Bagalatia 4:4 - Indagano Inyaaya mu-Chijita

⁴ Nawe jisiku jinu jaariga jiteeywe‑wo jejire jaakuumira, Nyamuwanga ˆnaatuma Omwana waaye ku‑chaaro chinu. Omwana waaye oyo, ꞉eebhuuywe na omugasi rwa eswe, ˆnaatungwa na ebhiraagiro bhya Muusa.

INDAGANO INYA:YA

⁴ Nawe jisiku je:jire jaku:mira, Nyamuanga natuma Omwana wae, unu e:buywe no mugasi, unu e:buywe atungirwe biragiro.

Bagalatia 4:4 ပူးပေါင်းရင်းမြစ်များ

Matayo 1:23

“Ringira, omuyarajuma arijira inda, ariibhura omwana wa echirume. Risiina ryaye bharimutoga Manweri.” Obhugajuro bhwa risiina eryo ni ati, “Nyamuwanga ari aamwi na eswe.”

Matayo 3:15

Yeesu ˆnaamusubhya ati, “Awe ikirisya era umbatiije woori, kwa okubha echikenwa okukuumisya obhurengeresi bhwone.” Mbe, Yowana ˆneekirisya, ˆnaamubhatiija.

Matayo 5:17

“Mwasiga okwitogera ati, niijire korereki nisoosye‑wo ebhiraagiro bhya Muusa, amwi jinu ꞉jaayikirwe na abharagi. ꞉Niteejire korereki nibhisoosye‑wo, tari niijire korereki neeresye echimari chaabhyo choone.

Mariko 1:15

Aaraasyaga, ˆnaayikaga ati, “Omwanya gunu ꞉gwaragirwe, gwakinga, obhukama bhwa Nyamuwanga bhuri yeeyi. Mbe, mute ebhibhiibhi bhyemwe ku‑Nyamuwanga na okwikirisya Emisango ja Ekisi ejo.”

Ruuka 1:31

Yungwa, owuja okujira inda na uriibhura omwana omusigaji. Risiina ryaye urimutoga Yeesu.

Ruuka 1:35

Maraayika oyo ˆnaamusubhya ati, “Mwoyo Mweru arikwikira na obhuturo bhwa unu ari Inguru ya Bhyone bhurikwijira inguru yaawo rwa rirengesi. Kurwa ejo, omwana unu uriibhura, aribha musorwa. Aribha ˆnaabhirikirwa ati, ni Mwana wa Nyamuwanga.

Ruuka 2:7

ˆNeebhura omwana waaye wa obhubhere ari wa echirume. ˆNaamuswikira emyenda, ˆnaamumaamya mw‑itubha rya okuriisisya‑mo jiingʼa, kwa okubha ꞉bhataabhwene obhumaamo mu‑nju ya abhagenyi.

Ruuka 20:44

“Woori, araabha Dawudi kaabhirikira Kirisito, Raatabhugenyi, ejibha kutiki Kirisito okubha omwana waaye?”

Yowana 1:14

Mbe, Musango oyo ˆnaabha omuunu, ˆneekara agati yeeswe. Eswe bhoone nichirora rikusyo ryaye, rikusyo rya Omwana eenyere wa Raata Nyamuwanga, eejuuywe obhwitiriranya bhwafu na echimari choone.

Yowana 10:36

Raata niwe ꞉aansorere na okuntuma ku‑chaaro kunu. Angu woori, ni kurwa ki omwayika ati, anye enifumiirisya Nyamuwanga omwanya gunu enaayika ati, ‘Anye niri Mwana wa Nyamuwanga’?

Yowana 3:16

Nyamuwanga eendere muno abhaanu bhoone bha ku‑chaaro kunu. Nikwo okukora ꞉aatumire Omwana waaye wenyere aaje ku‑chaaro kunu, korereki bhuri muunu unu keekirisya Omwana oyo aasiga okusimagira, tari abhe na obhuwanga bhwa akajaanende koone.

Yowana 6:38

Anye ꞉niteejire okusooka mu‑rwire korereki nibhe ninkora jinu eneenda anye, tari korereki nibhe ninkora jinu keenda Raata unu ꞉aantumire.

Yowana 8:42

Yeesu ˆnaabhasubhya ati, “Araabha Nyamuwanga akabheeye ari Somwana, mwakanyendere, kwa okubha nisookere ku‑mwene, ka woori niri anu. Anye ꞉niteejire ku‑bhuturo bhwani, tari Nyamuwanga niwe ꞉aantumire.

Ebikorwa 1:7

ˆNaabhabhwira ati, “Jisiku ja emisango ejo, jitari inguru yeemwe okujimenya, kwa okubha ni Raata omwene era, ku‑bhuturo bhwaye niwe aramuuye ati, jirikorekana rusuku ri.

