Ebikorwa 10:15 - Indagano Inyaaya mu-Chijita

¹⁵ Obhuraka obhwo nibhubhwira Peetero ati, “Nuusige okubhirikira ebhiinu bhinu Nyamuwanga eesiisye, ati ni bhijabhi.”

INDAGANO INYA:YA

¹⁵ Oburaka nibumubwira rindi rwa kabiri ati, Nyamuanga binu e:sisye wasiga kubitoga bijabi.

Ebikorwa 10:15 ပူးပေါင်းရင်းမြစ်များ

Matayo 15:11

“Muntegeresye kisi na okusombookerwa emisango jinu enibhabhwira! Bhitari ebhiinu bhinu ebhiingira mu‑kanwa bhinu ebhijabhiyasya omuunu. Tari, emisango jinu ejisooka mu‑kanwa kaaye, nijo ejimujabhiyasya.”

Mariko 7:19

Ebhiryo bhitakwingira mu‑mwoyo, tari ebhitura mu‑nda era na nibhisooka mu‑mubhiri gwaye nibhisirwa emwira.” Yeesu ꞉aayikire kutyo, obhugajuro bhwaye bhuri ati, ebhiryo bhyone bhibhe nibhiriibhwa.

Ebikorwa 10:16

Omusango ogwo nigukorekana kasatu, niwo isuuka irya niisubha mu‑rwire.

Ebikorwa 10:28

Peetero ˆnaabhabhwira ati, “Emwe mumenyere kisi ati eswe Abhayawudi, ebhiraagiro bhyeswe ebhichigaanya okusaasikana na abhaanu bha amaanga. Noorwo okubharibhatira wone, chigaanyiibhwe. Nawe Nyamuwanga aanyeresya ati, nisige okwiganirisya omuunu woonewoone okubha omujabhi.

Ebikorwa 11:9

Nawe ꞉noonguuwe rindi obhuraka obhwo okusooka mu‑rwire nibhumbwira ati, ‘Nuusige okubhirikira ebhiinu bhinu Nyamuwanga eesiisye, ati ni bhijabhi.’

Ebikorwa 15:20

Echikenwa era okubhakaamira inyarubha okubheeresya ati bhasige okurya ebhiryo bhinu bhisoosiibhwe inguru ya okuramya amasusano, obhuromesi, okurya jityanyi jinu jiitirwe kwa okubhuutwa noorwo okunywa orwamba.

Ebikorwa 15:29

Musige okurya ebhiryo bhinu bhisoosiibhwe inguru ya okuramya amasusano, okurya noorwo okunywa orwamba, okurya jityanyi jinu jiitirwe kwa okubhuutwa na okukora obhuromesi. Araabha mukasigana na ejo, niwo omubha mukorere kisi. Jibhe kutyo.”

Ebikorwa 15:9

꞉Ataakorere isoroore yooneyoone agati yeeswe na abheene, kwa okubha abheene wone ꞉bheekirisiisye Yeesu na ku‑njira eyoeyo, ꞉eesiisye myoyo jeebhwe.

Barumi 14:14

Okuruubhana na ameeyigisyo ga Raatabhugenyi Yeesu, enimenya chimari ati, bhitari‑wo ebhiryo bhyonebhyone ebhijabhi. Nawe araabha omuunu kaarora ati ebhiryo ebhirebhe ni bhijabhi, awo niwo ebhiryo ebhyo bhyabha ebhijabhi ku‑mwene.

Barumi 14:20

Waasiga okunyamura emirimu ja Nyamuwanga kwa okurya ebhiryo bhyonebhyone bhinu oweenda. Chimari, ebhiryo bhyone ebhiikirisibhwa okuriibhwa, nawe ni chikayo ku‑muunu okurya ebhiryo bhinu ebhitura okukongya oweejaabho akore gunu kaarora ati ni chibhiibhi mu‑meeso ga Nyamuwanga.

1 Bakorinto 10:25

Murye inyama yooneyoone inu eyigusibhwa mw‑iguriro kubhusirisyabhusirisya wuri, korereki mwasiga okunyaaka mu‑mitima jeemwe,

Tiito 1:15

Ku‑bhaanu bhanu emitima jeebhwe ni myeru imbere ya Nyamuwanga, ebhiinu bhyone bhyesiibhwe. Nawe, ku‑bhaanu abhajabhi na bhanyateekirisya, ebhiinu bhyone ni bhijabhi, kwa okubha obhwiganirisya bhwebhwe na emitima jeebhwe, bhijabhiyaaye.

Obhusweruro 14:20

Amatwasyo ago, nigatajiirirwa mw‑iswejisyo anja ya omusi omukuru. Nigasoosya isagama, isagama eyo niibha omusima mureera. Obhureera bhwagwo, bhwariga bhuri kiromeeta magana gasatu (300) na obhwima, bhwariga bhuri echita chimwi na esinja.