Barumi 5:3 - Indagano Inyaaya mu-Chijita

³ Noorwo ebhinyaasyo bhyonebhyone bhikabha nibhichiija‑ko, eswe chirigenderera okukonderwa, kwa okubha echimenya ati ebhinyaasyo ebhichireetera obhwigumiirisya.

INDAGANO INYA:YA

³ Amwi citakukonderwa kurwebyo era, nawe cikonderwega mu nyako one, okuba cimenyere ati, okunyaka okurema okwigumirisya,

Barumi 5:3 ပူးပေါင်းရင်းမြစ်များ

Ruuka 21:19

Obhurame bhwemwe bhurichungurwa, mu‑kwigumiirisya kwemwe.

Ebikorwa 5:41

Niwo jitumwa nibhasooka mw‑ibharaja rikuru rirya bhakondeeywe, kwa okubha ꞉bhaabharire ati bhaariga bheeyire okugaywa inguru ya risiina rya Yeesu.

Barumi 5:11

Mbe, okukira ejo joone, Nyamuwanga achikorere chikonderwe muno okutura ku‑Raatabhugenyi weeswe Yeesu Kirisito, kwa okubha omwene niwe achigwatanyiisye na Nyamuwanga.

Barumi 8:23

Ka wone, jitari ati ni bhibhumbwa ebhyo era bhinu ebhirira kwa obhusungu, tari noorwo eswe bhanu chiyaaywe Mwoyo Mweru, chirabhe bhwa ekisi ku‑jinu arichiyaana, noorwo eswe echirira kwa obhusungu mu‑myoyo jeeswe. Echirira kwa obhusungu, kwa okubha echirindirira muno omwanya gunu Nyamuwanga arichikuumisya okubha abhaana bhaaye. Awo niwo aricheerura okusooka mu‑bhugaya bhweswe bhwa obhunyamuke kwa okuchiyaana emibhiri emiyaaya.

Barumi 9:10

Ka wone gutari ogwo era, tari Rebheka wone ꞉eebhuriiye saaja weeswe Isaaka abhaana amarongo.

2 Bakorinto 4:17

Enaayika kutyo, kwa okubha ebhinyaasyo bhyeswe ni bhyangu na ni bhya kasinjeeke era. Ka wone, ebhichireetera rikusyo rya akajaanende koone. Rikusyo eryo ni ryafu muno, okukira ebhinyaasyo bhyone.

2 Bakorinto 8:19

Okukira‑wo ogwo, amakanisa gaasora omuyiri oyo mu‑riikirisya korereki aruubhane na eswe omwanya gunu echisira obhusoroosya ku‑bheekirisya bha Yerusareemu. Emirimu ja obhwitiriranya ejo ejikora Raatabhugenyi akusibhwe, ka wone ejeeresya kutyo chiri na omwoyo gwa okusakira abhandi.

Baefeso 3:13

Kutyo, enibhasabhwa mwasiga okufwa omutima ku‑nyaako jinu ejimbona. Eninyaaka kutya inguru yeemwe, korereki emwe mubhone rikusyo.

Bafilipi 1:29

Okubha mutayaaywe echibharo cha okwikirisya Kirisito era, tari muyaaywe wone echibharo cha okunyaasibhwa ku‑songa yaaye.

Yakobo 1:12

Ari na ribhando omuunu unu keegumiirisya omwanya gunu kaaregeejibhwa, kwa okubha omwanya gunu ariyiga amaregeejo ago, Nyamuwanga arimuyaana orutengya rwa obhuwanga bhwa akajaanende runu ꞉aaragire okuyaana bhoone bhanu abhamwenda.

1 Petero 3:14

Nyamuwanga aribhayaana amabhando araabha omunyaaka kwa okubha omukora ja obhurengeresi. Kurwa ejo, musige okuyaya noorwo musige okuubhaya bhanu abhabhanyaasya, tari mukusye Raatabhugenyi Yeesu Kirisito mu‑myoyo jeemwe.