Bakolosai 4:3 - Indagano Inyaaya mu-Chijita

³ Muchisabhirwe eswe wone, korereki Nyamuwanga achiigurire orwigi rwa okuraasya omusango gwaye inguru ya Kirisito gunu kara gwariga gubhisirwe. Anye nibhoyerwe inguru ya okuraasya omusango ogwo.

INDAGANO INYA:YA

³ Mucisabirwega neswe one, Nyamuanga aci:gurireo orwigi rwo kwaika omusango gwae, ca:ike obumbise bwa Kristo, okuba nibwo naboeywe,

Bakolosai 4:3 ပူးပေါင်းရင်းမြစ်များ

Matayo 13:11

ˆNaabhasubhya ati, “Emwe, Nyamuwanga abhayaaye obhuturo bhwa okusombookerwa emisango jinu jichaari mbisike inguru ya obhukama bhwaye. Nawe abheene bhatayaaywe obhuturo bhwa okujisombookerwa.

Ebikorwa 14:27

Atiyookiya awo nibhakofya abheekirisya. Nibhabhatondera joone jinu Nyamuwanga ꞉aakorere okutura ku‑bheene na kutyo ꞉eeguuye orwigi ku‑bhaanu bhanu bhatari Bhayawudi okwikirisya Yeesu.

Barumi 16:25

Woori, chikusye Nyamuwanga! Omwene kaatura okukora mubhe nimurumatana mu‑riikirisya ryemwe, okutura ku‑Misango ja Ekisi inguru ya Yeesu Kirisito jinu naariga nindaasya kw‑imwe. Emisango ejo nijo obhutinge bhwa imbisike bhunu bhwariga bhubhisirwe kara,

1 Bakorinto 16:9

Enikora kutyo, kwa okubha Nyamuwanga aanyigurira orwigi, korereki nikore emirimu myafu mu‑musi gunu, noorwo kutyo bhari‑wo abhaanu bhaafu bhanu abhanyingirira.

1 Bakorinto 4:1

Abhaanu bhachibhare ati eswe chiri bhakosi bha Kirisito, chiyaaywe emirimu ja okuraasya obhutinge bhwa imbisike ya Nyamuwanga bhunu bhwariga bhubhisirwe.

2 Bakorinto 2:12

Mbe, omwanya gunu ꞉naakingire mu‑musi gwa Turoowa okuraasya Emisango ja Ekisi inguru ya Kirisito, ꞉naasongeene Raatabhugenyi aanyiguriiye orwigi, korereki nikore emirimu jaaye eyo.

Baefeso 3:1

Kurwa ejo, anye Pawuro enibhasabhirwa. Anye niri omubhoywa wa Kirisito Yeesu inguru ya obhukosi bhwani kw‑imwe, emwe bhanu mutari Bhayawudi.

Baefeso 3:3

Rwa kutyo nikaamire kwa emisango emitooto ku‑bhwambiro bhwa inyarubha inu, Nyamuwanga omwene ꞉aasweruuye obhutinge bhwa imbisike yaaye kw‑anye.

Baefeso 3:4

Araabha mukasoma jinu nikaamire, omutura okusombookerwa kutyo enimenya obhutinge bhwa imbisike ya Kirisito.

Baefeso 3:9

Nyamuwanga ꞉aanaaye obhuturo bhwa okusomboorera abhaanu bhoone emisango ejo, korereki bhamenye kutyo Nyamuwanga arikuumisya obhutinge bhwa imbisike yaaye. Obhutinge obhwo, bhwariga bhubhisirwe okusookerera kara ku‑Nyamuwanga unu ꞉aabhumbire ebhiinu bhyone.

Baefeso 4:1

Kurwa ejo, anye unu niri mubhoywa inguru ya obhukosi bhwani ku‑Raatabhugenyi, enibheerembeeresya ati, murame ku‑njira inu iiyire obhubhirikisi bhunu Nyamuwanga abhabhirikiriiye.

Bafilipi 1:19

okubha enisombookerwa ati joone jinu jimbwene, niritaatirwa. Jiribha kutyo kwa okubha omunsabhirwa ku‑Nyamuwanga, ka wone Mwoyo Mweru wa Yeesu Kirisito kaansakira.

Bafilipi 1:7

Ni kisi anye niganirisye kutyo inguru yeemwe bhoone, kwa okubha enibheenda muno. Okubha anye na emwe, chiyaaywe obhwitiriranya bhwa okusangira emirimu aamwi, nibhe niri mw‑ibhoyero amwi nimbagira na okweresya echimari cha Emisango ja Ekisi kutyo jiri.

Bakolosai 1:26

Emisango ejo nibhwo obhutinge bhwa imbisike yaaye bhunu bhwariga bhubhisirwe okusookerera kara ku‑mayimbo goone. Nawe woori Nyamuwanga aabhusweruuye ku‑bheeru bhaaye.

Bakolosai 4:18

Anye Pawuro, enikaama obhukeesya bhunu kwa okubhoko kwani omwene. Mwichuke ati nibhoyerwe mw‑ibhoyero. Obhwitiriranya bhwa Nyamuwanga bhubhe aamwi na emwe.

1 Batesalonika 5:25

Woori, abhayiri bheeswe, muchisabhirwe eswe wone ku‑Nyamuwanga.

2 Timoteo 1:16

Enisabhwa Raatabhugenyi afwire echigongo abhaanu bha iika wa Onesifooro, kwa okubha kwiya kaafu aariga ˆnaakondisya omwoyo gwani. Ka wone, ꞉ateeswarire okuuja okundora, bhunu naariga nibhoyerwe amaseega.

2 Timoteo 2:9

Emisango ejo, nijo ejikora anye eninyaaka na okubhoywa amaseega rwa omukosi wa ebhibhiibhi. Nawe omusango gwa Nyamuwanga gutakutura okuyingwa.

2 Timoteo 4:2

Genderera okuraasya Emisango ja Ekisi ja Nyamuwanga. Ubhe wimaririiye okukora kutyo, omwanya gunu gwiyire amwi gunu guteeyire. Kengyaga, gonyaga na simbagirisyaga abhaanu. Ukore kutyo, kwa okwiyigisya mu‑bhwigumiirisya bhwone.

Filemoni 1:22

Aamwi na ejo, unyiraabhire orubhaara orwa okwikara, kwa okubha eniiyikanya ati, mu‑kusabhwa kwemwe, Nyamuwanga arinsakira niije kw‑imwe.