Bakolosai 2:2 - Indagano Inyaaya mu-Chijita

² Enikora kutyo, korereki emyoyo jeemwe bhoone, jisimbiisibhwe na okugwatanyibhwa aamwi mu‑ryenda. Eneenda murumatane chimwi mu‑kusombookerwa, na okumenya obhutinge bhwa imbisike ya Nyamuwanga bhunu ku‑bhwambiro bhwariga bhubhisirwe. Imbisike eyo nikwo okumenya Kirisito omwene.

INDAGANO INYA:YA

² Korereki emitima jebwe jisi:ri:sibwe, baumbwe aamwi mu kwendana, bakinge ku buni:bi bwone obwo kusombo:kerwa no kumenya kata, bamenye obumbise bwa Nyamuanga niwe Kristo.

Bakolosai 2:2 ပူးပေါင်းရင်းမြစ်များ

Matayo 11:25

Omwanya ogwoogwo Yeesu ˆnaayika ati, “Raata, Raatabhugenyi wa orwire na echaaro choone! Enikusiima kwa okubha, emisango jinu ꞉waakorere okubha mbisike ku‑bhaanu abha obhwengeeso na abhamenyi, wajisweruuye abhwerubhweru ku‑bhaanu bhanu bhari na eriikirisya rwa abhaana abharera.

Matayo 11:27

Neeya Yeesu ˆnaabhwira abhaanu ati, “Raata waani anaaye bhyone. Atari‑wo omuunu unu kaamenya kutyo anye Omwana wa Nyamuwanga niri, tari Raata wenyere. Ka wone, atari‑wo omuunu unu kaamenya Raata kutyo ari, tari anye Omwana waaye era, na bhuri muunu unu Omwana waaye keenda okumuswerurira.

Matayo 13:11

ˆNaabhasubhya ati, “Emwe, Nyamuwanga abhayaaye obhuturo bhwa okusombookerwa emisango jinu jichaari mbisike inguru ya obhukama bhwaye. Nawe abheene bhatayaaywe obhuturo bhwa okujisombookerwa.

Ruuka 1:1

Tewofiiro owa echibharo, abhaanu bhaafu bhaariga bheekomeesiisye, okukaama inguru ya emisango jinu ꞉jaakorekeene agati yeeswe.

Yowana 10:30

Anye na Raata chiri chiinu chimwi.”

Yowana 10:38

Nawe araabha enikora emirimu jinu Raata kaakora, noorwo araabha mutakunyikirisya anye, mbe mwikirisye emirimu ejo. Niwo omuja okusombookerwa chimari ati, Raata ari na obhumwi na anye, anye wone niri na obhumwi na Raata.”

Yowana 16:15

Bhyone bhinu Raata ari nabhyo ni bhyani. Nikwo okukora enaayika ati, Mwoyo oyo aribhabhwira joone jinu koongwa okusooka kw‑anye.

Yowana 17:3

Obhuwanga bhwa akajaanende nibhwo bhunu, abhaanu bhakumenye awe, Nyamuwanga eenyere wa chimari, ka wone, bhammenye anye Yeesu Kirisito, unu awe ꞉waantumire.

Yowana 5:17

Nawe Yeesu ˆnaabhabhwira ati, “Raata waani kaakora emirimu siku joone, ogwo nigwo ogukora anye wone nikore rwa omwene.”

Yowana 5:23

Raata ꞉aakorere kutyo, korereki abhaanu bhoone bhayaane Omwana echibharo rwa kutyo abhayaana Esemwene echibharo. Omuunu woonewoone unu atakuyaana Omwana echibharo, oyo atakuyaana echibharo Raata unu ꞉aamutumire.

Yowana 6:69

Eswe echiikirisya, ka wone chimenyere ati, awe naawe Omweru wa Nyamuwanga.”

Ebikorwa 4:32

Abheekirisya bhoone bhaariga bhari na mwoyo gumwi na omutima gumwi. Aariga atari‑wo noorwo omuunu umwi unu ebhiinu bhyaye ꞉aakorere okubha bhyaye omwene era, nawe bhaariga nibhasangira ebhiinu bhyone.

Barumi 15:13

Nyamuwanga niwe echiiyikanya ati arikora joone jinu ꞉aachiragire. Kurwa ejo, enibhasabhirwa ati, abhayaane rikonderwa ryone na omurembe omwanya gunu omugenderera okumwikirisya. Awo niwo muribha na obhwiyikanyo obhunene, muribha nabhwo ku‑managa ga Mwoyo Mweru.

