Ebikorwa 10:1 - Indagano Inyaaya mu-Chijita

¹ Mu‑musi gwa Kayisaariya aariga ari‑mo omwangarisi wa abhasirikare, risiina ryaye aatogwaga Koroneeriyo. Oyo aariga eemereeguruuyu abhasirikare egana rimwi, okusooka mu‑chise echinene cha abhasirikare chinu chaatogwaga ati “Echise cha Yitaariya.”

INDAGANO INYA:YA

¹ Mu Kaisaria ariga:rio mu:nu, risi:na ryae Korinelio, Omukuru we cise ca basirikare egana, cinu catogwaga ca Italia.

Ebikorwa 10:1 ပူးပေါင်းရင်းမြစ်များ

Matayo 27:27

Niwo abhasirikare bha omutungi wa Echiruumi nibhagega Yeesu, nibhagenda nage mw‑iyumba rya obhutungi. Abhasirikare abhandi bhoone, nibheekumanya mw‑iyumba omwo, nibheeyinda Yeesu.

Matayo 27:54

Omwangarisi wa abhasirikare aamwi na bhanu bhaariga nibhaangarira Yeesu bhejire bhaarora rinyamutikima rya echaaro na ejindi joone jinu ꞉jaakorekeene, nibhoobhaya muno, nibhaayika ati, “Chimari, omuunu unu aariga ari Mwana wa Nyamuwanga!”

Mariko 15:16

Abhasirikare bha omutungi wa Echiruumi nibhagega Yeesu, nibhagenda nage mw‑iyumba rya obhutungi rya Piraato. Abhasirikare abhandi wone nibhaaja nibheekofyanya awo.

Ruuka 7:2

Mu‑musi ogwo, aariga ari‑mo omwangarisi wa abhasirikare bha Echiruumi. Omwangarisi oyo, aariga ari na omugaya waaye amwenderega muno. Nawe omugaya oyo aariga arwaye, ari yeeyi okufwa.

Yowana 18:12

Mbe, omukuru wa abhasirikare bha Echiruumi, aamwi na echise chaaye cha abhasirikare, na abhasirikare bharya okusooka ku‑bhatangasya bha Abhayawudi, nibhagwata Yeesu, nibhamubhoya.

Yowana 18:3

Kurwa ejo, Yuuda ˆnaatangasya echise cha abhasirikare bha Echiruumi, aamwi na abhasirikare bha Riyekaru okusooka ku‑bhakuru bha abhagabhisi na ku‑Bhafarisaayo. Nibhagenda mw‑isambu eryo, bhagwatiriiyega jidara, ebhisiriira na ebhigwato.

Ebikorwa 10:24

Orusuku rwa kabhiri, nibhakinga mu‑musi gwa Kayisaariya nibhagendaga ewa Koroneeriyo. Omwanya ogwo Koroneeriyo aariga akumanyiisye abhaabho, aamwi na abhasaani bhaaye, nibharindiriraga Peetero.

Ebikorwa 21:31

Omwanya gunu bhaariga nibharonda injira korereki bheete Pawuro, emisango nijikingira omukuru wa abhasirikare bha Echiruumi ati, mbaara joone ja omusi gwa Yerusareemu abhaanu abhakora injogere.

Ebikorwa 21:8

Mwejo yende‑ko, nichiriinya mu‑ngarabha, nichikinga mu‑musi gwa Kayisaariya. Nichiikara mu‑nju ya Firipo, unu aariga ari muraasya wa Emisango ja Ekisi ja Yeesu. Aariga ari umwi wa abhasakisi bhataanu na bhabhiri bhanu ꞉bhaasorerwe Yerusareemu.

Ebikorwa 22:25

Bhejire bhaamara okumubhoya korereki bhamubhume muno, ˆnaabhuusya omwangarisi weebhwe unu aariga eemereeguuyu awo ati, “Angu omwikirisibhwa na ebhiraagiro bhya Echiruumi okubhuma jijaridi omwinengo wa Ruumi, keenu achaari okuramurwa?”

Ebikorwa 23:23

Neeya omukuru urya ˆnaabhirikira abhaangarisi bhabhiri bha abhasirikare bhaaye, ˆnaabhabhwira ati, “Mwiraabhe abhasirikare magana gabhiri (200), abhasirikare makumi gataanu na gabhiri abha jifwaraasi na abhandi magana gabhiri (200) abha amachumu bhagende Kayisaariya saa esatu mu‑ngeta.

Ebikorwa 23:33

Abhasirikare abha jifwaraasi abho bhejire bhaakinga Kayisaariya, nibhayaana omusiibha inyarubha irya, nibhatuura Pawuro wone mu‑mabhoko gaaye.

Ebikorwa 25:1

Feesito ejire aamara siku esatu era mu‑mukoowa gwa Yuudeya, ˆnaasooka Kayisaariya, ˆnaariinya okugenda Yerusareemu.

Ebikorwa 25:13

Jejire jaatura siku nooto, omukama Agiriipa aamwi na Bherinike omuyara waabho nibhaaja Kayisaariya awo okukeesya Feesito.

Ebikorwa 27:1

Feesito ejire aaragirira ati chigende na ingarabha mu‑chaaro cha Yitaariya, Pawuro na abhabhoywa abhandi nibhatuurwa mu‑mabhoko ga omwangarisi wa abhasirikare. Omwangarisi oyo, aatogwaga Yuriyo, omwene aariga ari wa echise chinu chaatogwaga ati “Echise cha Awuguusito.”

Ebikorwa 27:31

Awoawo Pawuro ˆnaabhwira omwangarisi wa abhasirikare, aamwi na abhasirikare bhaaye ati, “Abhawugi bhanu, araabha bhatakuja okusigara aamwi na eswe mu‑ngarabha munu, mbe mutakuwona.”

Ebikorwa 27:43

Nawe omwangarisi weebhwe aariga atakwenda Pawuro eetwe, ˆnaabhagaanya. ˆNaaragirira ati bhanu abhamenya okuwuga bheeyese mu‑manji, korereki bhaje ku‑chaaro.

Ebikorwa 8:40

Firipo ˆneefurwa ari mu‑musi gwa Ajooto. ˆNaamba orugendo rwa okuja mu‑musi gwa Kayisaariya, ˆnaaturaga mu‑misi joone ku‑njira. Mu‑bhuri musi aaraasisyaga abhaanu Emisango ja Ekisi ja Yeesu okukingira mu‑musi gwa Kayisaariya.