Barumi 2:3 - Indagano Inyaaya mu-Chijita

³ Nawe awe unu owuramura abhaanu abhandi keenu awe wone nuukora emisango ejoejo, angu, owitogera ati uriiruka indamu ya Nyamuwanga?

INDAGANO INYA:YA

³ Awe mu:nu ruramura banu abakora ebyo ka na:we one nubikora, ?owiganirisya ati uriona mu kuramura kwa Nyamuanga?

Barumi 2:3 ပူးပေါင်းရင်းမြစ်များ

Matayo 23:33

Emwe muri njoka na muri rwibhuro rwa jinjoka! Muriiruka kutiki indamu ya Nyamuwanga ya okweswa mu‑muriro gwa akajaanende koone?

Matayo 26:53

Angu, utakumenya ati enitura okusabhwa obhusakisi okusooka ku‑Raata waani, wone ˆnaantumira bhamaraayika bhaaye okukira ebhise ebhinene ekumi na bhibhiri?

Ruuka 12:14

Yeesu ˆnaamusubhya ati, “Musaani, niga unu ꞉aanteeye‑wo nibhe omuramusi weemwe, amwi omugabhi wa omwandu gwemwe?”

Ruuka 22:58

Katungu katooto okutura, omuunu owundi ˆnaarora Peetero, ˆnaamubhwira ati, “Awe wone uri umwi weebhwe!” Nawe Peetero ˆnaamusubhya ati, “Mumura awe! Anye wuri!”

Ruuka 22:60

Nawe Peetero ˆnaasubhya ati, “Mumura awe! Jinu owaayika anye nitakujimenya!” Aariga achaayika era, awoawo rikookorome nirikookoroma.

Barumi 1:32

Abhaanu abho bhamenyere kisi ati, omuunu unu kaakora ebhikorwa ebhijabhi rwa ebhyo, kaabha eeyire okusingaarisibhwa na Nyamuwanga. Noorwo kutyo, jitakubhasaasa! Abhagenderera okukora ebhikorwa ebhijabhi ebhyo, ka wone abheekirisyanya na abhaanu bhanu abhabhikora.

Barumi 2:1

Mbe, awe Omuyawudi weejaasu, chimari owuramura abhaanu abhandi bhanu abhakora emisango ejo. Nawe noorwo awe utakutura okwibhagira imbere ya Nyamuwanga! Ringira, omwanya gunu owuramura abhandi, niwo awe wone umenye ati owiramura omwene, kwa okubha emisango emijabhi jinu abhakora nijo awe omwene owukora.

Barumi 2:2

Eswe chimenyere ati Nyamuwanga kaaramura kwa obhurengeresi abhaanu bhanu abhakora emisango rwa ejo.

Barumi 9:20

Nawe awe omuunu, naawe ga owuyaajana kutyo na Nyamuwanga? Angu, echiinu chinu chimogerwe echitura okubhuusya omumogi waacho ati, “Kurwa ki ꞉waammogere kutya?”

1 Batesalonika 5:3

Omwanya gunu abhaanu bharyayikaga ati, “Chiri na omurembe, itambara itari‑wo,” awo niwo, obhunyamuke bhuribheejira. Obhunyamuke obhwo bhuribhatakya, rwa kutyo omugasi unu afugaaye kaarumwa obhusungu korereki eebhure. Ka wone bhatariikenga nabhwo wuri.

Baeburania 12:25

Kurwa ejo, mutegeresyega unu kaayika na emwe. Abhayisirayeeri ꞉bhateerukire ebhitiibha omwanya gunu ꞉bhaaremere okutegeresya Muusa bhunu ꞉aabhakengiisye. Mbe woori, eswe echitura kutiki okwiruka ebhitiibha araabha echirema okutegeresya Nyamuwanga omwanya gunu kaachikengya okusooka mu‑rwire?

Baeburania 2:3

Araabha ꞉jaakorekeene kutyo ku‑bheene, angu, eswe chiritura kutiki okuwona okuyaanwa ebhitiibha, chikabha chitakwigana obhuchungusi obhunene rwa bhunu chibhwene? Raatabhugenyi Yeesu niwe ꞉aambire okuraasya obhuchungusi obhwo, na abhaanu bhanu bhaariga nibhamutegeresya wone nibhachibhwira ati, omusango gwa obhuchungusi ogwo ni gwa echimari.