Barumi 2:4 - Indagano Inyaaya mu-Chijita

⁴ Nyamuwanga ni wa kisi muno, kaakufwira echigongo chaafu, na kaakwigumiirisya muno. Nawe awe woori, oweenda okugaya ejo joone? Utakumenya ati kaakweresya bhwa ekisi bhwaye, korereki uture okuta ebhibhiibhi bhyawo?

INDAGANO INYA:YA

⁴ ?Tere amwi ougaya obuni:bi bwo bwira bwae, no kwigumirisya kwae, no kurindirira kwae, si utakumenya ati, obwira bwa Nyamuanga obukurerta mu kuta?

Barumi 2:4 ပူးပေါင်းရင်းမြစ်များ

Barumi 10:12

Emisango ejo ejeeresya ati itari‑wo isoroore agati ya Abhayawudi amwi bhanu bhatari Bhayawudi. Ari‑wo Raatabhugenyi umwi era ku‑bhaanu bhoone. Omwene ni wa kisi muno ku‑bhaanu bhoone bhanu abhamusabhwa.

Barumi 11:22

Murore kutyo Nyamuwanga kaakorera ja ekisi abhaanu abhandi, na kutyo kaayaana ebhitiibha ebhiruru abhaanu abhandi. Kaayaana ebhitiibha bhanu ꞉bhaaremere okwikirisya, na kaakukorera ja ekisi, araabha owugenderera okwikirisya. Nawe ukarema okumwikirisya, awe wone uritemwa.

Barumi 11:33

Yee! Niga unu kaatura okusombookerwa kutyo bhuri bhuniibhi, obhwengeeso na okumenya kwa Nyamuwanga? Ebhikira obhusombookerwa bhweswe! Atari‑wo omuunu unu kaatura okusombookerwa kutyo kaaramura, amwi unu kaatura okweresya jinjira jaaye.

Barumi 3:25

Nyamuwanga ꞉aamuteeye‑wo abhe echoogo cha okugwatanya abhaanu na Nyamuwanga, korereki bhafwirwe echigongo ebhibhiibhi bhyebhwe, kwa okwikirisya ati Yeesu ꞉aafuuwe inguru yeebhwe. Nyamuwanga ꞉aakorere kutyo, korereki eeresye ati ni murengeresi, kwa okubha ꞉eegumiirisiisye, ꞉ataayaaye abhaanu ebhitiibha ku‑bhibhiibhi bhinu ꞉bhaakorere omwanya gwa inyuma.

Barumi 6:1

Woori chaayike ki? Angu, chigenderere okukora ebhibhiibhi, korereki Nyamuwanga agenderere okuchiyaana obhwitiriranya bhwaye bhwafu muno?

Barumi 6:15

Woori chaayike ki? Angu, chigenderere okukora ebhibhiibhi, kwa okubha chitakutangasibhwa na obhuturo bhwa ebhiraagiro, tari echitangasibhwa na obhwitiriranya bhwa Nyamuwanga? Wuri, noorwo na akatyari!

2 Bakorinto 8:2

Abhaanu abho ni bhataka muno, ka wone ꞉bhaaregeejerwe kwa ebhinyaasyo bhyafu, nawe bhaariga bhari na rikonderwa enene rinu ꞉ryakorere nibhabha bhafura muno mu‑kusoosya ebhiinu bhyebhwe.

Baefeso 1:18

Enimusabhwa wone, eegure ameeso ga emitima jeemwe, korereki mumenye obhwiyikanyo bhwa obhubhirikisi bhwaye kw‑imwe kutyo bhuri. Nyabhuriko mumenye rikusyo ryafu rya omwandu gwaye ku‑bheeru kutyo riri.

Baefeso 1:7

Okubha ku‑sagama ya Kirisito cheeruuywe, nikwo okufwirwa echigongo ebhibhiibhi bhyeswe bhyone. Ku‑njira eyo, Nyamuwanga ꞉aacheeresiisye obhuniibhi bhwafu muno bhwa obhwitiriranya bhwaye.

Baefeso 2:4

Nawe omwene, ku‑chigongo chaaye echaafu na ku‑ryenda ryaye eryafu kw‑iswe,

Baefeso 2:7

korereki eeresye ku‑bhoone ku‑mwanya gunu oguuja, obhwitiriranya bhwaye bhwafu muno ku‑bhwa ekisi bhwaye kw‑iswe bhunu bhuri mu‑Kirisito Yeesu.

