Ebikorwa 1:11 - Indagano Inyaaya mu-Chijita

¹¹ Nibhaayika ati, “Emwe abhaanu bha Gariraaya, ni kurwa ki mwimereeguuyu anu keenu omuroreerera ku‑rutumba? Yeesu unu aagegwa okusooka kw‑imwe okugenda mu‑rwire, arisubha rindi, rwa kutyo mwamurora ˆnaagenda.”

INDAGANO INYA:YA

¹¹ Niba:ika ati, Emwe bamura ba Galilaya, ?niki cinu ecikora mwimereguyu nimuraramira mu rwire? Yesu uyo agegwa kwimwe okusirwa mu rwire, nikwo kutyo arisuba oku:ja rwa kutyo mugwemurora nagenda mu rwire.

Ebikorwa 1:11 ပူးပေါင်းရင်းမြစ်များ

Matayo 16:27

Okubha anye Omwana wa Omuunu, niriija aamwi na bhamaraayika bhaani mw‑ikusyo rya Raata waani. Niwo niririya bhuri muunu okuruubhana na ebhikorwa bhyaye.

Matayo 16:28

Ni chimari enibhabhwira ati, bhari‑wo abhaanu abharebhe mw‑imwe anu, bhanu bhatarifwa bhachaari okundora anye Omwana wa Omuunu, niniija mu‑bhukama bhwani.”

Matayo 24:30

“Ku‑mwanya ogwo, echibharikisyo cha Omwana wa Omuunu chiribhonekana ku‑rutumba, na abhaanu bha amaanga goone bharyamba okurira kwa okuyaya. Runu niriija, abhaanu bhoone bharindora niri mu‑meere niri na amanaga na rikusyo rikuru.

Matayo 25:31

Yeesu ˆnaagenderera okwayika na abheeyigisibhwa bhaaye, ˆnaabhabhwira ati, “Omwanya gunu anye Omwana wa Omuunu niriija mw‑ikusyo ryani, aamwi na bhamaraayika abheeru bhoone, niwo niriinyanja rwa omukama ku‑chitebhe chaani cha rikusyo.

Mariko 13:26

“Niwo abhaanu bhoone bharindora anye Omwana wa Omuunu niniija niri mu‑meere na amanaga maafu na rikusyo.

Mariko 14:70

Nawe, Peetero ˆneegaana rindi. Katungu katooto okutura, abhaanu bhanu bhaariga bheemereeguuyu arya wone nibhabhwira Peetero ati, “Chimari noorwo awe uri aamwi nabho, kwa okubha awe wone uri Mugariraaya.”

Mariko 16:19

Raatabhugenyi Yeesu ejire aamara okwayika nabho, Nyamuwanga ˆnaamugega ˆnaamwingʼengya mu‑rwire. ˆNeenyanja orubhaara rwa ebhuryo ku‑Nyamuwanga.

Ruuka 21:27

“Awo niwo murindora anye Omwana wa Omuunu, niniija mu‑riire, niri na amanaga na rikusyo ryafu.

Ruuka 24:5

Nibheeya, abhagasi abho nibhagwatwa na echibhabhuko, nibheenama ebhisuusu bhyebhwe nibhikuunʼya aasi. Niwo, bhamaraayika abho nibhabhwira abhagasi abho ati, “Kurwa ki omuyenja omuwanga mu‑bhafuuwe?

Yowana 14:3

Omwanya gunu nirimara okubheerabhira obhwikaro, niriija rindi okubhagega korereki anu niribha, emwe wone niwo muribha aamwi na anye.

Ebikorwa 1:2

okukingira orusuku runu ꞉aagegerwe okugenda mu‑rwire. Achaari okugegwa, ꞉aasoosiisye amaragiriro okutura ku‑Mwoyo Mweru, ku‑tumwa jaaye jinu ꞉aawuuwe, inguru ya emirimu jinu abhaja okukora.

Ebikorwa 1:22

okusookerera omwanya gunu Yeesu ꞉aabhatiijiibhwe na Yowana okukingira orusuku runu ꞉aagegerwe okugenda mu‑rwire. Unu kaja okwawurwa, jiiyire asangire aamwi na eswe okubha omubhambaasi wa obhusuuruko bhwa Yeesu bhunu ꞉chaarorere.”

Ebikorwa 1:9

Yeesu ejire aamara okwayika ejo ku‑tumwa jaaye, ˆneengʼengibhwa okugenda mu‑rwire. Eriire nirimuswikira, ꞉bhataamurorere rindi.

Ebikorwa 13:31

Na ku‑siku nyafu, Yeesu ˆneebhuurisya ku‑bhaanu bhanu bhaariga nibharibhata aamwi nage okusooka Gariraaya, na okuja Yerusareemu. Woori, abho nibho abhabhambaasi bhaaye ku‑bhaanu.

Ebikorwa 2:7

Nibharuguura na okujujuuma nibhaayikaga ati, “Angu bhanu bhoone abhaayika kutya, bhatari Bhagariraaya?

Ebikorwa 3:12

Peetero ejire aarora abhaanu abho bheekofyanyiisye, ˆnaabhabhwira ati, “Emwe Abhayisirayeeri bheejaasu, mutegeresye, ni kurwa ki emisango ejo ejibharuguusya? Mbawo omuchiringira muno wuti omuunu unu aawosibhwa kwa obhuturo bhweswe, amwi kwa okubha eswe chiikaaye obhurame bhunu Nyamuwanga keenda?

Ebikorwa 3:21

Ni bhusibhusi Yeesu asigare mu‑rwire okukingira omwanya gunu Nyamuwanga arikora ebhiinu bhyone okubha bhiyaaya ku‑chaaro, rwa kutyo ꞉aayikire okusookerera kara okutura ku‑bharagi bhaaye abheeru.

1 Batesalonika 1:10

Wone abhatonda kutyo omurindirira Omwana waaye, asubhe rindi okusooka mu‑rwire. Oyo niwe Nyamuwanga ꞉aasuuruuye okusooka mu‑bhafuuwe. Niwe Yeesu unu kaachichungura okusooka mu‑ndamu ya Nyamuwanga inu eyiija.

1 Batesalonika 4:16

Okubha Raatabhugenyi omwene ariika okusooka mu‑rwire. Aryamura obhuraka kwa amanaga, maraayika omukuru wone aryamura obhuraka na okubhirikira, na rinyawegoona rya Nyamuwanga riririra. Niwo, abhaanu bhanu ꞉bhaamaamire nyombe bheekirisiisye Kirisito, bharitangata okusuuruka.

Baeburania 9:28

Nyabhuriko Kirisito ꞉aasoosiibhwe okubha echoogo rumwi era, korereki asoosye‑wo ebhibhiibhi bhya abhaanu bhaafu. Kirisito ariija rwa kabhiri, nawe omwanya ogwo atariija okusoosya‑wo ebhibhiibhi. Tari ariija okuchungura abhaanu bhanu abhamurindirira mu‑bhwikomeesya.

Obhusweruro 1:7

Muringire! Ariija ari ku‑meere! Abhaanu bhoone bharimurora, noorwo bhanu ꞉bhaamusomere, wone bharimurora. Jingʼanda joone mu‑chaaro jiririra inguru yaaye. Chimari nikwo kutyo jiribha. Jibhe kutyo.