Bakolosai 1:9 - Indagano Inyaaya mu-Chijita

⁹ Kurwa ejo, chichaariga okusiga okubhasabhirwa, okusookerera orusuku runu ꞉choonguuwe emisango jeemwe. Echisabhwa Nyamuwanga abhayaane okumenya kwone ku‑joone jinu omwene keenda. Ku‑ogwo, abhayaane obhwengeeso bhwone na okusombookerwa kunu okusooka ku‑Mwoyo Mweru.

INDAGANO INYA:YA

⁹ Neswe kwecikora niciremo:siga okubasabirwa, kuso:ka ku rusiku runu conguywe, nicibaremberesisya, korereki mwijusibwe okumenya binu kenda, mu bwenge bwone na mu kusombo:kerwa kwo mwoyo.

Bakolosai 1:9 ပူးပေါင်းရင်းမြစ်များ

Yowana 7:17

Omuunu woonewoone unu keenda okukora kutyo Nyamuwanga keenda, oyo kaja okusombookerwa ati, ameeyigisyo gaani gasookere ku‑Nyamuwanga. Ka wone kaja okusombookerwa ati, nitakwayika ku‑bhuturo bhwani omwene.

Ebikorwa 12:5

Kurwa ejo Peetero ꞉aabhoyerwe mw‑ibhoyero, nawe abheekirisya bhaariga nibheekomeesya muno okumusabhirwa ku‑Nyamuwanga.

Barumi 12:2

Mwasiga okuruubha jitungwa ja abhaanu bha echaaro chinu, nawe musige Nyamuwanga ayindure emitima jeemwe, korereki mubhe na obhwiganirisya obhuyaaya. Awo niwo muriiyigira okumenya jinu Nyamuwanga keenda kwa okujikora. Murimenya ati ni misango ki jinu jiri ja ekisi, jinu ejimukondisya, ka wone jinu jikuumiiye.

1 Bakorinto 1:5

Mu‑kubha na obhumwi na Kirisito muniibhire mu‑bhuri musango, chimwichimwi mu‑kwayika kwemwe na mu‑bhumenyi bhwemwe.

Baefeso 1:8

꞉Aachisaagirisisiisye obhwitiriranya obhwo, mu‑bhwengeeso bhwone na mu‑kusombookerwa kwone.

Baefeso 5:10

Muregeejega okwiyigira emisango jinu ejikondesya Raatabhugenyi.

Baefeso 5:17

Mbe, musige okubha abhataamutaamu, nawe musombookerwe okwenda kwa Raatabhugenyi.

Baefeso 6:6

Mubhagayukega, itari ku‑mwanya gunu abhabharora, muri rwa abhaanu bhanu abheekondya, tari mukuumisyega okwenda kwa Nyamuwanga kwa mwoyo gwone, rwa abhakosi bha Kirisito.

Bafilipi 1:4

Ka wone omwanya gwone bhunu enibhasabhirwa, enisabhwaga nikondereywe,

Bakolosai 1:6

Emisango ja Ekisi jinu ꞉jaakingire kw‑imwe, woori ejiswirana mu‑chaaro choone. Ejigenderera okukora abhaanu bhatwasye amatwasyo na okukura echinyamwoyo, rwa kutyo ꞉jaakorekeene kw‑imwe okusookerera orusuku runu ꞉mwoonguuwe inguru ya obhwitiriranya bhwa Nyamuwanga na okusombookerwa kisi kutyo obhwitiriranya bhwaye bhuri.

Bakolosai 3:16

Omusango gwa Kirisito gwikare kwa obhwafu mu‑myoyo jeemwe, keenu nimwiyigisyanya na okukengyanya mu‑bhwengeeso bhwone. Mwimbire Nyamuwanga kwa emyoyo jeemwe na okumusiima, okutura mu‑jabhuri, mu‑nyimbo na jinyimbo ja echinyamwoyo.

Bakolosai 4:12

Epaafura, omukosi wa Kirisito Yeesu, ka wone ni muunu wa ewaanyu eyo, kaabhakeesya. Bhuri mwanya keekomeesya okubhasabhirwa korereki murumatane echinyamwoyo mu‑riikirisya ryemwe na okubha na echimari inguru ya okwenda kwone kwa Nyamuwanga.