Barumi 1:3

Emisango ja Ekisi ejo, nijo emisango inguru ya Omwana waaye. Echinyamuunu, ꞉eebhuuywe mu‑ruganda rwa omukama Dawudi,

Barumi 15:8

Enibhabhwira ati, Kirisito ꞉eejire okubha omukosi wa Abhayawudi, korereki abheeresye ati, Nyamuwanga ni mwiyikanyibhwa. Okutura ku‑Kirisito, Nyamuwanga akuumisiisye emirago joone jinu ꞉aaragire bhasaaja weeswe.

Barumi 5:6

Mbe, omwanya gunu eswe chaariga chitari na amanaga, Kirisito ꞉eejire ˆnaachifwira eswe abhajabhi, ku‑mwanya gunu ꞉gwateeywe‑wo.

Barumi 8:3

Ebhiraagiro bhya Muusa bhyariga bhitari na amanaga ga okuchiyaana obhwitaage, ku‑songa ya obhusimukwa bhweswe bhwa echibhiibhi. Nawe chinu ebhiraagiro ebhyo ꞉bhyataamiibhwe okukora, Nyamuwanga ꞉aachikorere. ꞉Aatumire Omwana waaye omwene, aaje kw‑iswe ku‑chaaro anu ari na omubhiri rwa eswe abha ebhibhiibhi, korereki eesoosye rwa echoogo inguru ya ebhibhiibhi bhyeswe. Kwa okukora kutyo, Nyamuwanga ꞉aayaaye Yeesu ebhitiibha inguru ya ebhibhiibhi bhya abhaanu,

Barumi 9:5

Abhayisirayeeri abho nibho orwibhuro rwa bhasaaja Bhurayimu, Isaaka na Yakobho. Echinyamuunu, noorwo Kirisito ni Muyisirayeeri. Kirisito, niwe Nyamuwanga, Omukuru wa bhyone, akusibhwe akajaanende koone! Jibhe kutyo.

Baefeso 1:10

Obhutinge bhwaye ni ati, aribha gwakuumira omwanya gunu omwene ateeye‑wo, niwo ariwumbanya aamwi ebhiinu bhyone bhibhe emwaro ya obhutungi bhwa Kirisito, ebhiinu bhinu bhiri mu‑rwire na bhinu bhiri mu‑chaaro.

Bakolosai 2:14

꞉Aariyire ribhanja rya ebhibhiibhi bhyeswe ku‑njira ya Yeesu okuchifwira ku‑musarabha. ꞉Aasoosiisye‑wo orukaamo rwa ebhiraagiro runu rwariga niruchibhuura, ˆnaarusoosya‑wo chimwi kwa okurubhumiirira ku‑musarabha.

1 Timoteo 2:6

Omwene ꞉aasoosiisye obhurame bhwaye, korereki eerure abhaanu bhoone. Bhunu nibhwo obhubhambaasi bhunu Nyamuwanga ꞉aachiyaaye ku‑mwanya gunu ꞉aateeye‑wo.

1 Timoteo 3:16

Echimari chinu Nyamuwanga asweruuye ni cha okuruguusya na nicho chinu, Kirisito ꞉eesweruuye mu‑mubhiri, ˆnaayikwa na Mwoyo Mweru ati ni murengeresi, ˆnaabhonekana ku‑bhamaraayika, ˆnaaraasibhwa mu‑maanga goone, ˆneekirisibhwa na abhaanu bha mu‑chaaro, ˆnaagegwa okuja inguru mw‑ikusyo.

Baeburania 2:14

Mbe, kwa okubha abhaana bhari na emibhiri na isagama, Yeesu wone ꞉eejire ari na omubhiri na isagama rwa abheene. ꞉Aakorere kutyo, korereki ku‑njira ya orufu rwaye, ayige amanaga ga Syetaani, unu ari na obhuturo bhwa orufu.

Baeburania 9:10

Okubha emisango ejo jaariga jiri ja echinyamubhiri, ja ebhiryo, ja ebhinywebhwa, na eja okwiyesya emibhiri era. Ejo joone jiriwaa‑wo omwanya gunu Nyamuwanga arituura‑wo obhutinge obhuyaaya.

1 Yoana 4:14

Eswe chibhuganganyiisye ameeso na Omwana wa Nyamuwanga. Woori, echibhwira abhaanu abhandi echimari ati, oyo niwe Raata Nyamuwanga ꞉aatumire mu‑chaaro okubha Omuchungusi wa abhaanu bhoone.

1 Yoana 4:2

Injira ya okumenya ati omuunu kaatangasibhwa na Mwoyo wa Nyamuwanga niyo inu, omuunu woonewoone unu keekirisya na okutogora ati Yeesu Kirisito ꞉eejire ˆnaabha na omubhiri rwa omuunu, oyo niwe kaatangasibhwa na Mwoyo wa Nyamuwanga.