Barumi 1:3 - Indagano Inyaaya mu-Chijita

³ Emisango ja Ekisi ejo, nijo emisango inguru ya Omwana waaye. Echinyamuunu, ꞉eebhuuywe mu‑ruganda rwa omukama Dawudi,

INDAGANO INYA:YA

³ Nibyo ebigambo byo Mwana wae unu e:buywe mu rwiburo rwa Daudi mu mubiri,

Barumi 1:3 ပူးပေါင်းရင်းမြစ်များ

Matayo 1:1

Ganu nigo amasiina ga oruganda rwa Yeesu Kirisito. Yeesu Kirisito ꞉aasookereeye mu‑ruganda rwa omukama Dawudi, mu‑rwibhuro rwa Bhurayimu.

Matayo 1:16

Yakobho ˆneebhura Jejefu, omurume wa Maryamu, na Maryamu niwe nyiramwene Yeesu unu kaatogwa Kirisito.

Matayo 1:6

na Yeese ˆneebhura omukama Dawudi. Omukama Dawudi ˆneebhura Seremaani ku‑mugasi wa Uriya,

Matayo 12:23

Ebhise bhya abhaanu bhanu bhaariga bhari awo nibharuguura muno, nibhaayika ati, “Angu, unu kaatura okubha Omwana wa Dawudi?”

Matayo 15:22

Niwo ˆnaabhugana na Omukanaanigasi umwi, aariga ari mwinengo wa enda‑wo. ˆNaaja ku‑Yeesu, ˆnaamura obhuraka, ˆnaamubhwira ati, “Raatabhugenyi, Omwana wa Dawudi, unfwire echigongo! Omuyaasya waani awungirwe risambwa, ryamunyaasiisye muno.”

Matayo 26:63

Nawe Yeesu ꞉ataasubhiisye omusango gwonegwone. Mbe, omugabhisi omukuru oyo ˆnaamubhwira rindi ati, “Enikurayisya kw‑isiina rya Nyamuwanga omuwanga, nuuchibhwire araabha naawe Kirisito, Omwana wa Nyamuwanga.”

Matayo 27:43

Omwene keeyikanya Nyamuwanga, ꞉aayikire ati, ‘Anye ni Mwana wa Nyamuwanga.’ Mbe, Nyamuwanga amuwonʼye woori araabha chimari kaamwenda.”

Matayo 3:17

Niwo, obhuraka okusooka mu‑rwire nibhwayika ati, “Unu niwe Omwana waani omwendwa, niwe kaankondisya.”

Matayo 9:27

Yeesu ejire aasooka awo, abhawofu bhabhiri nibhamuruubha, nibhaamura obhuraka nibhaayikaga ati, “Omwana wa Dawudi, echisabhwa uchifwire echigongo!”

Ruuka 1:35

Maraayika oyo ˆnaamusubhya ati, “Mwoyo Mweru arikwikira na obhuturo bhwa unu ari Inguru ya Bhyone bhurikwijira inguru yaawo rwa rirengesi. Kurwa ejo, omwana unu uriibhura, aribha musorwa. Aribha ˆnaabhirikirwa ati, ni Mwana wa Nyamuwanga.

Ruuka 1:69

Aachiyaana Omuchungusi owa obhuturo okusooka mu‑ruganda rwa omukosi waaye Dawudi.

Yowana 1:14

Mbe, Musango oyo ˆnaabha omuunu, ˆneekara agati yeeswe. Eswe bhoone nichirora rikusyo ryaye, rikusyo rya Omwana eenyere wa Raata Nyamuwanga, eejuuywe obhwitiriranya bhwafu na echimari choone.

Yowana 1:34

Niwo Yowana ˆnaayika ati, “Anye naarora emisango ejo, na enisoosya obhubhambaasi ati, oyo niwe Omwana wa Nyamuwanga.”

Yowana 1:49

Natanayeri ˆnaamusubhya ati, “Omwiyigisya, awe uri Mwana wa Nyamuwanga! Ka wone uri mukama wa Abhayisirayeeri!”

Yowana 10:30

Anye na Raata chiri chiinu chimwi.”

Yowana 10:36

Raata niwe ꞉aansorere na okuntuma ku‑chaaro kunu. Angu woori, ni kurwa ki omwayika ati, anye enifumiirisya Nyamuwanga omwanya gunu enaayika ati, ‘Anye niri Mwana wa Nyamuwanga’?

