Ebikorwa 1:15 - Indagano Inyaaya mu-Chijita

¹⁵ Ku‑mwanya ogwo, abheekirisya bha Yeesu nibheekofyanya, obhukumi bhwebhwe bhwariga wuti egana rimwi na makumi gabhiri (120) kutya. Niwo Peetero ˆneemereeguru agatigati yeebhwe, ˆnaabhabhwira ati,

INDAGANO INYA:YA

¹⁵ Mu siku ijo Petero ne:mereguru aagati ya ba:na ba:su—obukumi bwa masi:na ga banu be:kofyanyisye bariga uti bakingire egana na makumi gabiri—na:ika ati,

Ebikorwa 1:15 ပူးပေါင်းရင်းမြစ်များ

Matayo 13:31

Yeesu ˆnaabhabhwira rindi echijekekanyo echindi, ˆnaayika ati, “Obhukama bhwa mu‑rwire bhuri rwa akaro ka iyaradaari kanu omuunu ꞉aagegere na okukayamba mw‑isambu ryaye.

Ruuka 22:32

Nawe, naakusabhirwa ku‑Nyamuwanga, korereki eriikirisya ryawo ryasiga okugeruka‑ko. Omwanya gunu urinsubha‑ko, ukomeesye abheejaanyu.”

Yowana 14:12

Ni chimari enibhabhwira ati, omuunu woonewoone unu kaanyikirisya, arikora emirimu jinu anye enikora. Ka wone arikora minene okukira jinu enikora, kwa okubha enigenda ku‑Raata.

Yowana 21:23

Mbe, emisango ejo nijiswirana mu‑bheejaabho ati, omwiyigisibhwa oyo atakufwa. Nawe Yeesu ꞉ataabhwiriiye Peetero ati omwiyigisibhwa oyo atakufwa, tari ꞉aamubhwiriiye ati, “Araabha nikeenda ati arame okukingira omwanya gunu nirisubha, ogwo ogukusaasa ki?”

Ebikorwa 10:23

Ejire eeya Peetero ˆnaabhakuma mu‑nju, bhabhe abhagenyi bhaaye. Mwejo yende‑ko, Peetero na abhaanu bhasatu bharya nibhaamba orugendo rwebhwe, aamwi na abheekirisya abharebhe okusooka Yoopa.

Ebikorwa 11:1

Jitumwa ja Yeesu na abheekirisya abhandi Yuudeya erya, nibhoongwa ati, abhaanu bhanu bhatari Bhayawudi wone bheekirisya omusango gwa Nyamuwanga.

Ebikorwa 11:12

Mwoyo Mweru ˆnaambwira ati nigende aamwi nabho, nisige okwitimaata. Kurwa ejo ningenda nabho aamwi na abheekirisya abheejaasu bhanu, bhataanu na umwi. Nichiingira iika ewa Koroneeriyo.

Ebikorwa 11:26

Ejire aamubhona, ˆnaamureeta Atiyookiya awo. Bharinaabha na Saawuri nibheekara na abheekirisya bharya omuguuga gwone, nibheeyigisyaga abhaanu bhaafu muno. Atiyookiya awo, niwo abheeyigisibhwa bha Yeesu ꞉bhaambire okutogwa ati, Abhakirisito.

Ebikorwa 11:29

Okuruubhana na obhuragi obhwo, abheeyigisibhwa nibharamura ati, bhuri umwi weebhwe, ku‑bhuturo bhwaye, asoosye obhusakisi ku‑bheekirisya abheejaabho bhanu bhaariga bheekaaye Yuudeya.

Ebikorwa 12:17

Peetero ˆnaabhawungisya okubhoko bhajibhire, ˆnaabhatondera kutyo Raatabhugenyi Yeesu aamusoosya mw‑ibhoyero. Niwo ˆnaabhabhwira ati, “Emisango ejo, mubhwire Yakobho na abheekirisya abhandi.” Neeya Peetero ˆnaasooka awo, ˆnaagenda orubhaara orundi.

Ebikorwa 14:2

Nawe Abhayawudi abharebhe bhanu ꞉bhaaremere Yeesu, nibhaamba okukungirisya abhaanu abhandi bhanu bhatari Bhayawudi, korereki bhasoke abheekirisya abho.

Ebikorwa 15:1

Abhaanu abharebhe nibhasooka Yuudeya, nibhooromokera mu‑musi gwa Atiyookiya. Nibheeyigisya abheekirisya nibhaayikaga ati, “Araabha mukarema okutendwa okuruubhana na jitungwa jinu ꞉chaasigiiywe na Muusa, mutakutura okuchunguka.”

Ebikorwa 15:3

Abheekirisya abho nibhabharaga, ka wone nibhayaana Pawuro na abheejaabho abho ebhiinu bhyebhwe bhya bhusibhusi. Niwo bha Pawuro nibheemuka, nibhatura mu‑mikoowa ja Foyeenike na Samaariya, nibhabhwiraga abhaanu kutyo abhaanu bhanu bhatari Bhayawudi wone abheekirisya Yeesu. Omusango ogwo nigukondera muno abheekirisya abheejaabho bhoone bheende‑yo.

