Ebikorwa 1:7 - Indagano Inyaaya mu-Chijita

⁷ ˆNaabhabhwira ati, “Jisiku ja emisango ejo, jitari inguru yeemwe okujimenya, kwa okubha ni Raata omwene era, ku‑bhuturo bhwaye niwe aramuuye ati, jirikorekana rusuku ri.

INDAGANO INYA:YA

⁷ Nababwira ati, Okumenya emyanya na jisiku kutari kwemwe, binu Rata atee mu buinga bwae omwene.

Ebikorwa 1:7 ပူးပေါင်းရင်းမြစ်များ

Matayo 20:23

Yeesu ˆnaabhabhwira ati, “Chimari omuja okunyaaka rwa kutyo enija okunyaaka, nawe okwinyanja orubhaara rwani rwa ebhuryo amwi rwa ebhumoosi, ogwo gutari murimu gwani okubheekirisisya. Jimbaara ejo ni ja bhanu Raata waani aamarire okwiraabhira.”

Matayo 24:36

“Nawe atari‑wo omuunu unu kaamenya orusuku noorwo isaa inu emisango ejo jirikorekana. Noorwo bhamaraayika bha mu‑rwire amwi Omwana wa Nyamuwanga bhatakumenya, tari Raata wenyere.

Mariko 10:40

Nawe, omuunu okwinyanja aamwi na anye, orubhaara rwani rwa ebhuryo amwi rwa ebhumoosi, ogwo gutari murimu gwani okubheekirisisya. Jimbaara ejo ni ja bhanu Nyamuwanga aamarire okwiraabhira.”

Mariko 13:32

“Nawe, atari‑wo omuunu unu kaamenya orusuku noorwo isaa inu emisango ejo jirikorekana. Noorwo bhamaraayika bha mu‑rwire amwi Omwana, bhoone bhatakumenya. Tari Raata Nyamuwanga wenyere niwe kaarumenya.

Ruuka 21:24

Abhaanu abhandi bhariitwa kwa jimbanda. Abhandi bharigwatwa na okusirwa mu‑bhyaro ebhindi bhyone. Omusi gwa Yerusareemu guritungwa kwa amanaga na abhaanu abhandi bhanu bhatari Bhayawudi okusooka mu‑bhyaro ebhindi. Ejo jirikorekana, okukingira anu omwanya gwebhwe gwa okutunga gurikuumira.

Ebikorwa 17:26

꞉Aabhumbire abhaanu bha amaanga goone okusooka ku‑muunu umwi, korereki bheekare mu‑chaaro choone. ꞉Aabhatereeye‑wo na omwanya gwa okwikara okusookerera kara, nyabhuriko ꞉aabhatereeye‑wo na jimbibhi anu abhaja okwikara.

Baefeso 1:10

Obhutinge bhwaye ni ati, aribha gwakuumira omwanya gunu omwene ateeye‑wo, niwo ariwumbanya aamwi ebhiinu bhyone bhibhe emwaro ya obhutungi bhwa Kirisito, ebhiinu bhinu bhiri mu‑rwire na bhinu bhiri mu‑chaaro.

1 Timoteo 6:15

Aribha gwakinga omwanya gunu Nyamuwanga ateeye‑wo, arituma rindi Yeesu Kirisito ku‑chaaro. Nyamuwanga niwe kaakusibhwa, omwene era niwe owa obhuturo, Omukama wa abhakama na Raatabhugenyi wa bharaatabhugenyi.

2 Timoteo 3:1

Mbe, wiichuke ati mu‑siku ja obhuteero guribha omwanya gwa inyaako muno.