Bagalatia 2:9 - Indagano Inyaaya mu-Chijita

⁹ Mbe Yakobho, Peetero na Yowana, nibho bhaariga bhari abhatangasya abhakuru, nibhasombookerwa ati Nyamuwanga niwe ꞉aanaaye emirimu jinu ku‑bhwitiriranya bhwaye. Kurwa ejo, nibhachiyaana amabhoko, anye na Bharinaabha rwa echibharikisyo cha obhusangi. ꞉Cheekirisyanyiisye nabho ati eswe chigende okukora emirimu ku‑bhanu bhatari Bhayawudi, na abheene bhakore emirimu ku‑Bhayawudi.

INDAGANO INYA:YA

⁹ Mbe Yakobo na Kefa na Yoana, banu bakuibwaga okuba ŋingi, wejire bamenya ecigongo cinu nayabirwe, nibaciyana okuboko kwe buryo okwo busangi, anye na Barinaba, korereki eswe cigende ku ba:maanga, na bene bagende ku batende.

Bagalatia 2:9 ပူးပေါင်းရင်းမြစ်များ

Matayo 16:18

Anye enikubhwira ati, awe Peetero uri rutare, inguru ya orutare runu, nikwo niryumbaka rikanisa ryani, noorwo amanaga ga nyombe gataririyiga wuri.

Ruuka 22:8

Yeesu ˆnaatuma Peetero na Yowana, ˆnaabhabhwira ati, “Mugende muchiiraabhire ebhiryo bhya Okwambuka, korereki chiije chibhirye bhoone aamwi.”

Yowana 1:42

Niwo Andereya ˆnaasira Simooni ku‑Yeesu. Yeesu ˆnaaringira Simooni, ˆnaamubhwira ati, “Awe naawe Simooni, omwana wa Yowana. Nawe okwambira woori, risiina ryawo eribha Keefa.” Risiina eryo mu‑Chiyunaani ni Peetero, obhugajuro bhwaryo ni “Rutare.”

Ebikorwa 12:17

Peetero ˆnaabhawungisya okubhoko bhajibhire, ˆnaabhatondera kutyo Raatabhugenyi Yeesu aamusoosya mw‑ibhoyero. Niwo ˆnaabhabhwira ati, “Emisango ejo, mubhwire Yakobho na abheekirisya abhandi.” Neeya Peetero ˆnaasooka awo, ˆnaagenda orubhaara orundi.

Ebikorwa 15:13

Omwanya gunu ꞉bhaamarire okwayika, Yakobho wone ˆnaayika ati, “Emwe abhayiri bhaasu, muntegeresye!

Ebikorwa 15:7

Bhunu bhaamarire omwanya omureera okwayikana nabho, Peetero ˆneemereeguru, ˆnaabhabhwira ati, “Emwe abhayiri bhaasu omumenya ati, siku nyafu jinu jiyitingʼeene Nyamuwanga ꞉aanyawuuwe agati yeemwe, korereki abhaanu bhanu bhatari Bhayawudi, bhabhwirwe Emisango ja Ekisi na okujiikirisya, okutura kw‑anye.

Ebikorwa 4:36

Aariga ari‑wo Omuraawi umwi risiina ryaye aatogwaga Jejefu, omwibhurwa wa kw‑isinga rya Kiipuro, unu jitumwa ja Yeesu ꞉bhaamutogere ati, Bharinaabha, obhugajuro bhwaryo ni unu kaasimbiisya omwoyo.

Barumi 1:5

Okutura ku‑mwene Nyamuwanga ꞉aanaaye obhwitiriranya bhwa okubha itumwa ya Raatabhugenyi Yeesu, korereki abhaanu bhoone bhanu bhatari Bhayawudi, bhature okwikirisya na okugayuka emisango ja Raatabhugenyi Yeesu, na risiina ryaye riyaanwe rikusyo.

Barumi 12:3

Woori, Kirisito anaaye obhwitiriranya nibhe itumwa yaaye. Kurwa ejo, enibhwira bhuri umwi weemwe ati, asige okwirora ati eeyire okukira kutyo ari, tari abhe na obhwengeeso. Mubhe nimwirora ati, bhuri muunu ayaaywe eriikirisya riryarirya na Nyamuwanga.