Yowana 20:28

Tomaasi ˆnaamusubhya ati, “Raatabhugenyi waani na Nyamuwanga waani!”

Yowana 20:31

Nawe ebhibharikisyo bhinu bhiri mu‑chitabho chinu, bhikaamirwe korereki mwikirisye ati Yeesu niwe Kirisito, Omwana wa Nyamuwanga, mu‑kwikirisya okwo, mubhone obhuwanga bhwa akajaanende koone kw‑isiina ryaye.

Yowana 5:25

Ni chimari enibhabhwira ati, omwanya oguuja, ka wone gwakingire, gunu abhafuuwe bharyungwa obhuraka bhwa Omwana wa Nyamuwanga. Niwo abhaanu bhanu bharibhaga nibhamutegeresya, bharibhaga na obhuwanga bhwa akajaanende koone.

Yowana 7:42

Jitakaamirwe mu‑Bhikaame Ebhyeru ati, Kirisito arisooka mu‑rwibhuro rwa omukama Dawudi? Ka wone ati, atariibhurirwa Bhetereyeemu, mu‑musi gunu Dawudi ꞉eebhuriiywe‑mo?”

Ebikorwa 2:30

Nawe Dawudi aariga ari muragi na ꞉aamenyere ati Nyamuwanga ꞉aamuragire kwa echirayiro ati, ariinamusya omuunu umwi wa mu‑rwibhuro rwaye okubha omutungi wa obhukama bhwaye.

Ebikorwa 3:13

Woori Nyamuwanga wa Bhurayimu, Isaaka na Yakobho, niwe Nyamuwanga wa bhasaaja weeswe, aakusya omukosi waaye Yeesu. Yeesu oyo niwe unu emwe ꞉mwateeye mu‑mabhoko ga abhatungi na okumwigaana imbere ya Piraato! Noorwo kutyo Piraato ꞉eendere okumutaatira, emwe ꞉mwaremere.

Ebikorwa 8:36

Omwanya gunu bhaariga nibhagenderera na orugendo ku‑njira eyo, nibhakinga anu gaariga gari amanji. Omukuru oyo ˆnaabhwira Firipo ati, “Rora, anu gari‑wo amanji! Niki chinu echinganya okubhatiijibhwa?” [

Ebikorwa 9:20

Awoawo ꞉aambire okugenda mu‑nju ja ameekofyanyo ga Abhayawudi, ˆnaabharaasisyaga ati, Yeesu ni Mwana wa Nyamuwanga.

Barumi 1:9

Nyamuwanga unu enikorera emirimu kwa mwoyo gwani gwone mu‑kuraasisya abhaanu Emisango ja Ekisi ja Omwana waaye, kaamenya kutyo enibhasabhirwa omwanya gwone.

Barumi 4:1

Mbe, chaayike ki woori inguru ya saaja weeswe Bhurayimu? Nyamuwanga ꞉aamubharire kutiki okubha omuunu omurengeresi imbere yaaye?

Barumi 9:3

ku‑songa ya abhaanu bha riyanga ryani. Araabha jikaturikeene, anye omwene nikeekirisiisye okwiyiimwa na okukindikwa na Kirisito, araabha okukora kutyo kukabheeye nikusakira abhayiri bhaani abho bheekirisye Kirisito.

Barumi 9:5

Abhayisirayeeri abho nibho orwibhuro rwa bhasaaja Bhurayimu, Isaaka na Yakobho. Echinyamuunu, noorwo Kirisito ni Muyisirayeeri. Kirisito, niwe Nyamuwanga, Omukuru wa bhyone, akusibhwe akajaanende koone! Jibhe kutyo.

1 Bakorinto 1:9

Nyamuwanga arikora ejo kwa okubha omwene ni mwiyikanyibhwa. Omwene niwe ꞉aabhabhirikiiye, mubhe na obhumwi na Omwana waaye Yeesu Kirisito, Raatabhugenyi weeswe.

1 Bakorinto 10:18

Muringire Abhayisirayeeri. Abhaanu bhanu abharya bhinu ꞉bhyasoosiibhwe echoogo ku‑chigabhiro, abhasangira okuramya Nyamuwanga.

Bagalatia 4:4

Nawe jisiku jinu jaariga jiteeywe‑wo jejire jaakuumira, Nyamuwanga ˆnaatuma Omwana waaye ku‑chaaro chinu. Omwana waaye oyo, ꞉eebhuuywe na omugasi rwa eswe, ˆnaatungwa na ebhiraagiro bhya Muusa.

