Bakolosai 2:4 - Indagano Inyaaya mu-Chijita

⁴ Enibhakaamira ejo, korereki mwasiga okwikirisya omuunu woonewoone okubhajiga kwa emisango ja orubheeyi, noorwo jikabha jiri ja okukongya muno.

INDAGANO INYA:YA

⁴ Ena:ika ati, mu:nu wo:ne asiga kubabebeya ne bigambo byo kukongyakongya.

Bakolosai 2:4 ပူးပေါင်းရင်းမြစ်များ

Matayo 24:24

Bhariibhuka abharagi abhabheeyi na abhaanu bhanu bharibhaga nibheetoga ati ni Kirisito. Bharibhaga nibhakora ebhibharikisyo bhyafu na ebhiruguusyo. Kutyo, bhariregeeja okujiga abhaanu na araabha ikaturikeene, bhakaregeejere na abhasorwa bha Nyamuwanga.

Matayo 24:4

Yeesu ˆnaabhasubhya ati, “Mwangarire, omuunu woonewoone aasiga okubhajiga!

Mariko 13:22

Bhariibhuka abharagi abhabheeyi na abhaanu bhanu bharibhaga nibheetoga ati ni Kirisito. Bharibhaga nibhakora ebhibharikisyo na ebhiruguusyo, korereki bhajige abhaanu na araabha ikaturikeene, bharegeeje okujiga na abhasorwa bha Nyamuwanga.

Ebikorwa 20:30

Noorwo agati yeemwe abheene, bhariibhuka‑mo abhaanu bhanu bharyayika emisango jinu jitari ja echimari, korereki bhakurure abheeyigisibhwa, bhabharuubhirire abheene.

1 Bakorinto 2:4

Omwanya gunu naariga niniiyigisya na okuraasya, ꞉nitaakorere kutyo mu‑bhwengeeso bhwani, korereki nikongye abhaanu ku‑songa ya obhwengeeso. Tari amanaga ga Mwoyo Mweru nigo gaariga nigeeresya echimari.

2 Bakorinto 11:3

Nawe woori enuubhaya ati, rwa kutyo Aawa ꞉aajigirwe na injoka irya indigendige, na emwe wone mwasiga okujigwa, nimusiga okwenda Kirisito mu‑bhwiyikanyibhwa na omutima omweru.

Bagalatia 2:4

Omusango gwa okutenda ogwo ꞉gwabhusiibhwe na abhaanu bhanu bhaariga nibheekora wuti ni bhayiri bheeswe. Abhaanu abho, ꞉bheeyingisiisye mu‑bhumbise okutatirisya obhwitaage bhweswe bhunu ꞉chaayaaywe na Kirisito Yeesu. Obhukarariiye bhwebhwe bhwariga bhuri kuchikora chibhe abhagaya bha ebhiraagiro bhya Muusa.

Baefeso 4:14

Mbe, chitaribha rindi rwa abhaana abharera, nichiyeemusibhwa na okugegwa enu na eyi na omuyaga gwa ameeyigisyo ga orubheeyi. Ameeyigisyo ago, ageeyigisibhwa mu‑bhurigerige na obhwengeeso bhwa abhaanu, bhanu abheetemeeka ja orubheeyi.

Baefeso 4:17

Mbe, enibhakengya na okubharagirira kw‑isiina rya Raatabhugenyi ati, okwambira woori musige okurama rwa abhaanu bhanu bhatakumenya Nyamuwanga kutyo bharamire mu‑bhwiganirisya obhubhiibhi.

Baefeso 5:6

Mwasiga okwikirisya omuunu woonewoone okubhajiga kwa emisango ja kutyo era, okubha ebhibhiibhi ebhyo bhyone, nibhyo ebhikora risungu rya Nyamuwanga niriitika ku‑bhanyatagayuka.

Bakolosai 2:18

Bhari‑wo abhaanu bhanu abhakomeeresya muno emisango ja okwikeeya kwa anja na eja okuramya bhamaraayika. Mwasiga okubheekirisisya bhabhateesye echiyaanwa cheemwe. Abhaanu abho abheekuuya na okwayika ati bhaarora emisango ejo mu‑bhiroro. Nawe chimari, bhawosoosokere mu‑bhwiganirisya bhwebhwe obhubhiibhi kwa okubha ni bhwa echaaro.

Bakolosai 2:8

Mubhe mwiyangariiye, omuunu woonewoone aasiga okubhayabhya kwa ameeyigisyo ga kutyo era na ga orubheeyi. Ameeyigisyo ago, agaruubhana na obhusimukwa bhwa abhaanu, na obhutinge bhwa akatungiiywe bhwa echaaro chinu. Ameeyigisyo ago gatakusooka ku‑Kirisito,

2 Timoteo 2:16

Wiikenge na emisango emijabhi jinu jitari na obhugajuro bhwonebhwone na jinu jitakuyaana Nyamuwanga rikusyo. Okubha ejo ejisoosya abhaanu ku‑mwene nijibhasira kura muno.

2 Timoteo 3:13

Nawe bhanu abhakora ebhibhiibhi na abhajigi, bharigenderera okukora ebhibhiibhi muno, bharibhaga nibhajiga na okujigwa.

1 Yoana 2:18

Abhaana abheendwa mu‑riikirisya, jisiku ja obhuteero jaakinga! Mwonguuwe ati omusoko wa Kirisito kaaja, noorwo woori abhasoko abhaafu bha Kirisito bheejire. Kutyo nikwo echimenya ati chiri mu‑siku ja obhuteero.

1 Yoana 2:26

Nibhakaamiiye emisango ejo, korereki okubhakengya inguru ya abhaanu bhanu abharegeeja okubhayabhya.

1 Yoana 4:1

Abheendwa bhaani mu‑riikirisya, musige okwikirisya bhuri muunu unu kaayika ati, ari na Mwoyo wa Nyamuwanga. Tari mutatirisye kisikisi korereki mumenye chimari araabha omuunu oyo, kaatangasibhwa na Mwoyo wa Nyamuwanga. Mukore kutyo, kwa okubha abharagi abhaafu bha orubheeyi bheebhukire mu‑chaaro munu.

2 Yoana 1:7

Mbe, enaayika kutyo, kwa okubha abhabheeyi bhaafu bheebhukire ku‑chaaro kunu. Abhaayika ati Yeesu Kirisito ꞉eejire atari na omubhiri rwa gwa omuunu. Omuunu woonewoone unu kaayika kutyo ni omubheeyi, ka wone niwe omusoko wa Kirisito.

Obhusweruro 12:9

Riyoka eryo, niryeswa ku‑chaaro anu. Eryo, niyo injoka ya kara irya, inu eyitogwa ati, Mubheeyeresya amwi Syetaani. Eyijiga abhaanu bhoone ku‑chaaro bhakore ebhibhiibhi. Chimari ryeserwe ku‑chaaro anu aamwi na bhamaraayika bhaaryo.

Obhusweruro 13:8

Abhaanu bhoone ku‑chaaro choone bhariramya rityanyi eryo, nawe abhaanu bhoone bhanu amasiina geebhwe gakaamirwe mu‑chitabho cha obhuwanga, okusookerera echaaro chichaari okubhumbwa bhataririramya. Echitabho echo ni cha Omwana wa Inaama unu ꞉aatemerwe omutwe.

Obhusweruro 20:8

Mbe, omwanya gunu ariigurirwa, arigenda okujiga amaanga mbaara joone ja echaaro, ganu agatogwa Googu na Amagogi. Syetaani aribhakofya korereki bharwane riremo, wone bharibha abharuubhirisya bhaafu rwa omusenyi gwa inyanja.