Ebikorwa 1:2 - Indagano Inyaaya mu-Chijita

² okukingira orusuku runu ꞉aagegerwe okugenda mu‑rwire. Achaari okugegwa, ꞉aasoosiisye amaragiriro okutura ku‑Mwoyo Mweru, ku‑tumwa jaaye jinu ꞉aawuuwe, inguru ya emirimu jinu abhaja okukora.

INDAGANO INYA:YA

² Okukinga ku rusiku orwo agegerwe nasirwa mu rwire, ejire amara okuragira kubwo Mwoyo Mweru jintumwa jinu asorere.

Ebikorwa 1:2 ပူးပေါင်းရင်းမြစ်များ

Matayo 12:28

Nawe, araabha anye enisoosya‑ko amasambwa ku‑bhuturo bhwa Mwoyo wa Nyamuwanga, mbe, mumenye ati, obhukama bhwa Nyamuwanga bhwabhakingiiye.

Matayo 3:16

Omwanya gunu Yeesu ꞉aamarire okubhatiijibhwa, ˆnaariinya okusooka mu‑manji, awoawo orwire nirwiguka, ˆnaarora Mwoyo wa Nyamuwanga ˆneeka inguru yaaye rwa echiguuti.

Mariko 6:30

Omwanya gunu jitumwa ekumi na bhabhiri bharya ꞉bhaasubhire, ꞉bheekofyanyiisye ku‑Yeesu, nibhamubhwira emisango joone jinu ꞉bhaakorere, na okwiyigisya abhaanu.

Ruuka 24:51

Omwanya gunu aariga achaabhayaana amabhando, ˆnaabhaawuka‑ko, ˆnaagegwa okuja mu‑rwire.

Ruuka 9:51

Omwanya gwa Yeesu okusubha mu‑rwire gwariga guri yeeyi okukinga. Niwo ˆnaaramura okugenda mu‑musi gwa Yerusareemu.

Yowana 1:16

Okuruubhana na obhukuumiiye bhwa omuunu oyo, chiyaaywe obhwitiriranya obhundi ku‑bhundi.

Yowana 13:1

Mbe bhunu ichikukuru ya Okwambuka yaariga ichaari kukinga, Yeesu ꞉aasombookeeywe ati, omwanya gwaye gwa okusooka ku‑chaaro kunu okusubha kw‑Isemwene gwakinga. Yeesu aariga eendere abhaanu bhaaye bha ku‑chaaro kunu, ka wone ꞉aabheendere muno okukingira okufwa kwaye.

Yowana 13:18

“Nitakwayika ejo inguru yeemwe bhoone. Nimenyere bhanu nisorere okubha abheeyigisibhwa bhaani. Nawe ni bhusibhusi jikuumire jinu jikaamirwe mu‑Bhikaame Ebhyeru ati, ‘Omuunu unu aari naarya aamwi na anye, niwe aayinduka okubha omusoko waani.’

Yowana 13:3

Yeesu ꞉aamenyere ati Esemwene ꞉aamuyaaye obhuturo bhwa okutunga ebhiinu bhyone. Ka wone, aariga amenyere ati ꞉aasookere ku‑Nyamuwanga, na ati arisubha ku‑Nyamuwanga.

Yowana 16:28

꞉Neejire ku‑chaaro kunu okusooka ku‑Raata, nawe woori enisooka ku‑chaaro kunu, enisubha rindi ku‑Raata.”

Yowana 17:13

“Raata, woori eniija kw‑awe. Enaayika emisango jinu omwanya gunu nichaari‑wo ku‑chaaro kunu, korereki abheeyigisibhwa bhaani bhabhe na rikonderwa ryani ryone mu‑myoyo jeebhwe.

Yowana 20:17

Yeesu ˆnaamubhwira ati, “Nuusige okungwata‑ko. Nichaari okugenda mu‑rwire ku‑Raata. Mbe, genda ubhwire abhayiri bhaani, ati enigenda mu‑rwire ku‑Raata waani, unu ari Esomwana wone, ku‑Nyamuwanga waani unu ari Nyamuwanga weemwe wone.”

Yowana 20:21

Yeesu ˆnaabhakeesya rindi ati, “Omurembe gubhe aamwi na emwe. Rwa kutyo Raata ꞉aantumire, nyabhuriko anye wone enibhatuma.”

Yowana 3:34

kwa okubha Nyamuwanga ꞉aatumire Yeesu korereki aayike emisango jaaye. Nyamuwanga amuyaaye Mwoyo Mweru okurenga wuri.

Yowana 6:62

Woori, jiribha kutiki aribha mwandora anye Omwana wa Omuunu, nindiinya okugenda mu‑rwire anu naariga niri ku‑bhwambiro?

Yowana 6:70

Niwo Yeesu ˆnaabhabhwira ati, “꞉Naasorere emwe ekumi na bhabhiri okubha abheeyigisibhwa bhaani, nawe owumwi weemwe ni wa Syetaani.”

Ebikorwa 1:11

Nibhaayika ati, “Emwe abhaanu bha Gariraaya, ni kurwa ki mwimereeguuyu anu keenu omuroreerera ku‑rutumba? Yeesu unu aagegwa okusooka kw‑imwe okugenda mu‑rwire, arisubha rindi, rwa kutyo mwamurora ˆnaagenda.”

Ebikorwa 1:13

Bhejire bhaakinga mu‑musi gwa Yerusareemu, nibhagenda nibhariinya mu‑chisago cha mu‑bhutingo munu bhaariga bheekaaye kwa siku nooto. Jitumwa ejo nibho bhanu, Peetero, Yowana, Yakobho, Andereya, Firipo, Tomaasi, Bhatoromaayo, Mataayo, Yakobho omwana wa Arufwayo, Simooni unu aariga ari Omujeroote na Yuuda omwana wa Yakobho.

