Barumi 10:3 - Indagano Inyaaya mu-Chijita

³ Abheene ꞉bhataaruubhire injira inu Nyamuwanga kaabhara abhaanu okubha abharengeresi, kwa okubha ꞉bhataayisombookeeywe, ka wone ꞉bhaayenjere abheene injira ya okwibhonera obhurengeresi.

INDAGANO INYA:YA

³ Okuba batamenyere burengeresi bwa Nyamuanga, mbasaka okurumya oburenge:resi bwebwe abene:ra, bato:robee burengeresi bwa Nyamuanga.

Barumi 10:3 ပူးပေါင်းရင်းမြစ်များ

Ruuka 10:29

Nawe, omwiyigisya oyo, eendaga okweresya ati omwene ni murengeresi imbere ya Nyamuwanga, nikwo okukora ꞉aabhuusiisye Yeesu ati, “Oweejaasu niga?”

Ruuka 16:15

Kurwa ejo, Yeesu ˆnaabhabhwira ati, “Emwe, omwikora okubha abharengeresi imbere ya abhaanu. Nawe, Nyamuwanga amenyere emisango jinu jiri mu‑myoyo jeemwe. Okubha, emisango jinu abhaanu abharora ati ni ja kisi muno, ejo nijo ejifuruurusya Nyamuwanga muno!

Barumi 1:17

Emisango ja Ekisi ejo, ejeeresya abhwerubhweru kutyo Nyamuwanga kaabhara abhaanu okubha abharengeresi imbere yaaye. Abhaanu abhabharwa okubha abharengeresi imbere ya Nyamuwanga ku‑njira ya eriikirisya era. Rwa kutyo Ebhikaame Ebhyeru ebhyayika ati, “Omuunu unu aribha na obhuwanga, ni unu Nyamuwanga kaabhara ati ni murengeresi ku‑njira ya eriikirisya ryaye.”

Barumi 10:2

Enibhabhwira ati, abhaanu abho abheekomeesya muno okuyenja Nyamuwanga, noorwo kutyo bhatakusombookerwa kutyo Nyamuwanga keenda bhamuyenje.

Barumi 10:20

Ka wone, omuragi Iisaya ꞉aayikire kwa ribhaasi emisango ja Nyamuwanga ati, “Abhaanu bhanu bhatakunyenja, nibho bhaandora. Abhaanu bhanu bhatakubhuusirisya emisango jaani, nibho neeswerura ku‑bheene.”

Barumi 11:7

Kurwa ejo, emisango jiri kutya. Abhayisirayeeri ꞉bhaayenjere injira ya okubha abharengeresi imbere ya Nyamuwanga, nawe ꞉bhataayibhwene. Ni bhanu era ꞉bhaasorerwe na Nyamuwanga, nibho ꞉bhaabhubhwene. Abhandi bhoone bhanu ꞉bhaasigaaye, Nyamuwanga ˆnaabhakora bhabhe na emyoyo emikomeeye.

Barumi 3:22

Abhaanu bhoone bhanu abheekirisya Yeesu Kirisito, Nyamuwanga kaabhabhara ati ni bharengeresi imbere yaaye, okutura ku‑bhwiyikanyibhwa bhwa Yeesu oyo. Nyamuwanga atakusoroora omuunu woonewoone,

Barumi 3:26

Ka wone ꞉aakorere kutyo, korereki eeresye obhurengeresi bhwaye ku‑mwanya gunu. Omwene ni murengeresi kwa okubha ꞉aayaaye Yeesu ebhitiibha inguru ya ebhibhiibhi bhya bhanu abhamwikirisya, ka wone kaabhabhara ati ni bharengeresi imbere yaaye inguru ya Yeesu.

Barumi 5:19

Omuunu umwi ejire aarema okugayuka Nyamuwanga, ꞉aaretereeye abhaanu bhoone bhabhe abhakosi bha ebhibhiibhi. Kutyokutyo, omuunu umwi ejire aagayuka Nyamuwanga, ꞉aaretereeye abhaanu bhaafu bhabhe abharengeresi imbere ya Nyamuwanga.

2 Bakorinto 5:21

Kirisito aariga atari na echibhiibhi choonechoone, nawe Nyamuwanga ꞉aamubharire rwa owa ebhibhiibhi inguru yeeswe, korereki eswe chibharwe okubha abharengeresi imbere ya Nyamuwanga okutura ku‑Kirisito.

Bafilipi 3:9

ka wone nibhe na obhumwi nage. Nitakwiyikanya rindi obhurengeresi bhunu obhusooka mu‑kugayuka ebhiraagiro, tari obhurengeresi bhunu obhusooka mu‑kwikirisya Kirisito. Obhwo nibhwo obhurengeresi bhunu Nyamuwanga kaayaana bhanu abheekirisya Kirisito.

2 Petero 1:1

Inyarubha inu niikaamire anye Simooni Peetero, omukosi na itumwa ya Yeesu Kirisito. Enikaamira emwe bhanu muyaaywe eriikirisya riryarirya rya obhurambu rinu eswe wone chibhwene, okutura rirenga rya Nyamuwanga na Omuchungusi weeswe Yeesu Kirisito.