Ebikorwa 1:14 - Indagano Inyaaya mu-Chijita

¹⁴ Abho bhoone bhaariga nibheekomeesya okwikofyanya aamwi okusabhwa Nyamuwanga. Aamwi na abho, bhaariga bhari‑wo abhagasi abhandi na Maryamu nyiramwene Yeesu na abhamura bhaabho Yeesu.

INDAGANO INYA:YA

¹⁴ Abo bo:ne bariga be:kome:sisye na mwoyo gumwi mu kusabwa, aamwi na bagasi na Maryamu nyiramwene Yesu na bamura babo Yesu.

Ebikorwa 1:14 ပူးပေါင်းရင်းမြစ်များ

Matayo 12:46

Omwanya gunu Yeesu aariga achaayika na echise cha abhaanu abho, abhamura bhaabho Yeesu nibhaaja aamwi na nyiramwene, nibheemereeguru anja, nibhakenaga okusimura nage.

Matayo 21:22

Araabha muri na eriikirisya, choonechoone chinu omusabhwa ku‑Nyamuwanga, muriramira.”

Matayo 27:55

Awo bhaariga bhari‑wo na abhagasi bhaafu bhanu bhaariga nibharuubha Yeesu okusooka mu‑mukoowa gwa Gariraaya na okumufurubhendera. Abhagasi abho ꞉bheemereeguuyu kura‑wo nibharingiraga joone jinu jaariga nijikorekana.

Mariko 15:40

Bhaariga bhari‑wo abhagasi bhanu bhaariga nibharingira bhari kura‑wo. Mu‑bhagasi abho aariga ari‑mo Maryamu okusooka mu‑musi gwa Magidara, Saroome na Maryamu nyiramwene Yakobho omutooto na Yoose.

Mariko 16:1

Isabhaato yejire yaatura, Maryamu okusooka mu‑musi gwa Magidara, Saroome na Maryamu nyiramwene Yakobho omutooto, nibhagura amafuta ganu agarangirira kisi, bhagende bhabhambage omubhiri gwa Yeesu.

Ruuka 11:13

Woori, emwe bhanu muri abhajabhi, mumenyere okuyaana abhaana bheemwe ebhiinu bhya ekisi. Mbe, Esomwana unu ari mu‑rwire kaja okukira muno mu‑kukora ja ekisi, na kaja okuyaana Mwoyo Mweru bhanu abhamusabhwa.”

Ruuka 18:1

Mbe, Yeesu ˆnaabhwira abheeyigisibhwa bhaaye echijekekanyo, korereki okubheeresya ati, bheenderwe bhagenderere okusabhwa Nyamuwanga okufwa omutima wuri.

Ruuka 23:49

Nawe abhaanu bhoone bhanu bhaariga bhamenyeene na Yeesu ꞉bheemereeguuyu kura, nibharingiraga joone jinu jaariga nijikorekana. Mu‑bheene omwo bhaariga bhari‑mo abhagasi bhanu bhaamuruubhaga okusooka mu‑mukoowa gwa Gariraaya.

Ruuka 23:55

Mbe, abhagasi bhanu ꞉bheejire aamwi na Yeesu okusooka Gariraaya, nibharuubha Jejefu okuja ku‑fwa, nibharora kutyo omubhiri gwa Yeesu ꞉gwamaamiibhwe mu‑fwa omwo.

Ruuka 24:10

Abhagasi bhanu ꞉bhaabhwiriiye jitumwa ja Yeesu emisango ejo, ni Maryamu okusooka mu‑musi gwa Magidara, Yoana na Maryamu nyiramwene Yakobho, aamwi na abhagasi bhanu bhaariga bhari aamwi nabho.

Ruuka 24:33

Omwanya ogwoogwo, nibheemuka nibhasubha Yerusareemu. Bhejire bhaakinga, nibhasongʼana jitumwa ja Yeesu ekumi na umwi, na abharuubhirisya abhandi bheekumanyiisye aamwi.

Ruuka 24:53

Mbe, nibhabha mw‑Iyekaru rya Nyamuwanga nibhamukusyaga bhuri rusuku.

Ruuka 8:20

Abhaanu abhandi nibhabhwira Yeesu ati, “Nyokomwana na abhamura bhaanyu, bheemereeguuyu anja, abhakena okubhugana nawe.”

Ebikorwa 2:1

Orusuku rwa Pendekoosite rwejire rwakinga, abhaanu bhoone bhanu ꞉bheekirisiisye Yeesu bhaariga bheekofyanyiisye mu‑nju imwi.

Ebikorwa 2:42

Abheekirisya bhoone nibheekomeesya okwiyigira ameeyigisyo ga jitumwa ja Yeesu, okusangira aamwi, okurya ebhiryo aamwi na okusabhwa Nyamuwanga aamwi.

Ebikorwa 2:46

Bhuri rusuku, bhaabhuganaga aamwi mu‑rubhuga rwa Riyekaru. Nawe ku‑mwanya gwa okubhega omukaate, bhaabhuganaga mu‑nju jeebhwe na okurya aamwi kw‑ikonderwa na omutima mweru,

Ebikorwa 6:4

korereki eswe chibhone omwanya gwa okusabhwa Nyamuwanga na okwiyigisya abhaanu omusango gwaye.”

Barumi 12:12

Mukondererwega nimurindirira okubhona jinu Nyamuwanga ꞉aabharagire. Mwigumiirisyega mu‑myanya ja jinyaako, na mugendererega okusabhwa Nyamuwanga.

1 Bakorinto 14:13

Kurwa ejo, omuunu unu kaayika inyaayika ingenyi, asabhwe Nyamuwanga korereki amuyaane obhuturo bhwa okugajura inyaayika eyo.

Baefeso 6:18

Musabhwe Nyamuwanga omwanya gwone nimutangasibhwaga na Mwoyo Mweru. Mumusabhwe na okumwirembeeresya bhunyatayigwa ku‑bhuri musango. Ka wone, mugenderere okusabhirwa abheeru bha Nyamuwanga bhoone.

Bakolosai 4:2

Musabhwega bhuri rusuku, mutengeejega mw‑isabhwa na okusiima Nyamuwanga.