Bakolosai 1:7 - Indagano Inyaaya mu-Chijita

⁷ Emwe, ꞉mweeyigisiibhwe Emisango ja Ekisi ejo na Epaafura. Omwene ni weejaasu omwendwa na omukosi omwiyikanyibhwa wa Kirisito inguru yeemwe.

INDAGANO INYA:YA

⁷ Rwa kutyo mweigisibwe na Epafura, omugaya we:ja:su omwendwa, niwe omukosi omwiikanyibwa owa Kristo kurwemwe,

Bakolosai 1:7 ပူးပေါင်းရင်းမြစ်များ

Matayo 18:29

Omugaya oweejaabho ˆneefukama imbere yaaye, ˆnaamwirembeeresya ati, ‘Enisabhwa unyigumiirisye, nirikuriya ribhanja ryawo ryone!’

Matayo 24:45

Yeesu ˆnaabhuusya abheeyigisibhwa bhaaye ati, “Mbe, ni mugaya ki omwiyikanyibhwa na owa obhwengeeso? Ni mugaya unu omwami waaye ateeye‑wo okubha omwangarisi wa bhagaya abhandi mu‑nju yaaye, korereki abhe ˆnaabhayaana ebhiryo ku‑mwanya gwaye.

Matayo 25:21

“Mwami waaye ˆnaamubhwira ati, ‘Ukorere kisi muno. Awe uri mugaya wa ekisi na omwiyikanyibhwa! Wamaabha omwiyikanyibhwa ku‑bhitooto bhinu ꞉naakuyaaye, kurwa ejo enija okukukora okubha omwangarisi wa obhuniibhi bhwafu. Nuuwuuje chikonderwe aamwi.’

1 Bakorinto 4:17

Ku‑songa eyo, ꞉naatumire Timoteewo, omwana waani omwendwa, unu ari mwiyikanyibhwa ku‑mirimu ja Raatabhugenyi. Omwene kaja okubheechukya kutyo anye eniruubha Kirisito, jiri rwa kutyo eniiyigisya abhaanu bhuri rubhaara mu‑makanisa goone.

1 Bakorinto 4:2

Woori, omuunu unu ayaaywe emirimu, keendwa abhe omukosi omwiyikanyibhwa.

1 Bakorinto 7:25

Woori, ku‑bhayarakaji bhanu bhachaari okutwarwa, nitari na riragiriro okusooka ku‑Raatabhugenyi Yeesu. Nawe ku‑bhwiganirisya bhwani enibhatongera, anye unu niiyire okwiyikanyibhwa ku‑songa ya echigongo cha Nyamuwanga.

2 Bakorinto 11:23

Siga woori naayike rwa omusasi ati, araabha abheene ni bhakosi bha Kirisito, anye niri mukosi wa Kirisito okubhakira. Anye niikomeesiisye okukora emirimu muno, nibhoyerwe mw‑ibhoyero kwiya kaafu muno, nibhumirwe kwiya kaafu muno, ka wone naariga niri mu‑ngʼanga ya okufwa kwiya kaafu.

Baefeso 5:21

Bhuri wumwi weemwe orobherega oweejaabho, kwa okubha mu‑kukora kutyo, omuyaana Kirisito echibharo.

Bafilipi 2:25

Emwe, ꞉mwatumire Epafurodiito kw‑anye okusankira na okufurubhendera obhukene bhwani. Woori, enirora ati ni kisi nimutume rindi kw‑imwe. Omwene ni mwikirisya oweejaasu, omukosi weejaasu wa emirimu ja Nyamuwanga na ni musirikare oweejaasu mu‑kurwanirira Emisango ja Ekisi.

Bakolosai 4:12

Epaafura, omukosi wa Kirisito Yeesu, ka wone ni muunu wa ewaanyu eyo, kaabhakeesya. Bhuri mwanya keekomeesya okubhasabhirwa korereki murumatane echinyamwoyo mu‑riikirisya ryemwe na okubha na echimari inguru ya okwenda kwone kwa Nyamuwanga.

Bakolosai 4:7

Omuyiri weeswe omwendwa Tukiiko ni mukosi omwiyikanyibhwa. Echikora emirimu ja Raatabhugenyi Yeesu aamwi nage. Omwene aribhabhwira emisango jaani joone.

Bakolosai 4:9

Ariija aamwi na Oneesimo, omuyiri weeswe omwendwa, ka wone omwiyikanyibhwa. Omwene ni muunu wa ewaanyu eyo. Bharibhabhwira emisango joone jinu ejikorekana kw‑iswe enu.

1 Timoteo 4:6

Ukeeyigisya abheejaasu bhoone emisango ejo, niwo uribha omukosi wa ekisi wa Kirisito Yeesu. Ka wone, uribhaga urererwe kisi mu‑chimari cha eriikirisya na ameeyigisyo ga ekisi ganu awe uruubhire.

2 Timoteo 2:2

Awe ꞉woonguuwe ameeyigisyo ganu neeyigisyaga imbere ya abhabhambaasi bhaafu. Mbe, awe wone uyaane abhaanu abheeyikanyibhwa, bhanu abhatura okwiyigisya abhandi.

Filemoni 1:23

Epaafura, unu abhoyerwe aamwi na anye inguru ya Kirisito Yeesu, kaakukeesya.

Baeburania 2:17

Ku‑songa eyo, ꞉aakenerwe aaje ari rwa kutyo abhayiri bhaaye bhari mu‑joone, korereki abhe Omugabhisi Omukuru unu ari owa echigongo na omwiyikanyibhwa ku‑mirimu jaaye imbere ya Nyamuwanga. Omugabhisi oyo niwe ꞉aakorere echoogo korereki Nyamuwanga afwire echigongo abhaanu ebhibhiibhi bhyebhwe.

Baeburania 3:2

Yeesu aariga ari mwiyikanyibhwa okukora joone jinu Nyamuwanga ꞉aamusorere akore, rwa kutyo Muusa wone aariga ari mutangasya omwiyikanyibhwa wa abhaanu bhoone bha inju ya Nyamuwanga, nikwo okwayika ati Abhayisirayeeri.