Barumi 16:25

Woori, chikusye Nyamuwanga! Omwene kaatura okukora mubhe nimurumatana mu‑riikirisya ryemwe, okutura ku‑Misango ja Ekisi inguru ya Yeesu Kirisito jinu naariga nindaasya kw‑imwe. Emisango ejo nijo obhutinge bhwa imbisike bhunu bhwariga bhubhisirwe kara,

Barumi 2:4

Nyamuwanga ni wa kisi muno, kaakufwira echigongo chaafu, na kaakwigumiirisya muno. Nawe awe woori, oweenda okugaya ejo joone? Utakumenya ati kaakweresya bhwa ekisi bhwaye, korereki uture okuta ebhibhiibhi bhyawo?

1 Bakorinto 14:31

Ku‑njira eyo, bhuri umwi kaabhona omwanya gwa okwayika, korereki abhaanu bhoone bheeyigisibhwe na okusimbiisibhwa.

1 Bakorinto 2:12

Nyamuwanga ꞉ataachiyaaye obhwiganirisya bhwa ku‑chaaro kunu, tari ꞉aachiyaaye Mwoyo waaye, korereki chimenye jinu chiyaaywe ku‑bhwitiriranya bhwa Nyamuwanga.

Bagalatia 3:28

Kurwa ejo, bhutari‑wo obhutaasyanya agati ya Omuyawudi na Omuyunaani, amwi omugaya na omuunu omwitaage, amwi omurume na omugasi. Bhoone muri chiinu chimwi, kwa okubha muri na obhumwi na Kirisito Yeesu.

Baefeso 1:7

Okubha ku‑sagama ya Kirisito cheeruuywe, nikwo okufwirwa echigongo ebhibhiibhi bhyeswe bhyone. Ku‑njira eyo, Nyamuwanga ꞉aacheeresiisye obhuniibhi bhwafu muno bhwa obhwitiriranya bhwaye.

Baefeso 3:16

Enimusabhwa ati, okuruubhana na rikusyo ryaye eryafu abhayaane amanaga ku‑njira ya Mwoyo waaye, murumatanega ndindindi mu‑myoyo jeemwe,

Baefeso 3:3

Rwa kutyo nikaamire kwa emisango emitooto ku‑bhwambiro bhwa inyarubha inu, Nyamuwanga omwene ꞉aasweruuye obhutinge bhwa imbisike yaaye kw‑anye.

Baefeso 6:22

Naamutuma kw‑imwe, korereki abhabhwire emisango jeeswe na okusimbiisya emyoyo jeemwe.

Bafilipi 2:1

Mbe araabha omusiiriisibhwa mu‑kubha na obhumwi na Kirisito, araabha omufungʼamibhwa na ryenda ryaye, araabha muri na obhumwi na Mwoyo Mweru, araabha omwendwa na okufwirwa echigongo na Kirisito,

Bafilipi 3:8

Noorwo jitari ejo era, tari enibhara emisango joone ati ni kufwirwa‑mo ukeenganyirisya na omuriiro gwa okusombookerwa Kirisito Yeesu Raatabhugenyi waani. Inguru ya omwene, naasiga kata emisango joone. Enijirora rwa amafwi, korereki nisombookerwe Kirisito kisi,

Bakolosai 1:26

Emisango ejo nibhwo obhutinge bhwa imbisike yaaye bhunu bhwariga bhubhisirwe okusookerera kara ku‑mayimbo goone. Nawe woori Nyamuwanga aabhusweruuye ku‑bheeru bhaaye.

Bakolosai 1:27

Nyamuwanga ꞉eendere okubhaswerurira bhwa ekisi bhwa obhutinge bhwa imbisike ya okuruguusya, noorwo inguru ya abhaanu bhanu bhatari Bhayawudi. Obhutinge obhwo ni ati Kirisito ari mu‑myoyo jeemwe, ka wone, omwene niwe kaabhayaana obhwiyikanyo ati murisangira rikusyo rya Nyamuwanga.

Bakolosai 1:9

Kurwa ejo, chichaariga okusiga okubhasabhirwa, okusookerera orusuku runu ꞉choonguuwe emisango jeemwe. Echisabhwa Nyamuwanga abhayaane okumenya kwone ku‑joone jinu omwene keenda. Ku‑ogwo, abhayaane obhwengeeso bhwone na okusombookerwa kunu okusooka ku‑Mwoyo Mweru.