Ebikorwa 1:22

okusookerera omwanya gunu Yeesu ꞉aabhatiijiibhwe na Yowana okukingira orusuku runu ꞉aagegerwe okugenda mu‑rwire. Unu kaja okwawurwa, jiiyire asangire aamwi na eswe okubha omubhambaasi wa obhusuuruko bhwa Yeesu bhunu ꞉chaarorere.”

Ebikorwa 1:9

Yeesu ejire aamara okwayika ejo ku‑tumwa jaaye, ˆneengʼengibhwa okugenda mu‑rwire. Eriire nirimuswikira, ꞉bhataamurorere rindi.

Ebikorwa 10:38

Ka wone omumenya ati, Nyamuwanga ꞉aasorere Yeesu wa Najareeti kwa okumuyaana Mwoyo Mweru na obhuturo. Yeesu oyo aagendaga enu na erya, aakoraga ja ekisi na okuwosya bhoone bhanu bhaariga nibhanyaasibhwa na amanaga ga Syetaani, kwa okubha Nyamuwanga aariga ari aamwi nage.

Bagalatia 1:1

Inyarubha inu, niikaamire anye Pawuro. Anye ꞉nitaatumirwe na abhaanu amwi okuragirirwa na omuunu omurebhe, tari ꞉naatumirwe na Yeesu Kirisito omwene na Raata Nyamuwanga unu ꞉aasuuruuye Yeesu okusooka mu‑bhafuuwe.

Baefeso 2:20

Muri rwa inju inu yumbakirwe ku‑rufuka rwa jitumwa na abharagi. Kirisito Yeesu omwene, ari rwa ribhuyi rinene rya orufuka.

1 Timoteo 3:16

Echimari chinu Nyamuwanga asweruuye ni cha okuruguusya na nicho chinu, Kirisito ꞉eesweruuye mu‑mubhiri, ˆnaayikwa na Mwoyo Mweru ati ni murengeresi, ˆnaabhonekana ku‑bhamaraayika, ˆnaaraasibhwa mu‑maanga goone, ˆneekirisibhwa na abhaanu bha mu‑chaaro, ˆnaagegwa okuja inguru mw‑ikusyo.

Baeburania 9:24

Kirisito ꞉ateengiiye Ayeeru a Ayeeru anu oombakirwe na omuunu. Orubhaara orwo ni chijekekanyo cha orubhaara rwa echimari runu ruri mu‑rwire. Tari omwene ꞉eengiiye mu‑rwire orwene. Eyo niyo kaachisabhirwa woori imbere ya Nyamuwanga.

1 Petero 3:22

Omwene ꞉aagendere mu‑rwire na woori eenyanjire orubhaara rwa ebhuryo rwa Nyamuwanga. Kaatunga bhamaraayika, ebhibhumbwa bhyone ebhya obhuturo na ebhya amanaga.

2 Petero 3:2

Eneenda mwichuke emisango jinu ꞉bhaayikire kara abharagi abheeru na wone jinu ꞉aaragiriiye Raatabhugenyi na Omuchungusi okutura ku‑tumwa jaaye.

Obhusweruro 1:1

Bhunu nibhwo obhusweruro bhwa Yeesu Kirisito. Nyamuwanga ꞉aamusweruriiye, korereki eeresye abhakosi bhaaye emisango jinu ni bhusibhusi jikorekane bhwangu. Yeesu wone ˆnaaragirira maraayika waaye okunnyeeresya emisango ejo anye omukosi waaye Yowana.

Obhusweruro 2:11

Unu kaategeresya, noongwe emisango jinu Mwoyo Mweru kaabhwira amakanisa. Omuunu woonewoone unu ariyiga, atarikuunibhwa‑ko noorwo kutooto na orufu rwa kabhiri. Orufu orwo nirwo omuriro gwa akajaanende koone.

Obhusweruro 2:17

Unu kaategeresya, noongwe emisango jinu Mwoyo Mweru kaabhwira amakanisa. Omuunu woonewoone unu ariyiga, nirimuyaana ribhaara rya ebhiryo bhya emanu inu ibhisirwe. Nirimuyaana wone ribhuyi eryeru. Ribhuyi eryo rikaamirwe‑ko risiina riyaaya. Atari‑wo omuunu unu arimenya risiina eryo, tari unu ariyaanwa ribhuyi eryo.

Obhusweruro 2:29

Unu kaategeresya, noongwe emisango jinu Mwoyo Mweru kaabhwira amakanisa.”

Obhusweruro 2:7

Unu kaategeresya, noongwe emisango jinu Mwoyo Mweru kaabhwira amakanisa. Woonewoone unu ariyiga, nirimwikirisisya okurya amatwasyo ga riiti rinu erisoosya obhuwanga bhwa akajaanende koone. Riiti eryo riri mu‑rwire mw‑isambu rya Nyamuwanga.

Obhusweruro 21:14

Indugu eyo, yaariga yumbakirwe ku‑mabhuyi ekumi na gabhiri ga orufuka. Bhuri ribhuyi ryariga rikaamirwe‑ko risiina rya owumwi wa jitumwa ekumi na bhabhiri bha Omwana wa Inaama.

Obhusweruro 3:13

Unu kaategeresya, noongwe emisango jinu Mwoyo Mweru kaabhwira amakanisa.

Obhusweruro 3:16

Nawe kwa okubha muri na ribhirabhira, mutakubhira rugurugu noorwo mutanyiriiye jubhujubhu, enija okubhatanaka musooke mu‑kanwa kaani.

Obhusweruro 3:22

Unu kaategeresya, noongwe emisango jinu Mwoyo Mweru kaabhwira amakanisa.”