Barumi 8:3 - Indagano Inyaaya mu-Chijita

³ Ebhiraagiro bhya Muusa bhyariga bhitari na amanaga ga okuchiyaana obhwitaage, ku‑songa ya obhusimukwa bhweswe bhwa echibhiibhi. Nawe chinu ebhiraagiro ebhyo ꞉bhyataamiibhwe okukora, Nyamuwanga ꞉aachikorere. ꞉Aatumire Omwana waaye omwene, aaje kw‑iswe ku‑chaaro anu ari na omubhiri rwa eswe abha ebhibhiibhi, korereki eesoosye rwa echoogo inguru ya ebhibhiibhi bhyeswe. Kwa okukora kutyo, Nyamuwanga ꞉aayaaye Yeesu ebhitiibha inguru ya ebhibhiibhi bhya abhaanu,

INDAGANO INYA:YA

³ Okuba Nyamuanga akorere binu ebiragiro bitaturire okuba ni birenga kurwo mubiri, natuma Omwana wae kurwe bibi:bi na:ja mu rususo rwo mubiri gwe bibi:bi, naramura ebibi:bi mu mubiri.

Barumi 8:3 ပူးပေါင်းရင်းမြစ်များ

Mariko 15:27

꞉Bhaamubhumiiriiye na abhasaakusi bhabhiri ku‑misarabha, owumwi orubhaara rwa ebhuryo rwa omusarabha gwa Yeesu, na owundi orubhaara rwa ebhumoosi. [

Yowana 1:14

Mbe, Musango oyo ˆnaabha omuunu, ˆneekara agati yeeswe. Eswe bhoone nichirora rikusyo ryaye, rikusyo rya Omwana eenyere wa Raata Nyamuwanga, eejuuywe obhwitiriranya bhwafu na echimari choone.

Yowana 9:24

Mbe, abhatangasya bha Abhayawudi nibhabhirikira rindi omuunu unu aariga eebhuuywe ari muwofu, nibhamubhwira ati, “Nuurayire ku‑Nyamuwanga ati, owaayika echimari! Eswe chimenyere ati, omuunu unu ꞉aakuwosiisye, ni mukosi wa ebhibhiibhi.”

Ebikorwa 13:39

Okutura ku‑mwene era, bhuri muunu unu kaamwikirisya, kaabharirwa ati ni murengeresi imbere ya Nyamuwanga, omusango gunu gutakuturikana kw‑imwe kwa okuruubha ebhiraagiro bhya Muusa.

Barumi 3:20

Emisango ejo jiri kutyo, kwa okubha atari‑wo omuunu woonewoone unu aribharwa okubha omurengeresi imbere ya Nyamuwanga kwa okuruubha ebhiraagiro bhya Muusa. Emirimu ja ebhiraagiro ebhyo, ni kumenyesya abhaanu bhoone inguru ya ebhibhiibhi bhyebhwe.

Barumi 6:6

Echimenya ati bhumuunu bhweswe bhwa kara ꞉bhwafuuwe aamwi na Kirisito ku‑musarabha, korereki amanaga ga echibhiibhi mu‑myoyo jeeswe gaasiga okuchitunga rindi, na okuchikora chibhe abhagaya bha echibhiibhi.

Barumi 7:18

Nimenyere ati, mu‑mwoyo gwani, ku‑bhusimukwa bhwani bhwa echibhiibhi, chitari‑mo echiinu choonechoone cha ekisi. Eneenda okukora gwa ekisi, nawe nitari na obhuturo bhwa okugukora.

Barumi 8:32

Nyamuwanga ꞉ataafwiriiye echigongo Omwana waaye omwene, tari ꞉aamusoosiisye korereki afwe inguru yeeswe bhoone. Kurwa ejo, araabha ꞉aasoosiisye Omwana waaye inguru yeeswe, chimari arichiyaana amabhando goone okutura ku‑mwene!

Barumi 9:3

ku‑songa ya abhaanu bha riyanga ryani. Araabha jikaturikeene, anye omwene nikeekirisiisye okwiyiimwa na okukindikwa na Kirisito, araabha okukora kutyo kukabheeye nikusakira abhayiri bhaani abho bheekirisye Kirisito.

2 Bakorinto 5:21

Kirisito aariga atari na echibhiibhi choonechoone, nawe Nyamuwanga ꞉aamubharire rwa owa ebhibhiibhi inguru yeeswe, korereki eswe chibharwe okubha abharengeresi imbere ya Nyamuwanga okutura ku‑Kirisito.

Bagalatia 3:13

Kirisito ꞉aacheeruuye okusooka mu‑chiyiimo cha ebhiraagiro kwa okugega echiyiimo echo, inguru yeeswe. Ebhikaame Ebhyeru ebhyayika ati, “Woonewoone unu abhambirwe ku‑musarabha, eeyiimirwe.”

Bagalatia 3:21

Woori angu, jitari ati ebhiraagiro ebhiyaajana na emirago jinu Nyamuwanga ꞉aaragire? Wuri, noorwo na akatyari! Araabha bhwakabheye‑wo obhuturo bhwa ebhiraagiro okuyaana abhaanu obhuwanga, mbe chaakaturire okubharwa ati chiri bharengeresi imbere ya Nyamuwanga kwa okuruubha ebhiraagiro.

Bafilipi 2:7

Kurwa ejo, ˆnaagusiga ogwo, ˆneekeeya, ˆneengana na omugaya, ˆneebhurwa rwa abhaanu abhandi, ˆnaabha omuunu.

Baeburania 10:12

Nawe Kirisito ꞉eesoosiisye rumwi okubha echoogo, korereki achisoosye‑ko ebhibhiibhi bhyeswe. Omwene niwe echoogo chinu chiiyire kajaanende koone. Niwo ˆneenyanja orubhaara rwa ebhuryo rwa Nyamuwanga.

Baeburania 10:14

Mbe, kwa okubha Kirisito ꞉eesoosiisye okubha echoogo rumwi era, ꞉aakuumisiisye bhanu bhakorerwe okubha abhaanu bhaaye akajaanende koone.

Baeburania 2:14

Mbe, kwa okubha abhaana bhari na emibhiri na isagama, Yeesu wone ꞉eejire ari na omubhiri na isagama rwa abheene. ꞉Aakorere kutyo, korereki ku‑njira ya orufu rwaye, ayige amanaga ga Syetaani, unu ari na obhuturo bhwa orufu.

Baeburania 2:17

Ku‑songa eyo, ꞉aakenerwe aaje ari rwa kutyo abhayiri bhaaye bhari mu‑joone, korereki abhe Omugabhisi Omukuru unu ari owa echigongo na omwiyikanyibhwa ku‑mirimu jaaye imbere ya Nyamuwanga. Omugabhisi oyo niwe ꞉aakorere echoogo korereki Nyamuwanga afwire echigongo abhaanu ebhibhiibhi bhyebhwe.

Baeburania 4:15

Omugabhisi Omukuru oyo niwe kaamenya obhujorobhoke bhweswe, kwa okubha ꞉aaregeejerwe na Syetaani ku‑misango joone rwa eswe, nawe omwene ꞉ataakorere ebhibhiibhi.

1 Petero 2:24

Yeesu omwene ꞉aagegere ebhibhiibhi bhyeswe ku‑mubhiri gwaye, ˆnaabhambwa ku‑musarabha. ꞉Aakorere kutyo, korereki chisige okutungwa rindi na ebhibhiibhi, tari chiikare nichikondisya Nyamuwanga. Mu‑kuwutaasibhwa kwa Yeesu, emwe ꞉mwawosiibhwe.