Bagalatia 4:9 - Indagano Inyaaya mu-Chijita

⁹ Nawe woori, omumenya Nyamuwanga na omwene wone kaabhamenya muno. Woori ni kurwa ki omusubha okuramya obhutinge bhwa akatungiiywe bhwa echaaro chinu? Obhutinge obhwo, bhutari na obhuturo noorwo obhugajuro bhwonebhwone. Amwi omwenda rindi okubha abhagaya bhaabhwo?

INDAGANO INYA:YA

⁹ Nawe woryanu, okuba mwamumenyere Nyamuanga, na cinu cikirireo Nyamuanga abamenyere emwe, ?niki cinu ecikora omuinduka inyuma mu byo busimukwa binu bitana managa ne byo butaka, nimwenda okusuba okutungwa nabyo rindi?

Bagalatia 4:9 ပူးပေါင်းရင်းမြစ်များ

Matayo 11:27

Neeya Yeesu ˆnaabhwira abhaanu ati, “Raata waani anaaye bhyone. Atari‑wo omuunu unu kaamenya kutyo anye Omwana wa Nyamuwanga niri, tari Raata wenyere. Ka wone, atari‑wo omuunu unu kaamenya Raata kutyo ari, tari anye Omwana waaye era, na bhuri muunu unu Omwana waaye keenda okumuswerurira.

Ruuka 5:38

Nawe echifuufu echiyaaya, cheenderwe chituurwe mu‑sagwa ja jinjayi jinyaaya!

Yowana 10:14

“Anye naanye omureefi wa ekisi. Nimenyere kisi jinaama jaani, ejeene wone jimmenyere,

Yowana 10:27

Jinaama jaani ejuungwa obhuraka bhwani. Anye nijimenyere, ejeene ejinduubha.

Yowana 17:3

Obhuwanga bhwa akajaanende nibhwo bhunu, abhaanu bhakumenye awe, Nyamuwanga eenyere wa chimari, ka wone, bhammenye anye Yeesu Kirisito, unu awe ꞉waantumire.

Barumi 8:29

Chimenyere ejo, kwa okubha, bhanu Nyamuwanga ꞉aamenyere okusookerera ku‑bhwambiro, ꞉aaramuuye noorwo echaaro chichaari okubhumbwa ati bhabhe rwa Omwana waaye Yeesu Kirisito kutyo ari. ꞉Aaramuuye kutyo, korereki Omwana waaye abhe omutangati agati ya abhayiri bhaafu.

Barumi 8:3

Ebhiraagiro bhya Muusa bhyariga bhitari na amanaga ga okuchiyaana obhwitaage, ku‑songa ya obhusimukwa bhweswe bhwa echibhiibhi. Nawe chinu ebhiraagiro ebhyo ꞉bhyataamiibhwe okukora, Nyamuwanga ꞉aachikorere. ꞉Aatumire Omwana waaye omwene, aaje kw‑iswe ku‑chaaro anu ari na omubhiri rwa eswe abha ebhibhiibhi, korereki eesoosye rwa echoogo inguru ya ebhibhiibhi bhyeswe. Kwa okukora kutyo, Nyamuwanga ꞉aayaaye Yeesu ebhitiibha inguru ya ebhibhiibhi bhya abhaanu,

1 Bakorinto 13:12

Ebhiinu bhinu echirora woori, echibhirora mw‑irore wuti bhiri mu‑rukoowa, nawe omwanya gunu oguuja chiribhirora bhyone abhwerubhweru. Woori enimenya kutooto era, nawe omwanya gunu oguuja nirimenya kisi rwa kutyo anye nimenyerwe na Nyamuwanga.

1 Bakorinto 15:34

Mupaapuke mubhe na obhwenge rwa kutyo mukenerwe, musige okukora ebhibhiibhi. Abhandi agati yeemwe bhatakumenya Nyamuwanga. Enaayika ejo, korereki nibhaswasye.

1 Bakorinto 8:3

Nawe omuunu unu keenda Nyamuwanga, oyo niwe kaamenyekana ku‑Nyamuwanga omwene.

2 Bakorinto 11:20

Omwigumiirisya noorwo omuunu unu kaabhatuura mu‑bhugaya, unu kaabheebhira na okubhasaakura ebhiinu bhyemwe, ka wone unu keekora okubha omukuru inguru yeemwe na unu kaabhabhuma mu‑bhusu.

2 Bakorinto 4:6

Okubha Nyamuwanga ꞉aayikire ati, “Obhweru bhumirike mu‑chisuute.” Omwene niwe kaamirika emyoyo jeeswe, na okuchiyaana obhweru bhwa okusombookerwa rikusyo ryaye, rinu eringʼarabhya mu‑bhusu bhwa Yeesu Kirisito.

Bagalatia 3:3

Ni kurwa ki muri bhataamutaamu kutyo? Emwe ꞉mwaambire emisango joone ku‑managa ga Mwoyo Mweru, ni kurwa ki woori omwenda okujikuumisya ku‑managa geemwe?

Bagalatia 4:3

Nyabhuriko eswe wone, ni kutyokutyo, omwanya gunu Kirisito aariga achaari okuuja, chaariga chiri rwa abhaana abharera, chaariga chiri bhagaya bha obhutinge bhwa akatungiiywe bhwa echaaro chinu.

Baefeso 1:17

Enisabhwa Nyamuwanga wa Raatabhugenyi weeswe Yeesu Kirisito, Raata owa rikusyo, abhayaane obhwengeeso bhwa echinyamwoyo na okwiswerura kw‑imwe, korereki mumusombookerwe muno.

2 Timoteo 2:19

Nawe abhaanu bhanu bheemereeguuyu bharumateene, bhari rwa orufuka runu ruteeywe‑wo na Nyamuwanga. Orufuka orwo rurumateene ndi. Inguru yaarwo ruri‑ko orunabho runu rukaamirwe ati, “Raatabhugenyi kaamenya abhaanu bhaaye,” ka wone, “Omuunu woonewoone unu kaayika ati, omwene ari rubhaara rwa Raatabhugenyi, asige ebhibhiibhi.”

Baeburania 7:18

Kurwa ejo, Nyamuwanga ꞉aasoosiisye‑wo riragiriro rirya rya ku‑bhwambiro kwa okubha ryariga ritari na amanaga, ka wone ryariga ritari na omurimu gwonegwone.

2 Petero 2:20

Na abhaanu bhaakabha bhaasigire obhujabhi bhwa ku‑chaaro chinu kwa okumenya kisi Raatabhugenyi na Omuchungusi weeswe Yeesu Kirisito, nibheeya nibhakomwa rindi na okutaamibhwa okusooka mu‑bhujabhi obhwo, ku‑bhuteero itungwa ya abhaanu abho, eyibha mbiibhi muno okukira kutyo yaariga iri ku‑bhwambiro.

1 Yoana 5:20

Ka wone, echimenya ati Omwana wa Nyamuwanga eejire mu‑chaaro munu, achiyaanire obhwenge, korereki chisombookerwe Nyamuwanga wa echimari. Chiri na obhumwi na Nyamuwanga wa echimari, kwa okubha chiri na obhumwi na Omwana waaye Yeesu Kirisito. Omwene niwe Nyamuwanga wa echimari, unu ari bhuwanga bhwa akajaanende koone.