Bakolosai 2:6 - Indagano Inyaaya mu-Chijita

⁶ Mbe woori, kwa okubha mweekirisya Kirisito Yeesu ati ni Raatabhugenyi, mugenderere okwikara muri na obhumwi nage.

INDAGANO INYA:YA

⁶ Rwa kutyo mwaramiye Yesu Kristo Ratabugenyi, mbe muribatega kutyo mu Mwene.

Bakolosai 2:6 ပူးပေါင်းရင်းမြစ်များ

Matayo 10:40

“Omuunu woonewoone unu kaabhakuma, kaabha aankumire. Ka wone, omuunu woonewoone unu kaankuma, kaabha akumire Nyamuwanga unu antumire.

Yowana 13:20

Ni chimari enibhabhwira ati, omuunu woonewoone unu kaakuma unu anye nitumire, kaankuma anye. Nyabhuriko, unu kaankuma anye, kaakuma unu ꞉aantumire.”

Yowana 14:6

Yeesu ˆnaamusubhya ati, “Anye naanye injira, echimari, na obhuwanga. Atari‑wo omuunu woonewoone unu kaatura okuuja ku‑Raata araabha ataturire kw‑anye.

1 Bakorinto 1:30

Nyamuwanga niwe abhagwatanyiisye emwe na Kirisito Yeesu. Omwene akorere Kirisito okubha obhwengeeso bhweswe. Nikwo okwayika ati okutura ku‑Yeesu chaabha abharengeresi imbere ya Nyamuwanga, chaabha abheeru, ka wone cheeruuywe.

2 Bakorinto 5:7

Chiikaaye ku‑njira ya eriikirisya, jitari ku‑njira ya okurora kwa ameeso.

Bagalatia 2:20

Bhumuunu bhwani bhwa kara bhwa ebhibhiibhi, ꞉bhwabhambirwe aamwi na Kirisito ku‑musarabha. Woori niri muwanga, nawe nitari anye unu niri muwanga, tari Kirisito niwe ari muwanga mu‑mwoyo gwani. Obhuwanga bhunu niri nabhwo omwanya gunu, niri nabhwo mu‑kwikirisya Omwana wa Nyamuwanga. Omwene ꞉aanyendere na okusoosya obhurame bhwaye inguru yaani, korereki nichunguke.

Bagalatia 3:26

Woori, emwe bhoone muri bhaana bha Nyamuwanga kwa eriikirisya ryemwe, kwa okubha muri na obhumwi na Kirisito Yeesu.

Baefeso 4:1

Kurwa ejo, anye unu niri mubhoywa inguru ya obhukosi bhwani ku‑Raatabhugenyi, enibheerembeeresya ati, murame ku‑njira inu iiyire obhubhirikisi bhunu Nyamuwanga abhabhirikiriiye.

Bafilipi 1:27

Mbe, omusango gwa bhusibhusi ni ati jitungwa jeemwe jingane na Emisango ja Ekisi ja Kirisito. Aribha naaja okubharora, amwi nikarema okuuja, eneenda okuungwa ati omugenderera okurumatana na okubha na obhumwi, ka wone ati muri aamwi mu‑kurwanirira eriikirisya rinu erisookana na Emisango ja Ekisi.

Bakolosai 1:10

Niwo muritura okurama rwa kutyo Raatabhugenyi Yeesu keenda na okumukondisya ku‑misango joone. Obhurame bhwemwe bhurimukondisya inguru ya emirimu jeemwe ja ekisi, ka wone murigenderera okukura mu‑kumenya Nyamuwanga.

Bakolosai 3:17

Omusango gwonegwone gunu omwayika, amwi echiinu choonechoone chinu omukora, mubhikore kw‑isiina rya Raatabhugenyi Yeesu, nimusiimaga Raata Nyamuwanga okutura ku‑mwene.

1 Batesalonika 4:1

Mbe, abhayiri bheeswe, ꞉chaabheeyigisiisye kutyo ejikenwa murame, korereki mukondisye Nyamuwanga. Chimari omukora kutyo ꞉mweeyigiiye. Woori, echibheerembeeresya ku‑bhuturo bhwa Raatabhugenyi Yeesu ati, mukore kisi muno okukira kutyo mwariga nimukora.

Baeburania 3:14

Okubha chiri na obhumwi na Kirisito araabha chikagenderera okwiyikanya Nyamuwanga okukingira ku‑bhuteero, rwa kutyo chamwiyikanyaga ku‑bhwambiro.

1 Yoana 2:6

Omuunu unu kaayika ati ari na obhumwi na Nyamuwanga, kaakenwa akore rwa kutyo Yeesu aariga ˆnaakora.

1 Yoana 5:20

Ka wone, echimenya ati Omwana wa Nyamuwanga eejire mu‑chaaro munu, achiyaanire obhwenge, korereki chisombookerwe Nyamuwanga wa echimari. Chiri na obhumwi na Nyamuwanga wa echimari, kwa okubha chiri na obhumwi na Omwana waaye Yeesu Kirisito. Omwene niwe Nyamuwanga wa echimari, unu ari bhuwanga bhwa akajaanende koone.

Yuuda 1:3

Abheendwa bhaani, neegombaga muno okubhakaamira inguru ya obhuchungusi bhunu echisangira aamwi bhoone. Nawe, woori enirora ati, ni bhusibhusi nibhakaamire inyarubha inu, korereki nibheerembeeresye ati, murwanirire echimari cha eriikirisya rinu Nyamuwanga ꞉aayaaye abheeru bhaaye rumwi era.