Bakolosai 2:19

Abhaanu abho bheekindikire okusooka ku‑Kirisito omutangasya wa rikanisa, niwe omutwe gwa omubhiri gwaye. Kirisito niwe kaariisya na okugwatanya aamwi ebhiwuga na jinga joone. Ku‑njira eyo, omubhiri gwaye gwone ogukura kisi rwa kutyo Nyamuwanga keenda.

Bakolosai 3:14

Okukira ejo joone mwendane, kwa okubha eryenda niryo eribhagwatanya emwe bhoone mu‑bhumwi bhunu bhukuumiiye.

Bakolosai 4:3

Muchisabhirwe eswe wone, korereki Nyamuwanga achiigurire orwigi rwa okuraasya omusango gwaye inguru ya Kirisito gunu kara gwariga gubhisirwe. Anye nibhoyerwe inguru ya okuraasya omusango ogwo.

Bakolosai 4:8

Naamutuma kw‑imwe korereki abhabhwire emisango jeeswe na okusimbiisya emyoyo jeemwe.

1 Batesalonika 1:5

Echimenya kutyo, kwa okubha omwanya gunu ꞉chaabharaasisiisye Emisango ja Ekisi inguru ya Yeesu, ꞉chitaabharaasisiisye emisango era. Tari okuraasya kweswe, ꞉kwaruubheene na ebhiruguusyo bhinu bhyakorwaga na Mwoyo Mweru. ꞉Chaaraasiisye chimenyere kisi ati, emisango ejo ni ja echimari. Emwe abheene mumenyere kutyo chaariga chiri aamwi na emwe, korereki chibhasakire.

1 Batesalonika 3:2

Nichituma Timoteewo omuyiri weeswe, korereki aaje okukomeesya emyoyo jeemwe na okubhasimbiisya inguru ya eriikirisya ryemwe. Omwene ni mukosi weejaasu wa Nyamuwanga, wa okuraasya Emisango ja Ekisi inguru ya Kirisito.

1 Batesalonika 5:14

Emwe, abhayiri bheeswe, echibheerembeeresya mugonye abharenga na musimbiisye bhoone bhanu bhafuuwe emitima. Ka wone musakire bhanu bhatari na amanaga na mubhe na obhwigumiirisya ku‑bhaanu bhoone.

1 Timoteo 3:16

Echimari chinu Nyamuwanga asweruuye ni cha okuruguusya na nicho chinu, Kirisito ꞉eesweruuye mu‑mubhiri, ˆnaayikwa na Mwoyo Mweru ati ni murengeresi, ˆnaabhonekana ku‑bhamaraayika, ˆnaaraasibhwa mu‑maanga goone, ˆneekirisibhwa na abhaanu bha mu‑chaaro, ˆnaagegwa okuja inguru mw‑ikusyo.

Baeburania 10:22

Kurwa ejo chifogere imbere ya Nyamuwanga chiri na emyoyo emyeru na eriikirisya rya echimari, okubha Nyamuwanga eesiisye emitima jeeswe emijabhi ku‑njira ya isagama ya Yeesu, na oosiisye emibhiri jeeswe na amanji ameeru.

Baeburania 6:11

Eniigomba muno ati bhuri umwi weemwe eeresyega okwikomeesya okwookwo okukingira ku‑bhuteero, korereki muramire joone jinu omwiyikanya.

2 Petero 1:10

Mbe, abhayiri bhaani, mwikomeesye muno okweresya chimari ati Nyamuwanga abhabhirikiiye na okubhasora. Araabha muramire ku‑njira eyo, mtariikuujura wuri.

2 Petero 1:3

Nyamuwanga okutura ku‑bhuturo bhwaye, achiyaaye emisango joone jinu echikena, korereki chibhe na obhuwanga na chimuyaane echibharo. Achiyaaye ejo, ku‑njira ya okumumenya unu achibhirikiiye ku‑songa ya rikusyo na obhwa ekisi bhwaye omwene.

2 Petero 3:18

Tari mugenderere okukura mu‑bhwitiriranya bhwa Raatabhugenyi na Omuchungusi weeswe Yeesu Kirisito, na mu‑kumumenya. Omwene akusibhwe, woori na akajaanende koone. Jibhe kutyo.

1 Yoana 3:19

Araabha chikeendana kutyo, niwo echimenya ati, chiri bhaana bha echimari bha Nyamuwanga. Ka wone, emyoyo jeeswe ejifuungʼama imbere yaaye.

1 Yoana 5:7

Ka wone, Mwoyo Mweru niwe kaasoosya obhubhambaasi ati ejo ni ja echimari, kwa okubha omwene niwe echimari.