Ebikorwa 1:16 - Indagano Inyaaya mu-Chijita

¹⁶ “Abhayiri bhaasu mu‑riikirisya, emisango jinu ꞉jaakaamirwe mu‑Bhikaame Ebhyeru inguru ya Yuuda jaariga jiri bhusibhusi jikuumire. Ejo ꞉jaaragirwe na Mwoyo Mweru okutura mu‑kanwa aka omukama Dawudi inguru yaaye, unu ꞉aatangasiisye bhanu ꞉bhaagwatire Yeesu.

INDAGANO INYA:YA

¹⁶ Ba:na ba:su, kwari kwiire binu byandikirwe biku:misibwe, binu byaikirwe kara no Mwoyo Mweru mu kanwa ka Daudi, ku bya Yuda unu abee mutangasya wa banu bagwatire Yesu.

Ebikorwa 1:16 ပူးပေါင်းရင်းမြစ်များ

Matayo 26:14

Mbe Yuuda Isikariyooti, umwi ku‑bheeyigisibhwa ekumi na bhabhiri bha Yeesu, ˆnaagenda ku‑bhakuru bha abhagabhisi,

Matayo 26:47

Omwanya gunu Yeesu aariga achaaroma emisango ejo, ringira Yuuda, umwi ku‑bheeyigisibhwa bhaaye ekumi na bhabhiri, ˆnaaja aamwi na echise echinene cha abhaanu abha jimbanda na jindungu. Echise echo chaariga chitumirwe na abhakuru bha abhagabhisi na abhakuru bha Abhayawudi.

Matayo 26:54

Angu, araabha nikakora kutyo, mbe ejitura kutiki okukuumira jinu jikaamirwe mu‑Bhikaame Ebhyeru ati, nikwo kutyo ejikenwa jikorekane?”

Matayo 26:56

Nawe jinu joone jaakorekana, korereki jikuumire jinu abharagi ꞉bhaakaamire mu‑Bhikaame Ebhyeru.” Mbe, abheeyigisibhwa bhaaye bhoone nibheeruka, nibhasiga Yeesu omwene.

Mariko 12:36

Dawudi omwene omwanya gunu aatangasibhwaga na Mwoyo Mweru, ꞉aayikire ati, ‘Raatabhugenyi Nyamuwanga ꞉aabhwiriiye Raatabhugenyi waani ati, “Inyanja orubhaara rwani rwa ebhuryo, okukingira omwanya gunu enija okutuura abhasoko bhaawo emwaro ya amaguru gaawo.”’

Mariko 14:43

Omwanya gunu Yeesu aariga achaaroma emisango ejo, awoawo Yuuda, umwi ku‑bheeyigisibhwa bhaaye ekumi na bhabhiri, ˆnaakinga na abhaanu bhaafu abha jimbanda na jindungu. Abhaanu abho bhaariga bhatumirwe na abhakuru bha abhagabhisi, abheeyigisya bha ebhiraagiro bhya Muusa na abhakuru bha Abhayawudi.

Ruuka 22:47

Mbe, omwanya gunu Yeesu aariga achaayika emisango ejo, ringira, ˆneejirwa na abhaanu bhaafu. Abhaanu abho bhaatangasibhwaga na Yuuda owumwi ku‑bheeyigisibhwa ekumi na bhabhiri bha Yeesu. Yuuda ˆnaagenda, ˆnaabhuusu Yeesu.

Yowana 10:35

Jikaamirwe mu‑Bhikaame Ebhyeru ati, abhaanu bhanu ꞉bhaaramiiye emisango ja Nyamuwanga, abho Nyamuwanga ꞉aabhabhirikiiye ati ni bhanyamuwanga. Eswe chimenyere ati, jinu jikaamirwe mu‑Bhikaame Ebhyeru ni ja chimari.

Yowana 13:18

“Nitakwayika ejo inguru yeemwe bhoone. Nimenyere bhanu nisorere okubha abheeyigisibhwa bhaani. Nawe ni bhusibhusi jikuumire jinu jikaamirwe mu‑Bhikaame Ebhyeru ati, ‘Omuunu unu aari naarya aamwi na anye, niwe aayinduka okubha omusoko waani.’

Yowana 17:12

Omwanya gunu naariga niri aamwi nabho, naabharindaga ku‑bhuturo bhwa risiina ryawo rinu unaaye. ꞉Naabhaangariiye kisi korereki nisige okubhusya noorwo umwi ku‑bhanu, tari unu ꞉eenderwe okusingaarika, okukuumisya jinu jikaamirwe mu‑Bhikaame Ebhyeru.

Yowana 19:36

Ejo ꞉jaakorekeene korereki jikuumire jinu jikaamirwe mu‑Bhikaame Ebhyeru ati, “Ritari‑wo riiwa ryaye noorwo rimwi rinu riribhutuka.”

Ebikorwa 1:20

Mbe, Peetero ˆnaagenderera okwayika ati, “Emisango ejo ejimenyekana mu‑chitabho cha Ijabhuri ati, ‘Inju yaaye ribhe etongo, aasiga okubha‑wo omuunu unu arisigara omwo.’ “Ka wone, ikaamirwe ati, ‘Omurimu gwaye gwa okutangasya, ayaanwe omuunu owundi.’