Baefeso 3:16

Enimusabhwa ati, okuruubhana na rikusyo ryaye eryafu abhayaane amanaga ku‑njira ya Mwoyo waaye, murumatanega ndindindi mu‑myoyo jeemwe,

Baefeso 3:8

Anye, niri mutooto okukira omutooto woonewoone ku‑bheeru bhoone bha Nyamuwanga. Noorwo kutyo, naanye ꞉naayaaywe obhwitiriranya bhwa okuraasisya abhaanu bhanu bhatari Bhayawudi obhuniibhi bhwa Kirisito bhunu bhutari na indengo.

Bafilipi 4:19

Mbe, Nyamuwanga waani, aribhayaana ebhiinu bhyone bhinu omukena okuruubhana na obhuniibhi bhwaye bhwafu. Arikora kutyo ku‑njira ya Kirisito Yeesu.

Bakolosai 1:27

Nyamuwanga ꞉eendere okubhaswerurira bhwa ekisi bhwa obhutinge bhwa imbisike ya okuruguusya, noorwo inguru ya abhaanu bhanu bhatari Bhayawudi. Obhutinge obhwo ni ati Kirisito ari mu‑myoyo jeemwe, ka wone, omwene niwe kaabhayaana obhwiyikanyo ati murisangira rikusyo rya Nyamuwanga.

Bakolosai 2:2

Enikora kutyo, korereki emyoyo jeemwe bhoone, jisimbiisibhwe na okugwatanyibhwa aamwi mu‑ryenda. Eneenda murumatane chimwi mu‑kusombookerwa, na okumenya obhutinge bhwa imbisike ya Nyamuwanga bhunu ku‑bhwambiro bhwariga bhubhisirwe. Imbisike eyo nikwo okumenya Kirisito omwene.

1 Timoteo 1:16

Noorwo kutyo, Yeesu Kirisito ꞉aanfwiriiye echigongo! ꞉Aanyeresiisye obhwigumiirisya bhwaye, anye owa ebhibhiibhi okukira bhoone, korereki nibhe echijekekanyo ku‑bhoone bhanu abhaja okumwikirisya na okuramira obhuwanga bhwa akajaanende koone.

1 Timoteo 6:17

Ukomeeresyega abhaniibhi bha ebhiinu bhya mu‑chaaro munu ati bhasige okwikuuya, noorwo okwiyikanya obhuniibhi bhwebhwe. Obhuniibhi obhwo ni bhwa kasinjeeke era. Tari bheeyikanye Nyamuwanga unu mu‑bhufura bhwaye kaachiyaana ebhiinu bhyone bhinu echikena, korereki chibhikondererwe.

1 Petero 3:20

Emyoyo ejo, ni ja abhaanu bhanu ꞉bhataagayukire Nyamuwanga kara awo, omwanya gunu Nuuwu aariga achaakonja ingarabha. Nyamuwanga ꞉eegumiirisiisye ebhibhiibhi bhyebhwe okukingira omwanya gunu ingarabha ꞉yaamarirwe okukonjwa. Mu‑ngarabha omwo, nimwo ꞉bheengiiye abhaanu bhatooto era, abhaanu bhataanu na bhasatu, bhanu ꞉bhaawonere okusingaarika mu‑manji.

2 Petero 1:11

Kutyo, murikumibhwa kisi mu‑bhukama bhwa akajaanende bhwa Raatabhugenyi na Omuchungusi weeswe Yeesu Kirisito.

2 Petero 3:15

Mumenye ati, Raatabhugenyi keegumiirisya abhaanu, korereki bhabhone omwanya gwa okuchunguka. Nikwo kutyo omuyiri weeswe Pawuro omwendwa ꞉aabhakaamiiye ku‑bhwengeeso bhunu Nyamuwanga amuyaaye.

2 Petero 3:3

Omusango gwa bhusibhusi gunu omukenwa mumenye ni ati, mu‑siku ja obhuteero, bhariija abhaanu abha okusiijaaka muno, bhanu bhariruubhaga okurigira kwebhwe okubhiibhi. Bharisiijaaka

2 Petero 3:9

Abhaanu abhandi abheetogera ati Raatabhugenyi kaakoora okukuumisya jinu ꞉aaragire, nawe atakukoora. Tari omwene keegumiirisya ku‑songa yeemwe, okubha atakwenda omuunu noorwo umwi abhure. Chinu keenda ni ati bhoone bhate ebhibhiibhi bhyebhwe.

Obhusweruro 2:21

Anye naamuyaana omwanya agwa okuta ebhibhiibhi bhyaye, nawe omwene atakwenda okusiga obhuromesi bhwaye.

Obhusweruro 3:20

Mutegeresye! Anye niimereeguuyu ku‑muryango enibhirikira. Omuunu akoongwa obhuraka bhwani na okunyiigurira omuryango, eningira mu‑nju yaaye na okurya aamwi nage.