Barumi 15:15

Noorwo kutyo, naabhakaamira emisango ejindi mu‑nyarubha inu kwa ribhaasi, korereki nibheechukye emisango ejo. Naakora kutyo, kwa okubha Nyamuwanga anaaye obhwitiriranya,

1 Bakorinto 15:10

Nawe obhwitiriranya bhwa Nyamuwanga nibhwo bhukorere anye okubha itumwa. Obhwitiriranya bhwaye kw‑anye bhwariga bhutari bhwa kutyo era, kwa okubha okutura ku‑bhwitiriranya obhwo, nikorere emirimu okukira jitumwa joone. ꞉Nitaakorere ejo ku‑bhuturo bhwani omwene, tari Nyamuwanga ku‑bhwitiriranya bhwaye niwe ꞉aakorere emirimu aamwi na anye.

2 Bakorinto 11:5

Anye nitakwirora ati niri mutooto okukira bhanu abheerora wuti nibho jitumwa jingʼuru.

2 Bakorinto 12:11

Naayika rwa omumuumu, nawe emwe neemwe mwareterera naayike kutyo. Emwe mwariga nimwendwa munkuuye. Noorwo araabha enibhonekana ati, niteeyire, anye nitari mutooto okukira bhanu abheerora wuti nibho jitumwa jingʼuru.

2 Bakorinto 8:4

Bhaariga nibhachiirembeeresya muno ati, bhabhone omwanya gwa okusangira ku‑mirimu ja okusakira abheekirisya bha Yerusareemu.

Bagalatia 1:16

okunswerurira Omwana waaye kutyo ari. ꞉Aaramuuye okukora kutyo, korereki niraasye Emisango ja Ekisi inguru ya Omwana waaye ku‑bhaanu bhanu bhatari Bhayawudi. Anye ꞉nitaayenjere abhaanu bha okuntongera jinu nirikora.

Bagalatia 1:18

Jejire jaatura emiguuga esatu, ningenda Yerusareemu korereki nibhugane na Peetero eyo. ꞉Neekaaye ewaaye siku ekumi na etaanu era.

Bagalatia 2:1

Jejire jaatura emiguuga ekumi na ena, nindiinya rindi okugenda Yerusareemu. Ningenda aamwi na Bharinaabha, ka wone, ningega Tiito nichigenda nage.

Bagalatia 2:2

꞉Naariinyire okugenda eyo ku‑mwanya ogwo, kwa okubha Nyamuwanga aariga answeruriiye ati nigende. Nichibhugana na abhatangasya bha rikanisa mu‑bhumbise. Nimbabhwira Emisango ja Ekisi jinu naariga nindaasya ku‑bhanu bhatari Bhayawudi. ꞉Naaramuuye okusangira aamwi nabho ejo, korereki emirimu jinu naariga ninkora na jinu enigenderera okukora jaasiga okubha ja okufwirwa‑mo.

Bagalatia 6:3

Mbe, omuunu woonewoone unu keerora ati ni wa obhugajuro okukira abheejaabho, oyo atari wa obhugajuro, keejiga omwene era.

Baefeso 2:20

Muri rwa inju inu yumbakirwe ku‑rufuka rwa jitumwa na abharagi. Kirisito Yeesu omwene, ari rwa ribhuyi rinene rya orufuka.

Baefeso 3:8

Anye, niri mutooto okukira omutooto woonewoone ku‑bheeru bhoone bha Nyamuwanga. Noorwo kutyo, naanye ꞉naayaaywe obhwitiriranya bhwa okuraasisya abhaanu bhanu bhatari Bhayawudi obhuniibhi bhwa Kirisito bhunu bhutari na indengo.

Bakolosai 1:29

Inguru ya omusango ogwo, eniikomeesya na okurwanirira emirimu jinu ku‑managa maafu ganu Kirisito kaanaana.

1 Timoteo 3:15

Nawe aribha naakoora, umenye jinu jiiyire abhaana bha Nyamuwanga bhakore. Abhaana abho nibho rikanisa rya Nyamuwanga omuwanga na rikanisa niryo ingʼingi na orufuka rwa echimari.

1 Yoana 1:3

Echibharaasisya emisango inguru ya Yeesu unu ꞉chaarorere na okumutegeresya, korereki mubhe na obhumwi na eswe mu‑riikirisya. Obhumwi obhwo, chiri nabhwo na Raata Nyamuwanga na Omwana waaye Yeesu Kirisito.

Obhusweruro 3:12

Omuunu woonewoone unu ariyiga, nirimukora abhe ingʼingi mw‑Iyekaru rya Nyamuwanga waani, wone atarisooka omwo rindi. Nirikaama inguru yaaye risiina rya Nyamuwanga waani na risiina rya omusi gwa Nyamuwanga waani. Omusi ogwo ni Yerusareemu inyaaya, gunu guriika okusooka mu‑rwire ku‑Nyamuwanga waani. Ka wone, nirikaama inguru yaaye risiina ryani riyaaya.