Barumi 5:2 - Indagano Inyaaya mu-Chijita

² Ku‑njira ya okwikirisya Yeesu, Nyamuwanga achiyaaye obhwitiriranya bhwaye. Noorwo woori echigenderera okuramira obhwitiriranya obhwo. Echikonderwa muno, kwa okubha echiiyikanya ati chirisangira aamwi na Nyamuwanga mw‑ikusyo ryaye.

INDAGANO INYA:YA

² Ku Mwene ciri na injira, kurwo kwikirisya, eyo kukinga mu cigongo cinu cirmereguyumo, nicikonderwaga okuba ecirindirira rikusyo rya Nyamuanga.

Barumi 5:2 ပူးပေါင်းရင်းမြစ်များ

Matayo 25:21

“Mwami waaye ˆnaamubhwira ati, ‘Ukorere kisi muno. Awe uri mugaya wa ekisi na omwiyikanyibhwa! Wamaabha omwiyikanyibhwa ku‑bhitooto bhinu ꞉naakuyaaye, kurwa ejo enija okukukora okubha omwangarisi wa obhuniibhi bhwafu. Nuuwuuje chikonderwe aamwi.’

Yowana 10:7

Mbe, Yeesu ˆnaabhabhwira rindi ati, “Ni chimari enibhabhwira ati, anye naanye rirango rinu jinaama ejitura‑mo okwingirira mw‑igutu.

Yowana 10:9

Anye naanye rirango eryo. Woonewoone unu keengira mw‑igutu okutura kw‑anye arichungurwa, ka wone aribha na obhwitaage bhwa okuwuruka na okwingira, na okugenda okureebha mu‑bhureebho bhwa ekisi.

Yowana 14:6

Yeesu ˆnaamusubhya ati, “Anye naanye injira, echimari, na obhuwanga. Atari‑wo omuunu woonewoone unu kaatura okuuja ku‑Raata araabha ataturire kw‑anye.

Yowana 5:24

“Ni chimari enibhabhwira ati, omuunu woonewoone unu kaategeresya emisango jaani na okwikirisya Nyamuwanga unu ꞉aantumire, oyo ari na obhuwanga bhwa akajaanende koone. Omuunu oyo atariramurwa, tari aambukire okusooka mu‑kufwa na okwingira mu‑bhuwanga bhwa kajaanende koone.

Ebikorwa 14:27

Atiyookiya awo nibhakofya abheekirisya. Nibhabhatondera joone jinu Nyamuwanga ꞉aakorere okutura ku‑bheene na kutyo ꞉eeguuye orwigi ku‑bhaanu bhanu bhatari Bhayawudi okwikirisya Yeesu.

Barumi 11:20

Omusango ogwo ni gwa echimari. Amatabhi ago ꞉gaatemerwe kwa okubha ꞉gateekirisiisye, tari awe urumateene kwa okubha owikirisya. Kurwa ejo, waasiga okwikuuya, tari uubhaye Nyamuwanga.

Barumi 12:12

Mukondererwega nimurindirira okubhona jinu Nyamuwanga ꞉aabharagire. Mwigumiirisyega mu‑myanya ja jinyaako, na mugendererega okusabhwa Nyamuwanga.

Barumi 14:4

Awe utari na obhuturo bhwonebhwone bhwa okuramura omukosi wa omuunu owundi. Omwami waaye niwe kaamenya araabha omukosi waaye akayire amwi atakayire. Mbe omukosi waaye arikora rwa kutyo jeenderwe, kwa okubha Raatabhugenyi Yeesu ari na obhuturo bhwa okumwimereegusyu abhega ˆnaakora kutyo.

Barumi 15:13

Nyamuwanga niwe echiiyikanya ati arikora joone jinu ꞉aachiragire. Kurwa ejo, enibhasabhirwa ati, abhayaane rikonderwa ryone na omurembe omwanya gunu omugenderera okumwikirisya. Awo niwo muribha na obhwiyikanyo obhunene, muribha nabhwo ku‑managa ga Mwoyo Mweru.

Barumi 2:7

Nyamuwanga ariyaana obhuwanga bhwa akajaanende koone abhaanu bhanu abheegumiirisya mu‑kukora ja ekisi okuyigwa wuri, inguru ya okuyenja rikusyo na echibharo na obhuwanga bhunu bhutakunyamuka okusooka ku‑mwene.

Barumi 3:23

kwa okubha abhaanu bhoone bhakorere ebhibhiibhi na abhagerukirwa rikusyo rya Nyamuwanga.

Barumi 5:5

Obhwiyikanyo obhwo, bhutakutura okuchiswasya, kwa okubha Nyamuwanga eeturuuye eryenda ryaye ryafu mu‑myoyo jeeswe, okutura Mwoyo waaye Mweru unu achiyaaye.

Barumi 8:1

Mbe woori, Nyamuwanga atariyaana ebhitiibha abhaanu bhanu bhari na obhumwi na Kirisito Yeesu.