Bakolosai 4:5

Mubhe na obhwengeeso mu‑bhungwani bhwemwe na abhaanu bhanu bhachaari okwikirisya Yeesu. Bhuri mwanya, mukorega ja ekisi.

1 Batesalonika 1:3

Bhunu echibhasabhirwa ku‑Nyamuwanga Raata weeswe, echiichuka imbere yaaye, emirimu jeemwe jinu omukora mu‑riikirisya. Echiichuka okukomeera kwemwe kunu okuruubhana na eryenda ryemwe, ka wone, okwigumiirisya kwemwe kunu okuruubhana na obhwiyikanyo bhwemwe bhwa okusubha rindi Raatabhugenyi Yeesu Kirisito.

1 Batesalonika 5:17

mwasiga okuyigwa okusabhwa Nyamuwanga.

2 Batesalonika 1:11

Kurwa ejo, echisabhwa Nyamuwanga weeswe bhuri rusuku ati, abhayaane obhuturo bhwa okwikara obhurame bhunu abhabhirikiiye mwikare. Ka wone, echimusabhwa ati, ku‑bhuturo bhwaye akuumisye bhuri musango gwa ekisi gunu omukena okukora na akuumisye bhuri musango gunu omukora mu‑riikirisya.

Filemoni 1:4

Omwanya gwone gunu enikusabhirwa, enisiima Nyamuwanga,

Filemoni 1:6

Enisabhwa Nyamuwanga ati, eriikirisya rinu owusangira aamwi na eswe, rikusakire okumenya muno bhuri echiinu cha ekisi chinu echikenwa okukora inguru ya Kirisito.

Baeburania 10:36

Mwenderwe mwigumiirisyega, korereki mubhe nimukora jinu Nyamuwanga keenda. Ku‑njira eyo, muriramira jinu Nyamuwanga ꞉aaragire okubhayaana.

Baeburania 13:21

Nyamuwanga abhayaane amanaga ga okukora okwenda kwaye. Ka wone akore mu‑myoyo jeeswe jinu ejimukondisya ku‑njira ya Yeesu Kirisito. Omwene akusibhwe akajaanende koone. Jibhe kutyo.

Yakobo 1:5

Nawe araabha ari‑wo omuunu mw‑imwe unu akeeyeeywe obhwengeeso, kaakenwa asabhwe Nyamuwanga, omwene arimuyaana. Okubha Nyamuwanga kaayaana abhaanu bhoone, ku‑bhwafu, noorwo atakugonya wuri.

Yakobo 3:17

Nawe obhwengeeso bhunu obhusooka ku‑Nyamuwanga, cha okwamba ni obhweru, ka wone ni murembe na ni bhworooro, ni bhwangu okutegeresya abhaanu abhandi, bhwijuuye echigongo na ebhikorwa bhya ekisi, bhutakusoroora abhaanu noorwo bhutari na obhwirimaanya.

1 Petero 2:15

Nyamuwanga keenda ati, mukore ebhikorwa bhya ekisi, korereki mujibhisye abhaanu abhamuumu bhanu bhatakumenya emisango jaaye.

1 Petero 4:2

Ku‑njira eyo, jisiku jaaye joone jinu jisigaaye omwene okwikara ku‑chaaro kunu, ariikara rwa kutyo Nyamuwanga keenda, kutari okuruubha obhurigire bhwa echinyamuunu.

1 Yoana 2:17

Echaaro aamwi na okurigira kwacho okubhiibhi, bhiri na obhuteero. Nawe woonewoone unu kaakora jinu ejikondera Nyamuwanga, kaabha na obhuwanga bhwa akajaanende.

1 Yoana 5:20

Ka wone, echimenya ati Omwana wa Nyamuwanga eejire mu‑chaaro munu, achiyaanire obhwenge, korereki chisombookerwe Nyamuwanga wa echimari. Chiri na obhumwi na Nyamuwanga wa echimari, kwa okubha chiri na obhumwi na Omwana waaye Yeesu Kirisito. Omwene niwe Nyamuwanga wa echimari, unu ari bhuwanga bhwa akajaanende koone.