Bakolosai 2:16 - Indagano Inyaaya mu-Chijita

¹⁶ Mbe, omuunu woonewoone aasiga okubharamura kwa okubha omurya ebhiryo na okunywa ebhinywebhwa ebhirebhe bhinu abhaayika ni misiro, amwi kwa okubha mutakuruubha obhusimukwa bhwa jichikukuru ja obhuregesi bhwebhwe, amwi ichikukuru ya okwesi okubhonekana, amwi orusuku rwa Isabhaato.

INDAGANO INYA:YA

¹⁶ Mbe mu:nu wo:ne asiga kubatemera ci:na mu byo kurya amwi mu byo kunywa, amwi kurwo kuboneka kwo kwesi, amwi kurwa jisiku ja jisabato,

Bakolosai 2:16 ပူးပေါင်းရင်းမြစ်များ

Matayo 15:11

“Muntegeresye kisi na okusombookerwa emisango jinu enibhabhwira! Bhitari ebhiinu bhinu ebhiingira mu‑kanwa bhinu ebhijabhiyasya omuunu. Tari, emisango jinu ejisooka mu‑kanwa kaaye, nijo ejimujabhiyasya.”

Mariko 7:19

Ebhiryo bhitakwingira mu‑mwoyo, tari ebhitura mu‑nda era na nibhisooka mu‑mubhiri gwaye nibhisirwa emwira.” Yeesu ꞉aayikire kutyo, obhugajuro bhwaye bhuri ati, ebhiryo bhyone bhibhe nibhiriibhwa.

Ebikorwa 15:20

Echikenwa era okubhakaamira inyarubha okubheeresya ati bhasige okurya ebhiryo bhinu bhisoosiibhwe inguru ya okuramya amasusano, obhuromesi, okurya jityanyi jinu jiitirwe kwa okubhuutwa noorwo okunywa orwamba.

Barumi 14:10

Woori, awe naawe ga unu owuramura omwikirisya oweejaanyu? Awe wone, kurwa ki owugaya oweejaanyu? Eswe bhoone chiriimereeguru imbere ya echitebhe cha indamu cha Nyamuwanga, na ariramura bhuri umwi weeswe.

Bagalatia 4:10

Kurwa ki omufurubhenda na okukuumisya jitungwa ja Echiyawudi ja jisiku, ameesi, emyanya na emiguuga? Omwitogera ati ku‑njira eyo omuyaana Nyamuwanga echibharo?

Bakolosai 2:20

Emwe, ꞉mwafuuwe aamwi na Kirisito, kutyo ꞉aabhachunguuye okusooka ku‑bhutinge bhwa akatungiiywe bhwa echaaro chinu. Mbe, ni kurwa ki muchaagayuka ebhiraagiro bhyebhwe, na okwikara rwa abhaanu bha ku‑chaaro kunu? Ebhiraagiro ebhyo nibhyo bhinu,

Baeburania 13:9

Musigega okugegwagegwa na ameeyigisyo maafumaafu amagenyi, kwa okubha obhwitiriranya bhwa Nyamuwanga nibhwo obhurumatanya emyoyo jeemwe, noorwo bhitari ebhiraagiro inguru ya ebhiryo. Ebhiraagiro ebhyo bhitakusakira gwonegwone ku‑bhaanu bhanu abhabhiruubha.

Baeburania 9:10

Okubha emisango ejo jaariga jiri ja echinyamubhiri, ja ebhiryo, ja ebhinywebhwa, na eja okwiyesya emibhiri era. Ejo joone jiriwaa‑wo omwanya gunu Nyamuwanga arituura‑wo obhutinge obhuyaaya.

Yakobo 4:11

Bhayiri bhaani, musigega okuromana, kwa okubha unu kaaroma oweejaabho, amwi okuramura oweejaabho, oyo niwe kaabha agayire ebhiraagiro bhya Nyamuwanga. Omwanya gunu owikora okubha omuramusi wa ebhiraagiro keenu awe utari omuramusi waabhyo, niwo owubha utakubhigayuka, waabha omuramusi wa okuramura ebhiraagiro.