Bakolosai 3:8 - Indagano Inyaaya mu-Chijita

⁸ Nawe woori musige chimwi emisango ejo joone, aamwi na okubhiyirwa, risungu, obhujabhi, amafumo na emisango jinu jiri ja jiswaro jisige okusooka mu‑kanwa keemwe.

INDAGANO INYA:YA

⁸ Nawe woryanu emwe mwese binu byone, risungu, no bururu, no rwango no kufuma, no kusimura ebya maswaro mu kanwa kemwe.

Bakolosai 3:8 ပူးပေါင်းရင်းမြစ်များ

Matayo 5:22

Nawe anye enibhabhwira ati, omuunu woonewoone unu kaasoka oweejaabho, kaakenwa aramurwe. Ka wone, woonewoone unu kaafuma oweejaabho ati, ni mutaamutaamu, omwene wone kaakenwa aramurwe kw‑ibharaja rikuru rya Abhayawudi. Omuunu woonewoone unu kaafuma oweejaabho ati, ni mumuumu, kaakenwa eeswe mu‑muriro gwa akajaanende koone!

Mariko 7:22

obhwifi, obhwiti, obhuromesi, omuruuru gwa ebhiinu, obhujabhi, obhujigi, orukubho, orwiso, amafumo, echigundu na obhutaamutaamu.

Barumi 13:13

Chibhe na jitungwa ja ekisi rwa abhaanu bhanu bheekaaye mu‑bhweru bhwa mu‑mwisi. Chaasiga okubha abhananamba na abhakorwa. Chaasiga okukora imbaga yooneyoone ya orukubho na emisango ja jiswaro. Chaasiga okubha abha inyombo, noorwo okubha abha orwiso.

1 Bakorinto 3:3

kwa okubha muchaatangasibhwa na emisango ja echaaro. Angu, araabha agati yeemwe ruri‑wo orwiso na inyombo, ebhyo bhitakweresya ati muchaatangasibhwa na emisango ja echaaro na okwikara rwa abhaanu bha echaaro?

2 Bakorinto 12:20

Enuubhaya ati, omwanya gunu niribhaaja‑ko, amwi niribhasongʼana muri na akatungiiywe kanu katakunkondisya. Eryo ririreterera nikore jinu jitaribhakondera emwe. Enuubhaya ati enitura okubhasongʼana muri na inyombo, orwiso, risungu, orwango, okuromana, okwitemeeka, orwikuuya na injogere.

Bagalatia 5:15

Nawe mukarumana na okuwutaasyanya rwa jityanyi ja ibhara, mwiyangarire korereki mwasiga okusingaarisyanya.

Bagalatia 5:20

okuramya amasusano, obhurosi, obhusoko, inyombo, okwigomba bhya abhandi, risungu, orwango, isoroore, okwitemyako,

Bagalatia 5:26

Chisigega okwikumangya kutyo era, nichisoogorana na okujiranira orwiso.

Baefeso 4:22

꞉Mweeyigisiibhwe okufuura jitungwa jeemwe jimbiibhi ja obhusimukwa, bhumuunu bhwemwe bhwa kara, bhunu obhunyamurwa na obhurigire bhwabho bhwa okujiga.

Baefeso 4:25

Mbe, musige chimwi okubhwirana orubheeyi, mubhwiranega echimari bhuri muunu na oweejaabho, okubha bhuri owumwi weeswe ni chiwuga ku‑weejaabho.

Baefeso 4:26

Mukabhiyirwa mutaja okukora echibhiibhi, noorwo risuubha risige okugwa, risungu richaari okubheeka.

Baefeso 4:29

Omusango gwonegwone omujabhi gusige okusooka mu‑kanwa keemwe, tari gwa ekisi gunu gwiyire okukomeesya bhanu bhari na obhukene, korereki bhanu abhaguungwa bhayaanwe obhwitiriranya.

