Barumi 2:9 - Indagano Inyaaya mu-Chijita

⁹ Abhaanu bhoone bhanu abhakora emisango emijabhi, bharibhona obhwasye bhwafu na ebhinyaasyo, okwambira ku‑Bhayawudi okukingira ku‑bhaanu bhanu bhatari Bhayawudi.

INDAGANO INYA:YA

⁹ Okunyasibwa no kurumwa biriba ku mwoyo gwo mu:nu wo:ne unu kakora obubi:bi, okwambira ku Muyaudi na ku Mugiriki one.

Barumi 2:9 ပူးပေါင်းရင်းမြစ်များ

Matayo 16:26

Angu, omuunu aribhona omuriiro ki araabha aakabhona ebhiinu bhyone bhya echaaro chinu, nawe ˆnaabhusya obhurame bhwaye? Chitari‑wo echiinu cha obhurambu chinu omuunu kaatura okusoosya okuwonʼya obhurame bhwaye.

Ruuka 24:47

Abhaanu bha amaanga goone okwambira Yerusareemu, bhariraasibhwa okuta na okufwirwa echigongo ebhibhiibhi bhyebhwe kwa risiina ryaye.

Ebikorwa 11:18

Omwanya gunu Abhayawudi abho ꞉bhoonguuwe ejo, nibhasiga okubhambasyanya nage. Nibhakusya Nyamuwanga nibhaayika ati, “Mbe, Nyamuwanga aayaana abhaanu bhanu bhatari Bhayawudi wone obhuwanga bhwa akajaanende mu‑kuta ebhibhiibhi bhyebhwe!”

Ebikorwa 13:26

“Abhayiri bhaasu, emwe abhaanu bha orwibhuro rwa Bhurayimu, na emwe abhaanu bhanu mutari Bhayawudi bhanu omuramya Nyamuwanga, emisango ja obhuchungusi bhunu jaaretwa kw‑iswe!

Ebikorwa 20:21

Naabhwiraga Abhayawudi na bhanu bhatari Bhayawudi ati, bhayindukire Nyamuwanga, bhate ebhibhiibhi bhyebhwe na bheekirisye Raatabhugenyi weeswe Yeesu Kirisito.

Ebikorwa 26:20

꞉Naaraasisiisye okwamba abhaanu bha Damaasiko eyo na Yerusareemu na echaaro choone cha Yuudeya, ka wone ꞉naakingiiye abhaanu bhanu bhatari Bhayawudi. Naabhakomeeresyaga ati, bhate ebhibhiibhi bhyebhwe, bhayindukire Nyamuwanga. Ka wone okuta kwebhwe kweresibhwe na ebhikorwa bhyebhwe.

Ebikorwa 28:17

Ejire aamara awo siku esatu, ˆnaabhirikira abhakuru bha Abhayawudi bheenda‑wo. Bhejire bheekumanya, ˆnaabhabhwira ati, “Emwe abhayiri bhaani, ꞉naagwatirwe Yerusareemu, nintuurwa mu‑mabhoko ga Abharuumi, noorwo kutyo ꞉nitaakorere omusango gwonegwone omubhiibhi ku‑bhaanu bheeswe amwi okuyabhya obhusimukwa bhwa bhasaaja weeswe.

Ebikorwa 28:28

ˆNaagenderera okwayika ati, “Mbe mumenye woori ati obhuchungusi bhunu bhusookere ku‑Nyamuwanga, obhusirwa ku‑bhaanu bhanu bhatari Bhayawudi. Abheene abhaja okugenderera okubhuramira!” [

Ebikorwa 3:26

Kurwa ejo, omwanya gunu Nyamuwanga ꞉aasorere omukosi waaye Yeesu, ꞉aamutumire kw‑imwe okwamba, korereki abhayaane amabhando kwa okubhasoosya bhuri muunu mu‑bhibhiibhi bhyaye.”

Barumi 1:16

Anye nitakwiswara okuraasya Emisango ja Ekisi ejo, kwa okubha nijo obhuturo bhwa Nyamuwanga bhwa okuchungura abhaanu bhoone bhanu abheekirisya Yeesu, okwambira Abhayawudi okukingira abhaanu bhanu bhatari Bhayawudi.

Barumi 10:12

Emisango ejo ejeeresya ati itari‑wo isoroore agati ya Abhayawudi amwi bhanu bhatari Bhayawudi. Ari‑wo Raatabhugenyi umwi era ku‑bhaanu bhoone. Omwene ni wa kisi muno ku‑bhaanu bhoone bhanu abhamusabhwa.

Barumi 2:10

Nawe abhaanu bhoone bhanu abhakora emisango ja ekisi, bharibha na jikuma, echibharo na omurembe, okwambira ku‑Bhayawudi okukingira ku‑bhaanu bhanu bhatari Bhayawudi.

Barumi 8:35

Ni chiinu ki chinu echitura okuchitaaganya na eryenda rya Kirisito? Chitari‑wo! Noorwo chibhe chiri mu‑tambara inene, chiri mu‑nyaako, chiri mu‑bhinyaasyo, chibhe nichisaraarira, nichiweerwa emyenda, nichirebherera okubhusya obhuwanga, amwi okwitwa, Kirisito arigenderera okucheenda.

Barumi 9:24

Abhaanu abho neeswe, bhanu ꞉aabhirikiiye. ꞉Ataabhirikiiye Abhayawudi era, tari noorwo bhanu bhatari Bhayawudi.

Bagalatia 3:28

Kurwa ejo, bhutari‑wo obhutaasyanya agati ya Omuyawudi na Omuyunaani, amwi omugaya na omuunu omwitaage, amwi omurume na omugasi. Bhoone muri chiinu chimwi, kwa okubha muri na obhumwi na Kirisito Yeesu.

Bakolosai 3:11

Kurwa ejo, bhutari‑wo obhutaasyanya rindi agati ya Omuyawudi na unu atari Muyawudi, unu atenderwe na unu atatenderwe, unu kaasooka mu‑chaaro cha kura amwi omusikisi, omugaya na omwitaage. Tari Kirisito niwe wa bhusibhusi na omwene ari mw‑imwe bhoone.

2 Batesalonika 1:6

Mumenye ati, Nyamuwanga niwe owa rirenga. Omwene niwe arisubhya orusiima ku‑bhaanu bhoone bhanu abhabhanyaasya,

1 Petero 4:17

Mumenye ati, omwanya gwa obhuramusi gwakinga na Nyamuwanga kaja okwamba okuramura abhaana bhaaye. Woori araabha obhuramusi bhukambira kw‑iswe abhaana bhaaye, angu, jiribha kutiki ku‑bhanu bhatakwikirisya Emisango ja Ekisi ja Nyamuwanga?