Ebikorwa 16:2

Timoteewo aariga ari omuunu wa jikuma ja ekisi agati ya abheekirisya abheejaabho bha Risitura na Yikoniya.

Ebikorwa 16:40

Pawuro na Siira, bhejire bhaasooka mw‑ibhoyero, nibhagenda iika ewa Riidiya. Awo ꞉bhaabhugeene na abheekirisya, nibhabhasimbiisya, niwo nibhasooka mu‑musi ogwo.

Ebikorwa 17:10

Omwanya gwa mu‑ngeta irya, abheekirisya nibhasira bhwangwe Pawuro na Siira mu‑musi gwa Bherooya. Bhejire bhaakinga eyo, nibheengira mu‑nju ya eriikofyanyo rya Abhayawudi.

Ebikorwa 17:14

Awo abheekirisya abheejaabho nibhagega Pawuro, nibhamusira ku‑njekekera ya inyanja. Nawe Siira na Timoteewo abheene nibhasigara Bherooya awo.

Ebikorwa 17:6

Bhejire bhaabhurwa, nibhagega Yasooni omwene aamwi na abheekirisya abharebhe. Nibhabhasira imbere ya abhakuru bha omusi, nibhamwayiraga inguru ati, “Abhaanu bhanu nibho bhaariga nibhakora injogere nyafu mu‑bhyaro bhyafu, nibho bhakingire mu‑musi gweswe anu.

Ebikorwa 18:18

Pawuro ejire aabha Koriito kwa omwanya, ˆnaaragana na abheekirisya abheejaabho, ˆnaagenda mu‑musi gwa Keekereya, ˆnaamwega jifwiri jaaye kwa okubha aariga ateeye‑wo echirayiro. Neeya Pawuro, Pirisiira na Akiira, nibhatura mu‑nyanja bhari mu‑ngarabha nibhagendaga mu‑mukoowa gwa Siiriya.

Ebikorwa 18:27

Apooro ejire aakena okugenda mu‑mukoowa gwa Akaaya, abheekirisya bha Yefeeso nibhamukomeesya, nibhamukaamira inyarubha ya okumumenyesya ku‑bheeyigisibhwa bha Yeesu bheende‑yo. Ejire aakinga eyo, ꞉aasakiiye muno abhaanu bhanu bhaariga bheekirisiisye Yeesu ku‑bhwitiriranya bhwa Nyamuwanga.

Ebikorwa 21:17

Chejire chaakinga Yerusareemu awo, abheekirisya abheejaasu bheenda‑wo nibhachikuma kwa risandabha.

Ebikorwa 21:20

Yakobho na abhakaruka bha rikanisa bhejire bhoongwa ejo, nibhakuuya Nyamuwanga. Niwo nibhabhwira Pawuro ati, “Omuyiri weeswe waarora ebhiwumbi na ebhiwumbi bhya Abhayawudi bhanu bheekirisiisye Yeesu na bhoone abharuubhirisya muno ebhiraagiro bhya Muusa.

Ebikorwa 21:7

Nichigenderera na orugendo rweswe, nichisooka Tiiro awo, nichikinga mu‑musi gwa Toremaayi. Nichikeesya abheekirisya abheejaasu awo, nichibha nabho rusuku rumwi.

Ebikorwa 22:5

Jinu enibhabhwira, noorwo omugabhisi omukuru aamwi na abhakuru bha Abhayawudi bhoone abhatura okujiikirisya ati ni ja echimari. Abheene nibho ꞉bhaanaaye jinyarubha ja okusirira Abhayawudi abhakuru bhanu bhaariga bhari Damaasiko. Niniimuka korereki nigende eyo, nibhoye abheekirisya bheende‑yo na nibhareete Yerusareemu anu, korereki bhabhumwe.

Ebikorwa 28:14

Awo nichibhugana na abheekirisya abharebhe, nibhachiirembeeresya chibhe nabho kwa omwanya gwa siku etaanu na ebhiri, nichiikirisya. Nikwo kutyo ꞉chaakingire mu‑musi gwa Ruumi.

1 Bakorinto 15:6

Ejire eeya, ˆnaasoromokera abheekirisya bhanu ꞉bhaambukire magana gataanu (500) ku‑bhumwi bhwebhwe. Abhaafu mu‑bheene noorwo woori bhachaari bhaanga, tari abhandi bhamaamire nyombe.

Obhusweruro 11:13

Omwanya ogwoogwo, rinyamutikima rinene rya echaaro niritura, ribhaara rimwi kw‑ikumi rya omusi nirigwa. Rinyamutikima eryo nirireterera abhaanu bhiwumbi bhitaanu na bhibhiri (7,000) okufwa. Abhaanu bhanu ꞉bhaawonere, nibhoobhaya, nibhakuuya Nyamuwanga wa mu‑rwire.

Obhusweruro 3:4

Nawe mw‑ikanisa rya Sariidi eyo, agati yeemwe bhari‑wo bhatooto bhanu bhachaari okukootya emyenda jeebhwe kwa okukora ebhibhiibhi. Mbe, bharibha aamwi na anye na bharifwafibhwa emyenda emyeru, kwa okubha bheeyire bhafware kutyo.