Barumi 8:24

Obhwiyikanyo obhwo chiri nabhwo okwambira bhunu Nyamuwanga ꞉aachichunguuye. Nawe araabha echiiyikanya echiinu chinu echitura okurora, obhwo bhutari bhwiyikanyo. Angu, niga unu keeyikanya okuyaanwa echiinu chinu ari nacho?

1 Bakorinto 15:1

Woori, abhayiri bhaani mu‑riikirisya, enibheechukya Emisango ja Ekisi jinu ꞉naaraasiisye kw‑imwe, na emwe nimujiramira. Ejo nijo ejibhareterera okwimereeguru murumateene.

2 Bakorinto 3:18

Mbe, eswe bhoone bhanu chitakuswikira obhusu kwa echitambaara, echeeresya rikusyo rya Raatabhugenyi rwa kutyo rirore eryeresya orususo. Echiyindurwa, korereki chisusane nage, okusooka mw‑ikusyo okuja mw‑ikusyo ryafu muno. Rikusyo eryo erisooka ku‑Raatabhugenyi, omwene oyo niwe Mwoyo.

2 Bakorinto 4:17

Enaayika kutyo, kwa okubha ebhinyaasyo bhyeswe ni bhyangu na ni bhya kasinjeeke era. Ka wone, ebhichireetera rikusyo rya akajaanende koone. Rikusyo eryo ni ryafu muno, okukira ebhinyaasyo bhyone.

Baefeso 2:18

Okubha omwene oyo, achiyaaye eswe bhoone, Mwoyo Mweru korereki chifogere ku‑Raata Nyamuwanga.

Baefeso 3:12

Mbe, mu‑kubha na obhumwi na Kirisito na ku‑njira ya eriikirisya ryeswe ku‑mwene, chiri na obhuturo, obhwitaage na ribhaasi rya okufogerera Nyamuwanga.

Baefeso 6:13

Kurwa ejo, mugege ebhigwato bhyone bhya Nyamuwanga, korereki mukomeere tiritiri ku‑rusuku orwa ebhibhiibhi. Aribhaga mwakuumisya ejo joone nimwimereeguru.

2 Batesalonika 2:16

Raata weeswe Nyamuwanga, kaacheenda na ku‑bhwitiriranya bhwaye, arichisimbiisya akajaanende na okuchiyaana obhwiyikanyo ati arichiyaana ebhiinu bhya ekisi bhinu ꞉aachiragire. Echisabhwa omwene na Raatabhugenyi weeswe Yeesu Kirisito ati,

Baeburania 3:6

Nawe Kirisito ni mwiyikanyibhwa rwa Omwana unu keemereegururu abhaanu bha mu‑nju ya Nyamuwanga. Abhaanu abho niiswe araabha chikagenderera okukingira ku‑bhuteero chiri na ribhaasi na okwikuuyisya jinu echiiyikanya.

Baeburania 6:18

Mbe, emisango jibhiri jinu nijo Nyamuwanga ꞉aakorere, okuraga na okurayira. Nyamuwanga atarijiyindura wuri noorwo na akatyari, kwa okubha omwene atari mubheeyi. ꞉Aakorere emisango ebhiri ejo, korereki achisimbiisye eswe bhanu chiirukiiye ku‑mwene, chibhe na obhwiyikanyo ku‑misango jinu ejiija.

1 Petero 3:18

Kirisito omwene ꞉aanyaakire rumwi era inguru ya ebhibhiibhi bhya abhaanu bhanu bhatari bha rirenga, korereki achigwatanye na Nyamuwanga. Nawe omwene aariga ari murengeresi. ꞉Eetirwe echinyamubhiri, nawe ˆnaakorwa omuwanga ku‑bhuturo bhwa Mwoyo Mweru.

Obhusweruro 21:11

Omusi ogwo, gwariga guri na rikusyo rya Nyamuwanga na gwangʼarabhyaga rwa ribhuyi rya obhugusi obhurambu rya yaasipi rinu ryabharangiryaga rwa rirore.

Obhusweruro 21:23

Omusi ogwo gutakukena esuubha ryake‑mo amwi okwesi kwake‑mo okubha rikusyo rya Nyamuwanga niryo erimirika‑mo, na Omwana wa Inaama niwe idara yeende‑mo.

Obhusweruro 21:3

Ninuungwa obhuraka obhunene okusooka ku‑chitebhe chirya cha ingʼoma, nibhwayikaga ati, “Ringira! Obhwikaro bhwa Nyamuwanga nibhwo obhwikaro bhwa abhaanu wone. Ariikara aamwi na abhaanu, bharibha abhaana bhaaye, omwene wone aribha Nyamuwanga weebhwe.

Obhusweruro 3:21

Omuunu woonewoone unu ariyiga, nirimwikirisisya okwinyanja aamwi na anye ku‑chitebhe chaani cha ingʼoma, rwa kutyo anye wone ꞉naayigire, woori niinyanjire na Raata waani ku‑chitebhe chaaye cha ingʼoma.