Ebikorwa 1:3 - Indagano Inyaaya mu-Chijita

³ Ejire aasuuruka okusooka mu‑fwa, ꞉aamarire siku makumi gana, ˆneebhuurisya ku‑tumwa ejo kwiya kaafu. Mu‑bhibharikisyo bhyafu aabheeresyaga abhwerubhweru ati ni muwanga na aabheeyigisyaga emisango ja obhukama bhwa Nyamuwanga.

INDAGANO INYA:YA

³ Wejire amara okunya:sibwa, ne:bu:risya ku bene mu bibarikisyo byafu ati ni muanga, nabatonekera mu mwanya gwa siku makumi gana, na:ika emisango jo bukama bwa Nyamuanga.

Ebikorwa 1:3 ပူးပေါင်းရင်းမြစ်များ

Matayo 21:43

Yeesu ˆnoongesya ati, “Enibhabhwira ati, ku‑songa eyo Nyamuwanga arisoosya‑wo obhukama bhwaye kw‑imwe na okuyaana abhaanu bha amaanga agandi bhanu bharitwasya amatwasyo inguru yaaye.

Matayo 28:9

Mbe, bhunu bhaariga bhachaagenda okubhwira abheeyigisibhwa bhaaye, awoawo Yeesu ˆnaabhugana nabho, ˆnaabhabhwira ati, “Naabhakeesya!” Nibhamujaa‑ko, nibhamuramya kwa okugwata amaguru gaaye.

Matayo 3:2

“Mute ebhibhiibhi bhyemwe ku‑Nyamuwanga, kwa okubha obhukama bhwa mu‑rwire bhuri yeeyi!”

Matayo 4:2

Yeesu ˆnaamara eyo masuubha makumi gana, mu‑ngeta na mu‑mwisi okurya ebhiryo bhyonebhyone wuri. Omwanya ogwo gwejire gwawa, ˆnoongwa omweko muno.

Mariko 16:19

Raatabhugenyi Yeesu ejire aamara okwayika nabho, Nyamuwanga ˆnaamugega ˆnaamwingʼengya mu‑rwire. ˆNeenyanja orubhaara rwa ebhuryo ku‑Nyamuwanga.

Yowana 20:26

Jejire jaatura siku etaanu na esatu, abheeyigisibhwa bha Yeesu nibheekumanya aamwi rindi mu‑nju. Orusuku orwo Tomaasi wone aariga ari aamwi nabho. Bhaariga bheegaye jinjigi, nawe Yeesu ˆnaabhonekana abhwerubhweru, ˆneemereeguru agatigati yeebhwe, ˆnaabhakeesya ati, “Omurembe gubhe aamwi na emwe!”

Yowana 21:1

Ejo jejire jaawa, Yeesu ˆnaasoromokera rindi abheeyigisibhwa bhaaye ku‑njekekera ya inyanja ya Tibheeriyo. Omusango ogwo ꞉gwakorekeene kutya.

Yowana 21:14

Orwo rwariga ruri rwa kasatu Yeesu okusoromokera abheeyigisibhwa bhaaye okusookerera omwanya gunu ꞉aasuurukire okusooka mu‑bhafuuwe.

Ebikorwa 13:31

Na ku‑siku nyafu, Yeesu ˆneebhuurisya ku‑bhaanu bhanu bhaariga nibharibhata aamwi nage okusooka Gariraaya, na okuja Yerusareemu. Woori, abho nibho abhabhambaasi bhaaye ku‑bhaanu.

Ebikorwa 19:8

Kwa omwanya gwa ameesi gasatu Pawuro aariga ˆneengira mu‑nju ya eriikofyanyo rya Abhayawudi na okusimura nabho kwa ribhaasi. Aasimuraga na abhaanu na okubharembeja bheekirisye emisango ja obhukama bhwa Nyamuwanga.

Ebikorwa 28:23

Mbe, nibhaayikana na Pawuro orusuku rwa okubhugana rindi. Orusuku orwo rwejire rwakinga, Abhayawudi ꞉bheekumanyiisye bhaafu muno mu‑nju yaaye. Pawuro ˆnaabhamenyesya bhwa kisikisi inguru ya obhukama bhwa Nyamuwanga, okwambira katondo okukingira keegoro. Aariga ˆnaaregeeja okubhakora bheekirisye emisango ja Yeesu, kwa okukorera Ebhikaame Ebhyeru, ebhiraagiro bhya Muusa na ebhitabho bhya abharagi abhandi.

Ebikorwa 28:31

Aariga ˆneeyigisya abhaanu kwa ribhaasi inguru ya obhukama bhwa Nyamuwanga na inguru ya Raatabhugenyi Yeesu Kirisito, okugaanywa na omuunu wuri.

Ebikorwa 8:12

Nawe omwanya gunu Firipo ꞉aabharaasisiisye Emisango ja Ekisi inguru ya obhukama bhwa Nyamuwanga, na inguru ya risiina rya Yeesu Kirisito, abhaanu nibheekirisya emisango jaaye, niwo abharume na abhagasi nibhabhatiijibhwa.

Barumi 14:17

Okubha emisango ja bhusibhusi mu‑bhukama bhwa Nyamuwanga kutari kurya amwi okunywa, nawe ni kukora eja obhurengeresi imbere ya Nyamuwanga, okubha na omurembe na rikonderwa. Ejo joone ejiturikana ku‑bhusakisi bhwa Mwoyo Mweru.

Bakolosai 1:13

Achichunguuye okusooka mu‑bhutungi bhwa echisuute, achifurusiisye okusooka omwo na okuchiingisya mu‑bhukama bhwa Omwana waaye omwendwa.

1 Batesalonika 2:12

korereki murame rwa kutyo Nyamuwanga keenda. Nyamuwanga niwe kaabhabhirikira korereki mwingire mu‑bhukama na mw‑ikusyo ryaye.

1 Yoana 1:1

Echibharaasisya inguru ya Musango wa obhuwanga, unu ꞉aabheeye‑wo chichaari okubha‑wo echiinu choonechoone. Eswe ꞉chaamutegeresiisye, ꞉chaamurore na ameeso geeswe abheene, ꞉chaamuringiiye na okumukuunʼya‑ko na amabhoko geeswe.