1 Batesalonika 1:10

Wone abhatonda kutyo omurindirira Omwana waaye, asubhe rindi okusooka mu‑rwire. Oyo niwe Nyamuwanga ꞉aasuuruuye okusooka mu‑bhafuuwe. Niwe Yeesu unu kaachichungura okusooka mu‑ndamu ya Nyamuwanga inu eyiija.

1 Timoteo 2:5

Ari‑wo Nyamuwanga umwi era. Wone omugwatanya agati ya abhaanu na Nyamuwanga ni umwi era, niwe omuunu Kirisito Yeesu.

1 Timoteo 3:16

Echimari chinu Nyamuwanga asweruuye ni cha okuruguusya na nicho chinu, Kirisito ꞉eesweruuye mu‑mubhiri, ˆnaayikwa na Mwoyo Mweru ati ni murengeresi, ˆnaabhonekana ku‑bhamaraayika, ˆnaaraasibhwa mu‑maanga goone, ˆneekirisibhwa na abhaanu bha mu‑chaaro, ˆnaagegwa okuja inguru mw‑ikusyo.

2 Timoteo 2:8

Wiichuke Yeesu Kirisito wa mu‑ruganda rwa omukama Dawudi. Nyamuwanga ꞉aamusuuruuye okusooka mu‑bhafuuwe. Ejo nijo Emisango ja Ekisi jinu eniraasya.

1 Yoana 1:3

Echibharaasisya emisango inguru ya Yeesu unu ꞉chaarorere na okumutegeresya, korereki mubhe na obhumwi na eswe mu‑riikirisya. Obhumwi obhwo, chiri nabhwo na Raata Nyamuwanga na Omwana waaye Yeesu Kirisito.

1 Yoana 3:23

Echiraagiro chaaye nicho chinu ati, chiikirisye risiina rya Omwana waaye Yeesu Kirisito, ka wone cheendane rwa kutyo achiragiriiye.

1 Yoana 3:8

Nawe, omuunu woonewoone unu kaagenderera okukora ebhibhiibhi, ni muunu wa Syetaani. Okubha Syetaani agendereeye okukora ebhibhiibhi okusookerera ku‑bhwambiro. Niyo isonga Omwana wa Nyamuwanga ꞉eejire ku‑chaaro anu, korereki anyamure bhuri murimu gwa Syetaani.

1 Yoana 4:15

Omuunu woonewoone unu keekirisya na okutogora ati Yeesu ni Mwana wa Nyamuwanga, Nyamuwanga ari na obhumwi nage, omwene wone ari na obhumwi na Nyamuwanga.

1 Yoana 5:1

Woori, omuunu woonewoone unu keekirisya ati Yeesu ni Kirisito, omuunu oyo niwe omwana wa Nyamuwanga. Ka wone, woonewoone unu keenda omwibhusi wa omwana, keenda na abhaana bha omwibhusi oyo.

1 Yoana 5:20

Ka wone, echimenya ati Omwana wa Nyamuwanga eejire mu‑chaaro munu, achiyaanire obhwenge, korereki chisombookerwe Nyamuwanga wa echimari. Chiri na obhumwi na Nyamuwanga wa echimari, kwa okubha chiri na obhumwi na Omwana waaye Yeesu Kirisito. Omwene niwe Nyamuwanga wa echimari, unu ari bhuwanga bhwa akajaanende koone.

1 Yoana 5:5

Atari‑wo omuunu unu kaatura okuyiga ebhibhiibhi tari unu keekirisya era ati, Yeesu ni Mwana wa Nyamuwanga.

2 Yoana 1:7

Mbe, enaayika kutyo, kwa okubha abhabheeyi bhaafu bheebhukire ku‑chaaro kunu. Abhaayika ati Yeesu Kirisito ꞉eejire atari na omubhiri rwa gwa omuunu. Omuunu woonewoone unu kaayika kutyo ni omubheeyi, ka wone niwe omusoko wa Kirisito.

Obhusweruro 2:18

“Ukaamire maraayika wa mw‑ikanisa rya Tiyaatira kutya, Anye, naanye Omwana wa Nyamuwanga. Ameeso gaani gari rwa jimbeesi ja omuriro na amaguru gaani agangʼarabhya muno rwa echuuma echitukurasi chinu chikuubhirwe muno. Mutegeresye jinu enibhabhwira!