Ebikorwa 13:15

Abhakuru bha inju eyo bhejire bhaamara okusoma mu‑bhiraagiro bhya Muusa na mu‑bhitabho bhya abharagi, nibharagirira omuunu ku‑Pawuro na Bharinaabha, ˆnaabhabhwira ati, “Abhayiri bhaasu, araabha muri na omusango gwa okuroma na abhaanu gwa okubhasimbiisya emyoyo, mugwayike.”

Ebikorwa 13:38

“Woori abhayiri bhaasu, eneenda muntegeresye kisi! Echibharaasisya ati, ku‑njira ya Yeesu Kirisito kuri‑wo okufwirwa echigongo ebhibhiibhi.

Ebikorwa 15:13

Omwanya gunu ꞉bhaamarire okwayika, Yakobho wone ˆnaayika ati, “Emwe abhayiri bhaasu, muntegeresye!

Ebikorwa 15:7

Bhunu bhaamarire omwanya omureera okwayikana nabho, Peetero ˆneemereeguru, ˆnaabhabhwira ati, “Emwe abhayiri bhaasu omumenya ati, siku nyafu jinu jiyitingʼeene Nyamuwanga ꞉aanyawuuwe agati yeemwe, korereki abhaanu bhanu bhatari Bhayawudi, bhabhwirwe Emisango ja Ekisi na okujiikirisya, okutura kw‑anye.

Ebikorwa 2:23

Ejire eeya Yeesu oyo, ˆnaatuurwa mu‑mabhoko geemwe, rwa kutyo Nyamuwanga ꞉aaramuuye okuruubhana na obhukarariiye bhwaye, okusookerera kara. Emwe nimumwita ku‑musarabha, okutura ku‑bhanyamanga.

Ebikorwa 2:37

Abhaanu abho bhejire bhoongwa emisango ejo, nibharumwa muno mu‑myoyo jeebhwe. Nibhabhuusya Peetero na jitumwa jeejaabho ati, “Abhayiri bhaasu, woori chikore kutiki?”

Ebikorwa 22:1

Pawuro ˆnaayika ati, “Emwe bharaata na abhayiri bhaani bhoone, enibhasabhwa muntegeresye kisi omwanya gunu eniibhagira imbere yeemwe!”

Ebikorwa 23:1

Pawuro ˆnaaringira nekeneke abhaanu bha mw‑ibharaja eryo, ˆnaabhabhwira ati, “Emwe abhayiri bhaasu, nikumisiisye emirimu jaani ku‑Nyamuwanga, omutima gwani ni mweru pee okukingira reero inu.”

Ebikorwa 23:6

Mbe, Pawuro ˆnaasombookerwa ati mu‑bhaanu abho bhaariga bhari‑mo Abhasadukaayo aamwi na Abhafarisaayo. ˆNaamura obhuraka bhwaye mw‑ibharaja, ˆnaayika ati, “Abhayiri bhaasu, anye niri Mufarisaayo, omwana wa Omufarisaayo. Enibhuurwa anu inguru ya obhwiyikanyo bhwani ati, Nyamuwanga arisuurura abhafuuwe.”

Ebikorwa 28:17

Ejire aamara awo siku esatu, ˆnaabhirikira abhakuru bha Abhayawudi bheenda‑wo. Bhejire bheekumanya, ˆnaabhabhwira ati, “Emwe abhayiri bhaani, ꞉naagwatirwe Yerusareemu, nintuurwa mu‑mabhoko ga Abharuumi, noorwo kutyo ꞉nitaakorere omusango gwonegwone omubhiibhi ku‑bhaanu bheeswe amwi okuyabhya obhusimukwa bhwa bhasaaja weeswe.

Ebikorwa 28:25

Kurwa ejo, Abhayawudi abho nibhaamba okusooka‑wo bhateekirisyanyisye wuri abheene kwa abheene. Bhunu bhaariga nibhasooka‑wo, Pawuro ꞉aabhabhwiriiye ati, “Mwoyo Mweru ꞉aayikire echimari ˆnaabhwiraga bhasaaja weeswe, ku‑njira ya omuragi Iisaya ati,

Ebikorwa 7:2

Tefwano ˆnaayika ati, “Bharaata na abhayiri bhaani, muntegeresye! Nyamuwanga owa rikusyo ꞉aasoromokeeye saaja weeswe Bhurayimu ari mu‑chaaro cha Mesopotaamiya. Omwanya gunu aariga achaari okwikara mu‑musi gwa Araani.

1 Petero 1:11

Mwoyo wa Kirisito unu aariga ari mu‑myoyo jeebhwe, ꞉aasoosiisye obhuragi ati Kirisito arinyaaka na akasooka mu‑nyaako ejo, aribhona rikusyo. Abharagi abho, ꞉bhaayenjeresiisye muno okumenya ati, emisango ejo, jirikorekana rusuku ri na jirimubhona kutiki.

2 Petero 1:21

Okubha gutari‑wo wuri omusango gwa obhuragi gunu gusookeene na okwenda kwa omuunu. Tari abhaanu ꞉bhaasoosiisye obhuragi okusooka ku‑Nyamuwanga nibhatangasibhwaga na Mwoyo Mweru.

2 Petero 2:21

Jikabheeye ja ekisi ku‑bheene araabha bhakabheeye bhatakumenya chimwi injira ya rirenga, okukira okuyimenya nibhamara nibhasiga echiraagiro echeeru chinu Nyamuwanga ꞉aabhayaaye.