukama bhwa mu‑rwire na okuwosya abhaanu abha amarwara ga bhuri mbaga.

Mariko 6:6

ˆNaaruguura muno, kwa okubha abhaanu abho bhaariga bhatari na eriikirisya noorwo na akatyari. Niwo Yeesu ˆneeyindaga mu‑nguuyo ja ayeeyi okwiyigisya abhaanu.

Ruuka 3:22

Mwoyo Mweru ˆneeka inguru yaaye rwa echiguuti, obhuraka nibhusooka mu‑rwire, nibhwayika ati, “Awe naawe Omwana waani omwendwa! Naawe owunkondisya!”

Ruuka 4:18

“Mwoyo Mweru wa Raatabhugenyi Nyamuwanga, ari aamwi na anye. Aansorere, nibhega nindaasisya abhataka Emisango ja Ekisi. Aantumire ku‑bhaanu bhanu bhabhoyerwe, okubharaasisya ati abhaja okwigurirwa, na okubhwira abhawofu ati abhaja okurora, na niwonʼye abhaanu bhoone bhanu abhanyaasibhwa.

Ruuka 9:42

Omwanya gunu omwana oyo aagendaga ku‑Yeesu, awoawo risambwa eryo ˆnirimugwisya aasi, ˆnirimureterera okugwa echitwe. Nawe Yeesu ˆnaarigonya, ˆnaawosya omwana oyo, ˆnaamusubhya kw‑isemwene.

Ruuka 9:56

Okubha anye Omwana wa Omuunu ꞉niteejire okusingaarisya abhaanu, tari okubhachungura.” Nibhagenda mu‑ruguuyo orundi.

Yowana 10:32

Nawe Yeesu ˆnaabhabhwira ati, “Naabheeresya ebhiruguusyo bhyafu bhya ekisi bhinu ꞉naakorere ku‑bhuturo bhwa Raata. Ni chiruguusyo ki mw‑ibhyo chinu echibhakora mwende okumbuma na amabhuyi?”

Yowana 16:32

Ringira omwanya ogufogera, ka wone guri yeeyi muno, gunu bhoone murinyaragana. Emwe bhoone murigenda mu‑misi jeemwe, na okunsiga anye eenyere. Nawe nitaribha anye eenyere, kwa okubha Raata ari aamwi na anye.

Yowana 3:2

Rusuku rumwi mu‑ngeta, Nikodeemu ˆnaagenda ku‑Yeesu, ˆnaamubhwira ati, “Omwiyigisya, chimenyere ati awe ni mwiyigisya unu utumirwe na Nyamuwanga, kwa okubha atari‑wo omuunu unu kaatura okukora ebhibharikisyo bhinu owukora, araabha Nyamuwanga atari aamwi nage.”

Yowana 3:34

kwa okubha Nyamuwanga ꞉aatumire Yeesu korereki aayike emisango jaaye. Nyamuwanga amuyaaye Mwoyo Mweru okurenga wuri.

Yowana 6:27

Mwasiga okukora emirimu inguru ya okubhona ebhiryo bhinu ebhinyamuka, tari mukorega emirimu inguru ya okubhona ebhiryo bhinu bhitakunyamuka, ka wone ebhiyaana abhaanu obhuwanga bhwa akajaanende koone. Anye Omwana wa Omuunu, eniyaana abhaanu ebhiryo ebhyo, kwa okubha Raata Nyamuwanga anaaye obhuturo bhwa okukora kutyo.”

Ebikorwa 10:37

Omumenya emisango jinu ꞉jaakorekeene mu‑chaaro choone cha Yuudeya okwambira Gariraaya, Yowana ejire aamara okuraasisya abhaanu ati, bhabhatiijiibhwe.

Ebikorwa 2:22

Peetero ˆnaagenderera okwayika ati, “Emwe abhaanu bha Yisirayeeri, muntegeresye kisi! Nyamuwanga ꞉eeresiisye abhweru kw‑imwe ati Yeesu Omunajareeti ni wa echimari. ꞉Aakorere kutyo, ku‑njira ya ebhikorwa bhya obhuturo, ebhiruguusyo na ebhibharikisyo bhya mbaga nyafunyafu bhinu Nyamuwanga ꞉aamuyaaye amanaga okukora agati yeemwe. Ejo emwe abheene mujimenyere.

Baeburania 1:9

Awe weendere ja ekisi, na owubhiyirirwa emijabhi. Kurwa ejo Nyamuwanga, Nyamuwanga waawo, aakubhambaga amafuta ga rikonderwa, korereki akukore ubhe omukuru okukira abheejaanyu bhoone.”

1 Petero 5:8

Mwiyingirire na okutengeeja, omwanya gwone. Okubha omusoko weemwe, Syetaani, keeyinda enu na erya rwa itare inu eyiruuta, niiyenja omuunu wa okusingaarisya.

1 Yoana 2:20

Nawe emwe, Yeesu Omweru abhayaanire Mwoyo waaye, kurwa ejo, woori bhoone omumenya echimari.

1 Yoana 3:8

Nawe, omuunu woonewoone unu kaagenderera okukora ebhibhiibhi, ni muunu wa Syetaani. Okubha Syetaani agendereeye okukora ebhibhiibhi okusookerera ku‑bhwambiro. Niyo isonga Omwana wa Nyamuwanga ꞉eejire ku‑chaaro anu, korereki anyamure bhuri murimu gwa Syetaani.