Baefeso 5:4

Musige wone okwayika emisango ja jiswaro, amwi okusimura emisango ja obhutaamutaamu, amwi emisango ja obhuseegu, ejo joone jitabheeyire. Nawe musiimega Nyamuwanga ku‑jinu abhakoreeye.

Bakolosai 3:5

Mbe woori, mwese kura chimwi emisango joone ja echaaro chinu jinu jiri mu‑myoyo jeemwe, emisango ejo ni bhuromesi, obhujabhi, okurigira okubhiibhi, obhwiganirisya obhubhiibhi, na okwisigombera ebhiinu. Okwisigombera ebhiinu kuri rwa okuramya amasusano na okusiga okuramya Nyamuwanga.

Bakolosai 3:9

Mwasiga okubhwirana orubheeyi, kwa okubha mufuurire chimwi bhumuunu bhwemwe bhwa kara aamwi na ebhikorwa bhyabhwo

1 Timoteo 1:13

noorwo kutyo ku‑bhwambiro naamufumaga na okunyaasya abhaanu bhaaye, naariga niri murakoko. Nawe, omwene ꞉aanfwiriiye echigongo, kwa okubha naariga ninkora ejo mu‑bhumuumu na naariga nitari na eriikirisya.

1 Timoteo 1:20

Mu‑bhaanu abho ari‑mo Imenaayo na Arekijanda. Abho nibhasigiiye Syetaani korereki bheeyigire, bhasige okufuma Nyamuwanga.

Baeburania 12:1

Mbe, kwa okubha chiri na echise echinene echo cha abhabhambaasi bhanu bhachisingiiye, chisoosye‑wo joone jinu ejichiyingirira na okusiga ebhibhiibhi bhinu bhichumiriiye‑ko. Ka wone chiikomeesye okukora jinu Nyamuwanga ateeye imbere yeeswe, rwa omuunu unu kaabhirima muno mu‑bhwigumiirisya.

Yakobo 2:7

Itari ati, nibho abho abhafuma risiina rya ekisi rya Yeesu Kirisito unu emwe muri abhaana bhaaye?

1 Petero 2:1

Mbe, musige obhujabhi bhwone, obhujigi bhwone, obhwirimaanya, orwiso noorwo okuroma oweejaanyu.

2 Petero 2:18

Abhaayika emisango ja orwikuuya na jinu jitari na obhugajuro, na mu‑kuruubha okurigira kwebhwe okubhiibhi kwa orukubho, abhatega abhaanu bhakore kutyokutyo. Abhaanu bhanu abhategwa, bhaamamara okwikirisya na okusiga okukora jinu abhanyamusi abhakora.

2 Petero 2:7

ˆNaawonʼya Ruuti, omuunu omurengeresi, unu ꞉aasurumbasiibhwe muno na akatungiiywe ka orukubho ka abhaanu abhanyamusi bha emisi ejo.

Yuuda 1:13

Bhatakutura okwiyingirira, bhari rwa amakonjo amanene ga mu‑nyanja ganu agasaaruuma, na ebhikorwa bhyebhwe bhya jiswaro ebhiswirana rwa rifiro rya amakonjo kutyo erifukumba. Bhari rwa jinjota jinu ejiyengayenga na okubhura. Echisuute echirafuru ti chibhiikirwe inguru yeebhwe akajaanende koone.

Yuuda 1:8

Noorwo kutyo indamu ya Nyamuwanga iri kutyo, abheeyigisya bha orubheeyi bharya, abharoota ebhirooto bhinu ebhireterera bhajabhiyaasye emibhiri jeebhwe, abherema obhuturo bhwa Nyamuwanga na okufuma ebhibhumbwa ebhya rikusyo bhya mu‑rwire.

Obhusweruro 16:9

Abhaanu nibhoochiibhwa kubhiibhi muno. Nibhafuma risiina rya Nyamuwanga kwa okubha omwene aariga ari na obhuturo ku‑tambara ejo, nawe ꞉bhataataaye ebhibhiibhi bhyebhwe ku‑mwene noorwo ꞉bhataamukusiisye.